Jacques 4:5 - Kálar Nzyɛ̌m : Ejwán é Sáá

⁵ Nzê bɨ̌n mû lɨ́ ebee ó, lwǐb mé Nzyɛ̌m, yé ó dwêh? Ebě, nye á si boo lɛ́ɛ ó: «Sísǐm Nzyɛ̌m á gbâ ɨ́ mɨná gá wɨ́, wé ɨ́ buú sâ mbɔʼ.»

Kálara Zyɛ̌m Edwán é mpʉ̌n

⁵ Kalara Zyɛm, nye elɛɛ ó: «Sisim Zyɛm a ntɨh bɨna ga ɛ, nye ó é bul mpam e we.» Anyamle toŋlo ga ó, sa Kalara Zyɛm lé elwib ɨ, yé ó mbɛh.

Jacques 4:5 ပူးပေါင်းရင်းမြစ်များ

2 Korɛnt 6:16

Nzê bʉr o dí eséa ɨ́ mpáh Nzyɛ̌m bá, bé e baá o dí etʉ̂to ɨ́ menzaá bíkpɛʼkpɛ̂ʼ bí ónzyɛ̌m bá, bé e nkul esʉ nkâm mpwár ɛ́? Ebě, menyʉ́l gá mɨ́ná, mé ó mpáh Nzyɛ̌m dí kublakúbla nyɨ́. Yé ó kwahaá mpʉ̌ Nzyɛ̌m mʉr tɨ̂ʼ á lɛ́ɛ yɨ́, ó: Me ódi ɨ́ sɔ́má yɔ́ɔ́, le etiʼe ɨ́ sɔ́má yɔ́ɔ́ tʉ́ŋlʉ̌. Me óbe ó Nzyɛ̌m wɔ́ɔ́. Bɨ́ɛ, bé óbe ó bʉr bâm.

1 Korɛnt 6:19

Nó ó, nzê bɨ̌n bé agʉ́a ó, menyʉ́l mɨ́n, mé ó mpáh mé Sísǐm mé Nzyɛ̌m ɛ̌? Sísǐm dí ɨ́ bɨ̌n wɨ́, wé ó waá Nzyɛ̌m á ntɨh bɨ̌n wɨ́. Bɨ̌n bé agúmo e bɨ̌n bʉr o tɨ̂,

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Galásia 3:8

Bé á si boo cɛma ɨ́ Mekaná mé Nzyɛ̌m ó, bʉr o bíkûl biswîh, bé óbi nkâm ɨ́ míh mé Nzyɛ̌m ó, ɨ́ lɔ̌b búʼó yɔ́ɔ́. Mbɨambɨa Lɔ́ɔ́ wɨ̂, wé á nyɛɛ túnɔɔ ó, Abraham! Nzyɛ̌m á lɛ́ɛ e né ó: Me ósʉ bíkúl bíbyɛ̂h metyɛʼ mé mpóm ó, ɨ́ koo gô.

Mɨlʉmlʉ 7:9

«Tó kœb ó, byúú bímpám gá bíná, byé á be lɨ́ esíe mɨ́ɔɔ́ wɔ́ɔ́, Yóseb. Bé ntɔ̂ʼ bɛ́ma nyê, tyenɔɔ nyé sí Egɨ̂ptɛn. Sâ gwár, bé e Nzyɛ̌m ó b'á be.

Yʉanes 10:35

Bɨ̌n bé lɨ́ egʉ́a ó, mɨná gá bé abe e nkul edímlě sâ gwár Mékaná mé Nzyɛ̌m á lɛ́ɛ yɨ́. Nzyɛ̌m á jébe “onzyɛ̌m” ó, baá bé á jóʼo lwǐb yé bá.

Rôm 1:29

Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.

Rôm 9:17

Yê cɛmá ɨ́ Mekaná mé Nzyɛ̌m, dumo e Faraɔ̂ŋ ó: Me á tyêl go ɨ́ dǐ njwɨ́ɨ, kǎ bîr ó, go sâʼ ebɨ̌h ó, me nkʉ̂ lɛ̂ʼle bʉ̂r bɨ́bɛ̂h nkul nyǎm e nzɨ̌ nyǒ, ndu e ntémé ó, bʉr tôʼ ɨ́ sí yɨ̂ʼ yɨ́yɛ̂h lɨ́ etúnǒ lɔ́ɔ dí edumo e díé lâm wɨ́.

Yʉanes 19:37

Yê cɛmá ntémé ɨ́ Mekaná mé Nzyɛ̌m ó: Bé ógwá bee mʉ̂r bé á lúmo ekʉá, ekʉá kpâhla nyá. )

Yʉanes 7:42

Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, óbe ó nta mé David. Nye óduho ó, Bétɛlɛhɛm, kwár mé David.»