Jacques 4:12 - Kálar Nzyɛ̌m : Ejwán é Sáá

¹² Nó ó, Nzyɛ̌m, nye omér ó dí etyêl métié. Nye ntémé ó dí etíʼe mílɔ̌b. Nye óbɛ̌m tíʼ mʉ̂r, nkʉ̂ jʉ̂ nyê. Gua, go nzé, gó dí edwe mɨ́ɔɔ́ gǒ mʉr mebě nɨ̌?

Kálara Zyɛ̌m Edwán é mpʉ̌n

¹² No ó, Zyɛm, nye ome ó ndɨ etiile motie. Nye nteme ó ndɨ etiʼe mɨlɔb. Nye óbɛm dwe mʉr tiʼ molu mo mpoʼ mɨmɛh, nkʉ dimle nye. Gwɔɔ, mʉr lé edwe mɨɔ go mʉr mobe e, go esa nye no, dɔɔ waa yé?

Jacques 4:12 ပူးပေါင်းရင်းမြစ်များ

Rôm 14:4

Gua, go nzé, gó dí edwe syɛ̂l mesâ nye onkán mebě nɨ̌? Nyé sí sâ ébébe nó, njwɨ́ɨ wé ó jálá le elɛ̂ʼle nyé lǎ. Nyé sí sâ émbɨa nó, njwɨ́ɨ wé ntémé ó jálá le elɛ̂ʼle nyé lǎ. Nye átwe yɨ́ɛ twêʼ, ebě, Tî Yésʉs, nyě e nkul esúʼo nyé lɨ́ esú ó, nye ayɨ́ twe.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Mataos 10:28

Ayɨ́ kpɛ́ɛ gá bʉr o dí e nkul ejʉ̂ bɨ́n nkǒ páʼ bípúno, dí abe e nkul ejʉ̂ bɨ́n nkǒ páʼ sísǐm bá. Kpɛ́yɨ́ɨ́ gá njɨ Nzyɛ̌m, mʉr dí e nkul esâ ó, nyʉ̂l le sísǐm, byé tô dwe ɨ́ bɨ́ siʼe nyá.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Rôm 14:13

Ɨ́ mpʉ yé dí nó yɨ́, mɨná gwáʼaa gá edweela mébě páʼ gá nyɨ́ná. Gbáʼ gá nkul. Ayɨ́ sâ gá sá dí e nkul esâ ó, mɨ́ɔɔ́ wɨ́n bɨ́mɨɨ ebɔ̌ʼ yɨ́.

Rôm 9:20

Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!

Lʉkas 12:5

Me múo tɨ́e bɨ́n waá bɨ́n jálá le ekpɛ́ɛ nyá: kpɛ́yɨ́ɨ́ gá Nzyɛ̌m, mʉr dí e nkul enʉa bɨ́n, jʉ̂, kǎ guho ɨ́ bɨ́ siʼe nyá. Mě lɛ́ɛ́ bɨ́n ó: kpɛ́yɨ́ɨ́ gá nye!