Jacques 4:7 - Kálar Nzyɛ̌m : Ejwán é Sáá

⁷ Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

Kálara Zyɛ̌m Edwán é mpʉ̌n

⁷ Ebe no, filɨ ga monyʉl si é mih mo Zyɛm. Saʼ ga Njwɨɨ moleme mongan. Nye ókpɛɛ bɨn.

Jacques 4:7 ပူးပေါင်းရင်းမြစ်များ

Éfɛsɔs 4:27

Mʉ̌r sá adwe sɔ́ŋ meleme gúmó étyêl ébo.

1 Pyɛr 5:6

Jɔrɨɨ gá menyʉ̂l e Nzyɛ̌m. Nyě jwɨ́ɨ́ bʉ̂r ó sí yɨ̂ʼ ó e nkul ɨ́ buo buo. Bɨ́n jɔ́r ményʉ̂l e né nó, nyé ogbɛl bɨ́n sí ɨ́ jɔʼ nyé á pa boo tíʼe ó, nye ótíʼ bɨ́n yɨ́.

Ebrœ̂ 12:9

Yé e yʉ́ʉ́ sɔ̂ʼ: ɨ́ jɔʼ ósɔ́ŋ gá bɨ́ná, bé á byâ mɨná bá, sɨ́ʼ mɨ́ná gá milʉ̂ yɨ́, mɨná sɨ́sá ó, dwe gá bé dúu. Nó ó, Sɔ́ŋ gá wɨ́ná á tíʼ mɨná gá misísǐm nyá, nyé ósɨ̂ʼ mɨ́ná gá ntémé milʉ̂ nó, nzê mɨná bé ajala le edwe gá nye dúu ɨ́ buo buo ɛ̌? Mɨ́ná sí sâ gá nye mejóʼo nó, lɛ́ɛ́, mɨná bé ótíʼe gá ɨ́ nzɨ̌ mejóʼo maá.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Mataos 11:29

Níʼéé gá ɨ́ jwɨ́ɨ́ yâm. Bɨ̌n a jóʼló métwɨ́ɨ́ mâm, ebě, me ɨ́ talǎ njwɨr le embɨa é léme. Bɨ̌n nkʉ̂ bi égbalá.

Éfɛsɔs 5:21

Sɨ́sáʼ gá mejóʼo páʼ nyɨ́n, ebě, bɨ̌n bé lɨ́ edwáawǒ Krîst.

1 Pyɛr 2:13

Sáʼ gá otyɛ̂b bé ésôʼ o dí etyélɔɔ bá mejóʼo, ɨ́ lɔ̌b mé Tî Yésʉs. Sáʼ gá njwɨ́ɨ sí yɨ́n mejóʼo, ebě, nye ó dí lʉ́ ótyɛ̂b bé ésôʼ bɨ́bɛ̂h.

Rôm 14:11

Ebě, yê cɛmá ó: Dâ Nzyɛ̌m káálé ó: «Yé bé me dína ó, ɨ́ twiʼ nó, me ókʉ́ bánǎ sâ ó, mʉr nyɨnyɛ̂h bɨ́ʼɨɨ mebóó sí ɨ́ mpǒm nyǎm. Mʉr nyɨnyɛ̂h gúmlo mê, mɛm, mʉr dí Nzyɛ̌m nyá.»

Mɨlʉmlʉ 26:19

«Nó ó, njwɨ́ɨ Agrípa, me á bé apyêh mbeá ésimá wé á duho ɨ́ jʉ́o kʉ́ wɨ́.

Mɨlʉmlʉ 9:6

Nó ó, gbɔlwaa sí. Go e ní ɨ́ nkana. Bé ólɛ́ɛ gó sá gó jálá le esâ gʉ̂ʼ yɨ́.»

Éfɛsɔs 6:13

Sá tɨ̂ʼ ó mé dí elɛ́ɛ bɨ́n ó, nʉaa gá bisá bí dɔ̂m ɨ́ mebó mé Nzyɛ̌m yɨ́. Bébebébe móhó, wé ópyâl bɨ́n nó, bɨ̌n bé óbe e nkul elwímla. Bɨ́n óbe, sí lwímla, ɨ́ lwímla lwímla, ntaǎ sá yɨ́yɛ̂h nó, bɨ̌n bé otyɛ̂b mekʉ̌ sí ɨ́ sɨ́ŋ, apɨ́ŋla ɨ́ jɔʼ ébébe yaá.