Jacques 4:3 - Kálar Nzyɛ̌m : Ejwán é Sáá

³ Bɨ́n jáʼ nyé byǎ nó, bɨ̌n bé abe lɨ́ ebi yɨ́ɛ byê, ebě, bɨ̌n bé lɨ́ ejaʼ ɨ́ mbi dí ɨ́ bébe wɨ́. Sá bɨ́n dí egwɨ̂m yɨ́, bɨ̌n jaá kpɛl yé ó, njɨ lɨ́ esú lé élóŋlo bígwɨ́má bín e tɨ̂.

Kálara Zyɛ̌m Edwán é mpʉ̌n

³ ǃBɨn si fuuba jaʼ nye ya nɛʼɛ, bɨn bé abi, ebe, mɨpɛhla min, myé é bebe. Sa bɨn lé egwɨm ɨ, bɨn bé ekpɛl to lɨr ye ó, njɨ lé edu bɨgwɨma lé eduho é l'ebebe lɨn ɨ.

Jacques 4:3 ပူးပေါင်းရင်းမြစ်များ

1 Yʉanes 5:14

Pyálá mɨ́ná ngá pyâl gá ɨ́ mpǒm mé Nzyɛ̌m wɨ́, wé óbe ó, mpûʼla, nyé osí lóŋlo mílémé gá míná. Mɨná bɨ́ gʉ́a gá ó, mɨ́ná jɨ́ʼlá gá e né, le edû mítíʼá mí lémé wé nó, nye ójóʼo mínjɨʼla gá míná myaá mbɨ̂mbɨá.

1 Yʉanes 3:22

Mɨná bé óbi gá ntémé sá yɨ́yɛ̂h mɨ́ná ógwâm gá nye yɨ́, ebě, mɨná bé lɨ́ ebaʼle métié mé, le esâ bísyɛ́ɛla nyé dí ebee mbɨ̂mbɨá bí.

Jacques 4:1

Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.

Lʉkas 15:13

Abea nɛ́ɛ: ntwóm nzě bɛ́ma nyé nkɔ̂b bisâ, nzě nʉǎ mɔnɨ́ tɨ̂, tô ɨ́ yʉ́ʉ́ sí swîh, yé á be lɨ́ ejaa yɨ́. Gʉ̂ʼ, nye á titiʼe ó, sá twiʼ asiŋa, sîl ésǎm mɔnɨ́ yé yɨ́yɛ̂h ɨ́ pé.

Markus 10:38

Nó ó Yésʉs á lɛ́ɛ e bé ó: «Bɨ̌n bé agʉ́ǎ sá bɨ́n dí edî yɨ́. Nzê bɨ̌n bé e nkul enkɛ́ɛ mítúú mé mû lɨ́ enzě nkɛ́ɛ mî, nkʉ̂ duŋɔɔ̌ ndubó mítúú mé ngá duŋɔɔ tɨ̂ʼ wɨ́ ɛ́?»

Mataos 20:22

Yésʉs nzě lɛ́ɛ e bé ó: «Bɨ̌n bé agʉ́ǎ sá bɨ́n dí yɨ́. Nzê bɨ̌n bé e nkul enkɛ́ɛ mítúú mé mû kúno enkɛ́ɛ mí ɛ́?» Bé e né ó: «Bɨ̌h bé e nkul enkɛ́ɛ.»

Lʉkas 15:30

Nó ɨ́ jɔʼ mwân gǒ nyâ, mû sí tó búla yɨ́, waá á sam bisá byô bíbyɛ̂h lɨ́ ebwâm bísadága bi bʉ́bá nyá, gʉ́ jʉ̂ nyé mâ myáʼ ntœœ!”

Lʉkas 11:10

Ebě, mʉr nyɨnyɛ̂h dí egwâm nyá, óbi. Mʉr dí esáa nyá, óbee. Ebê, lé ódibɔɔ lɨ́ esú é mʉ̂r dí ekwâʼle nyá.