Jacques 4:11 - Kálar Nzyɛ̌m : Ejwán é Sáá

¹¹ Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Kálara Zyɛ̌m Edwán é mpʉ̌n

¹¹ Obɨɔ ga bam aa! Mʉr asa ga movoʼ paʼra win. Waa nyiwɛh lé efœʼ mɨɔ we, nkʉ dwe nye mobe e, nye mu ó mpʉ sa lɛɛ, nyi bee etie mo Zyɛm e bɨgwɨh. Mbi mʉr waa, nye aka be lé edu motie me. Nye mu lé ejwɨʼ ó, nye ó mbɨra kʉ, motie mɛɛ lé eliʼ si.

Jacques 4:11 ပူးပေါင်းရင်းမြစ်များ

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Lʉkas 6:37

«Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Éfɛsɔs 4:31

Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

2 Timotɛ 3:3

Bé óbe ó e cére. Bé óbuú sâ nzyéé ɨ́ jɔʼ bé dí e milɔ̌b yɨ́. Bé óswêʼ míé mé bʉ́ʉ́ bʉ̂r. Bé ágʉ́a émâr míléme. Bé óbe ó bʉr o méngʉ́ná. Bé óbene bísâ bi dí ɨ́ mbɨa bí.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

Rôm 7:7

Yé bé nó wá, mɨná bé ókǎ lɛ́ɛ gá nyá? Nzê metié, mé ó mpúhlá e syóm ɛ́? Heʼé, yé abá be nó. Yé bé metié maá abe nó, lɛ́ɛ́, me á bé agʉ́ǎ sá dí syóm yɨ́. Yé bé mempéné maá alɛ́ɛ ó: Agwɨ̂m sá yé onkán nó, lɛ́ɛ́, me á bé agʉ́ǎ sá dí gwɨ́má sá yé onkán.

Rôm 2:13

Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Jacques 1:25

Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.

Títos 2:3

Lɛ́yɨ́ɨ́ mísile mi bʉ́bá jwɨʼ gwár ó, bé dúʼoo mbǐ kʉ̌ tyen dí ejala e mʉr dí edwáawǒ Nzyɛ̌m nyá. Bé sá aswêʼ míé mé bʉ́ʉ́ bʉ̂r. Bé ayɨ́ lɔ̂ʼwa ɨ́ ndéá ményoʼ, nkʉ̂ di bítúʼǎ bi tɨ̂. Bé dwêʼ bʉr mimpaŋ mélɨ́,

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Jacques 2:8

Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

Jacques 5:7

Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Jacques 5:10

Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.