Jacques 4:4 - Kálar Nzyɛ̌m : Ejwán é Sáá

⁴ Bɨ̌n odûl bé ónzyɛ̌m oswîh, nzê bɨ̌n bé agʉ́a ó, jɔʼ bɨ́n tíá ésó e sí yɨ̂ʼ yɨ́, bɨ̌n kǎ lɛ̂ʼlě Nzyɛ̌m náǎ ó, bɨ̌n bɨ́ dwira e né, le edi óntɨ̂m le obɨn bé ɛ́?

Kálara Zyɛ̌m Edwán é mpʉ̌n

⁴ Odul be ozyɛm ofih ba! Zê bɨn bé apa gʉa ó, é jɔʼ bɨn lé etia efo e si nwaʼ ɛ, bɨn mu ó lé elɛʼle Zyɛm ó, bɨn bɨ tumo nye koo ɛ? ǃBɨn si nʉa tiʼa é leme win ó, bɨn bé ótia efo e si nwaʼ nɛʼɛ, yé elɛʼle ó, bɨn bɨ lihba bʉr o dɔm mo Zyɛm.

Jacques 4:4 ပူးပေါင်းရင်းမြစ်များ

Rôm 8:7

Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

Galásia 1:10

Nó ó, báánâ, nzê nó yé lɛ́ʼlé ó, nkam bʉr ó mé dí esáa ɛ̌? Nkʉ̂ ó, nyaá mé Nzyɛ̌m ɨ́? Mě cɛmá nó ó, lɨ́ esáa nkâm mé Nzyɛ̌m. Nzê me mû sáa ó, me sâʼ mpʉ bʉ̂r dí egwɨ̂m yɨ́ ɛ́? Yé bé mě dú ó, bigwɨ́má bí bʉ̂r nó, lɛ́ɛ́, mé akǎ be syɛ̂l mesâ mé Krîst.

Yʉanes 15:19

Yé bé bɨ̌n bé á be ó bʉr ó sí yɨ̂ʼ nó, lɛ́ɛ́, bʉr ó sí, bé lɨ́ ekpɛl bɨ́n, ebě, bɨ̌n bé á gwa be ó mbi bʉ̂r wɔ́ɔ́. Sâ gwár, me á be ɨ́ twâr bɨ́n, pɛʼ bɨ́n ɨ́ sɔ́má bʉ̂r ó sí yɨ̂, ó bɨ̌n ayɨ́ kǎ gúmo e sí yɨ̂. Sɨ́ǎ yaá ó bʉ̂r ó sí yɨ̂ʼ mû sí bene bɨ́n yɨ́.

Mataos 6:24

«Kâr tɔʼ e mʉr ngwár dí e nkul eséa le ojwɨ́ɨ obá jɔʼ gwár, ebě, nye ónwim nyʉ́ʉ́, kpɛl nyʉ́ʉ́; nkʉ̂ ntɔ̂ʼ ó, nye ódwe nyʉ́ʉ́ dúu; pyêh nyʉ́ʉ́. Nó, bɨ̌n bé abe e nkul eséǎ Nzyɛ̌m syɛ́ɛ́, séa Ókúm-le-Ogbaa syɛ́ɛ́ ɨ́ jɔʼ gwár.

Yʉanes 17:14

Me á si kala ompʉ́n bâm lwǐb yô. Bʉr ó sí nzě nwim bê, ebě, bɨ́ɛ, bé akǎ gúmo e sí yɨ̂ʼ mpʉ mɛ̂m mʉr tɨ̂ʼ dí, agúmo e yé yɨ́.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

Mataos 16:4

Bibɨ́bla bi bʉ̂r le odûl bé ónzyɛ̌m oswîh ó dí edǐ bee mésimá. Yé ákóʼó kǎ be le esimá eswîh, alaa ó laá lé á syɛ́ɛ ɨ́ twiʼ mé Yʉ́nas lɨ́.» Jɔ̌ʼ Yésʉs á sil elwib nó yɨ́, bé le ompʉ́n bé ntɔ̂ʼ kalwo ɨ́ byɛ̂l, tóŋɔɔ.

Yʉanes 7:7

Bʉr ó sí yɨ̂, bé abe e nkul enwim bɨ́n. Bé nwím ó mɛm, ebe mé dí egwîh ó, bisyɛ́ɛla bé dí esâ bí, byé ɨ́ bébe.

Lʉkas 19:27

Nó ontɨ̂m le obɨn bâm bé á bene ó, me díʼee njwɨ́ɨ wɔ́ɔ́ bá, ntáʼ gá me e bǎ kâ. Bɨ̌n e jʉ́ bé wâʼ ɨ́ míh mâm.”»

Mataos 12:39

Nye nzě yala e bé ó: «Á bébe bʉ̂r ó myǎ bʉ̂r wɨ̂ʼ ɛ̌! Odûl bé ónzyɛ̌m oswîh! Bé lɨ́ edǐ beě dweʼle dí elɛ̂ʼlě mbi mʉ̂r mé dí wɨ́, duho ɨ́ lʉ́ʉ́ ésimá. Bé ákóʼó bee ésimá egwár, alaa ó laá lé á syɛ́ɛ ɨ́ twiʼ mé Yʉ́nas lɨ́.

1 Korɛnt 1:20

Nó ó, twóó nyɨɛ ókǎ lɛ́ɛ nyá? Cɛma mekaná nyɨɛ ókǎ lɛ́ɛ nyá? Mʉr edo ɨ́ mpóʼo sí yɨ̂ʼ ókǎ lɛ́ɛ nyá? Sá bʉ̂r ó sí yɨ̂ʼ jɨ́jébé ó, «ocwóó» yɨ́, Nzyɛ̌m jébé yɨ́ɛ ó, «ogʉ̌»!

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.