Jacques 4:17 - Kálar Nzyɛ̌m : Ejwán é Sáá

¹⁷ Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

Kálara Zyɛ̌m Edwán é mpʉ̌n

¹⁷ Ebe no, mʉr waa lé egʉa mpaŋ syɛɛla nye lé ejala le esa ɛ, ntɔʼ bula di, asa ye e, nyi sa syem.

Jacques 4:17 ပူးပေါင်းရင်းမြစ်များ

Yʉanes 9:41

Yésʉs, nye e bé ó: «Yé bé bɨ̌n bé á bɨbe ó baántím nó, lɛ́ɛ́, bɨ̌n á gwa be ó mbɨ̂mbɨá, syóm akǎ be. Nó mpʉ bɨ́n lɛ́ɛ́ ó, bɨ̌n bé lɨ́ ebee yɨ́, nó yaá ó bɨ́n dína lɨ́ edi e misyóm mín yɨ́.»

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

2 Pyɛr 2:21

Yé á gwa mbɨa bʉr baá ó, mpa bé á bé apǎ dyɛ̂l ɨ́ nzɨ̌ dí elɛ̂ʼle bʉ̂r kʉ̌ tyen dí tîtyěl wɨ́ nyɨ́, laa ó, bé osí dyɛ̂l tɨ̂ʼ nɛ́ɛ: bé ntɔ̂ʼ kǎ bwóolo ntúʼó, túmǒ koo e metié me dí tí, maá Nzyɛ̌m á tyêl má.

Rôm 1:32

Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

Rôm 7:13

Nzê nó, yé lɛ́ɛ́ ó, sá dí ɨ́ buú mbɨa ɨ́ mpʉ métié maá yɨ́, yé á si ntɛŋ eswie ɨ́ me ɛ̌? Heʼé, yé abá be nó. Syóm wé omér, wé ó b'á jaa jʉ̂ me. Syóm waá, wé á si nʉa mpǎŋ mbɨambɨa metié maá, wé ntɔ̂ʼ jʉ̂ mé e tɨ̂. Syɛ́ɛla yaá ó dí elɛ̂ʼle mɨ́ná gá ó, syóm, wê tyeetye ó ambɨǎ sɔ̂ʼ. Syóm, wé á ka sahle ó, nko wé á jʉ̂ mɨná gá e nzɨ̌ metié yɨ́.