Jacques 3:9 - Kálar Nzyɛ̌m : Ejwán é Sáá

⁹ Mɨná bé lɨ́ egúmlo gá Dâ Nzyɛ̌m, dí Sɔ́ŋ gá wɨ́ná nyá. E jɨ̂m gwár e gwár yaá ó mɨ́ná dí esyɛm gá bʉr, baá Nzyɛ̌m á komlo ɨ́ mveʼle wé bá.

Kálara Zyɛ̌m Edwán é mpʉ̌n

⁹ Jɨm bɨna lé eseʼle ga Zyɛm Sɔŋ ga wina e tɨʼ ɨ, yé nteme ó bɨna lé esyɛm ga mɨɔ ga wina mʉr e tɨ. To kœb ó, Zyɛm a cye mʉr waa ó, nye nwɨɨla e nye mʉr tɨ.

Jacques 3:9 ပူးပေါင်းရင်းမြစ်များ

Mɨlʉmlʉ 2:26

Sɨ́ǎ yaá ó lémé wâm mû sí lóno ɨ́ bisʉhʉʉ yɨ́. Mekǎn mâm ntémé, maá me bísʉhʉʉ. Lémé wâm, wé ólóno ɨ́ mpûʼla, le esâ ó, nyʉ̂l nyǎm díʼee ɨ́ ntuuu.

1 Korɛnt 11:7

Bʉrʉ̂m bɨ́ɛ, bé ajala le ebúblǒ lʉ̂, ebě, bé lɨ́ enwɨɨla e Nzyɛ̌m nye mʉr tɨ̂. Bʉr gʉ́á kûm mé Nzyɛ̌m ó, ɨ́ mʉrʉ̂m. Tó kœb ó, mʉrʉ̂m á bi kûm ó, ɨ́ lɔ̌b mʉ́má á komlɔɔ, duho ɨ́ nye nyá.

Rôm 3:14

Lwǐb yɔ́ɔ́, yé ó lwɨ́ŋlá e meswomlʉ le otié.

Mataos 26:74

Nó ó Pétrus á nze baʼa kɛ́la. Nye e bé ó: «Nzyɛ̌m ntɨ́ʼɨɨ me, yé bé mě lɛ́ɛ́ ó bibɛr nó! Mé abá gʉ́a mʉ̂r waá!» Tyé e tyé yaá, njʉ́m kúo nzě kwâʼ.

Mataos 5:44

Nó mɛ̌m lɛ́ɛ́ bɨ́n ó: kpɛlɨɨ gá ontɨ̂m le obɨn bɨ́n. Bɨ̌n a jɨ́ʼlá e Nzyɛ̌m lɨ́ esú é bʉ̂r o dí ebene bɨ́n bá.

Éfɛsɔs 1:3

Mɨná gúmlaa gá waá dí Nzyɛ̌m mé Tî gá wɨ́ná, Yésʉs-Krîst, waá dí Sɔ́ŋ wé nyá. Nzyɛ̌m, nyɨ́ sʉ mɨ́ná gá metyɛʼ me mpóm ɨ́ mpúhlá gá nyɨ́ná e Krîst. Nyɨ́ kam ntémé ó, mɨná bíʼee gá mimbi métyɛʼ me mpóm mé Sísǐm mé Nzyɛ̌m mɨ́mɛ̂h me dí eduho ɨ́ jʉ́o kʉ́ má. Nyě sá mɨ́ná gá nó ó,

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.

Jacques 3:10

Num ngwár waá, wé lɨ́ epyêl méswomlʉ ndu e syɛá métyéelé. Bɨ́ɔɔ́ bâm! Okɛ́l bâm! Yé ajala le ebe nó.