Jacques 3:6 - Kálar Nzyɛ̌m : Ejwán é Sáá

⁶ Yê tyeetye ó, jɨ̂m, yé ó mpʉ̌ siʼe. Syɛ́ɛla yɨ́yɛ̂h dí egbah métié yɨ́, yé duho ó tɨ̂. Diá jɨ̂m dí edi ɨ́ num mʉ̂r yɨ́, yé sá ó lœ̌ʼ kuó mʉ̂r wɨ́wɛ̂h. Yé lɨ́ edîʼ mɨ́ná gâ, dîʼ ntémé sá gá yɨ́ná yɨ́yɛ̂h! Siʼe, yé á taare ekalwo tɨ̂ʼ ó, duho ɨ́ bɨ́ siʼe.

Kálara Zyɛ̌m Edwán é mpʉ̌n

⁶ Yé ó kʉ be cyecye ó, jɨm, yé ó mpʉ siʼe! Bɨsyɛɛla bɨ ozyɛhozyɛh bibyɛh, byé eduho ó tɨ. Dia jɨm lé edi é bɨfum bɨ nyʉl mʉr ɨ, yé esa ó, bana kʉ lœʼ kubo mʉr wiwɛh ntinɨ. Jɨm, yé é bul nara siʼe é jɔʼ siʼe yaa, yé ó yaa lé eduho é Bɨ-siʼe e.

Jacques 3:6 ပူးပေါင်းရင်းမြစ်များ

Markus 7:15

Sá dí eduhǒ kʉ̌l, nî mʉ̂r ɨ́ nyʉ̂l yɨ́, yé abe e nkul ebɛ̂ʼ páʼ mʉr, bé e Nzyɛ̌m. Yaá dí esâ ó, mʉr, bé e Nzyɛ̌m bɔ́ʼaa yɨ́, yé ó sá dí eduho ɨ́ lémé mʉ̂r tʉ́ŋlʉ̌, pyâl kʉ̌l yɨ́.»

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

3 Yʉanes 1:10

Ɨ́ tɨ̂, mé óbáʼǎ nze nó, me óláa nyé bibaa bí ébébe, le elɛ́ɛ̌ syɛ́ɛla ébébe yɨ́yɛ̂h nyé á pa sâ yɨ́. Nye lɨ́ elɛ́ɛ bíbébebébe bílwǐb ɨ́ lɔ̌b wɨ́h. Abě njɨ bím yaá. Nye lɨ́ ebene énʉa bɨ́ɔɔ́ gá bɨ́ná dí epyâl bɨ́n bá. Nó ó, bʉr o b'á tíʼe ɨ́ myɔ́ɔ́ mílémé ó, bé baʼle ó ojwóo baá bá, nyɨɛ, nye lɨ́ ekamle bé lɨ́ enʉa bê, lɨ́ egwá sâ ó, nye sôʼ bé ɨ́ Mbɛ̌r-Nzyɛ̌m, pyêl bé kʉ̌l.

Jacques 2:7

Ntʉ bé dí epyêh mbɨambɨa díé mé Yésʉs-Krîst bɨ́n dí ejwɨrɔɔ e tɨ̂ʼ lɨ́ ɛ́?

Mɨlʉmlʉ 6:13

Bé ntɔ̂ʼ nze ntémé e bʉr o b'á pa búʼo nye milɔ̌b bá. Nó bʉ̂r baá bé á boʼlo ó: «Mʉr nyâ, nye lɨ́ etô dóló lɨ́ ecɨ mékǎn ɨ́ bébe bébe témé bʉr. Mekǎn mémpwár nyé lúmó mpáh Nzyɛ̌m má, mé ntémé mɛ́r ó, ti e metié mé Nzyɛ̌m!

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Mataos 12:24

Jɔʼ óFarizyɛ̂n, bé á jóʼo nó yɨ́, bé ntɔ̂ʼ lɛ́ɔɔ ó: «Mʉr nyâʼ sʉso méleme ó, ebě, Béelzébul, njwɨ́ɨ meleme, nye lɨ́ edwe nyé nkul nyaá!»

Mataos 5:22

Nó mɛ̌m lɛ́ɛ́ bɨ́n ó: mʉr nyɨnyɛ̂h dí elɛ̂ʼle mɨ́ɔɔ́ wé nkpaa nyé nyá, ótóŋɔɔ e yé ɨ́ mpáh milɔ̌b. Mʉ̂r lwɨ́ɨ́ mɨ́ɔɔ́ nó, nye ótóŋɔɔ e yé ɨ́ bʉ̌m nɨ́nɨ́ɨ́. Mʉ̂r lɛ́ɛ́ e mɨ́ɔɔ́ ó, nye ó gʉ̌ nó, nye ótóŋɔɔ e yé Gehên, bɨ́ siʼe dí adímedime yɨ́.

Mɨngwiha 19:20

Tír waá ndu e ngwíha milɔ̌b bibɛr wé, bé ntɔ̂ʼ mɛ́rɔɔ. Ngwíha milɔ̌b bibɛr wé ó b'á sɨsâ mesimá ɨ́ mpǒm me tír waá. Nó nyé á didímle bʉr. Sâ yaá ó bé á cɨcɛma jwɨʼ yé ɨ́ menyʉ́l mɔ́ɔ́ yɨ́. Bé á be ó sí dwě kpɛʼkpɛ̂ʼ mveʼle yé kûm. Jɔʼ tír waá, bé e ngwíha milɔ̌b bibɛr wé bé á mɛ́rɔɔ yɨ́, bé á si guhɔɔ ntémé ɨ́ bɨ́ siʼe, mikublakúbla. Siʼe e pir ó dí edúo tɨ̂ jɔʼ yɨ́yɛ̂h yɨ́.

Mɨngwiha 18:23

Meláma, mé ákǎ tumɔɔ ɨ́ gúmó yô. Mʉr, nye ákǎ jóʼo métwíí mé mʉ́má e njʉ̂m wé tɨ̂. Nkoó e go, ebě, ɨ́ jɔʼ ésôʼ, obɛ́ma o bísɔ̂ʼ bô, bé á lɨlɛ́ɛ ó, bé ó dí le okúm, laa bʉ́ʉ́ óbɛ́ma bɨ́bɛ̂h. Nkoó e go, ebě, go á si dímle bʉr o bíkúl bíbyɛ̂h ɨ́ nzɨ̌ mimǐr mí éleme myô.

Mɨngwiha 13:14

Ebě, nye á si dweŋɔɔ nkul esâ mésimá nó ɨ́ míh mé tír esôʼ waá. Nye á si bana dímle bʉr ó sí yɨ̂ʼ bɨ́bɛ̂h, lɨ́ elɛ́ɛ e bé ó, bé kpáʼaa mveʼle ngá nwɨɨla e tír esôʼ, waá á pa kparɔɔ e pasoŋ, adwe nyá.

2 Pyɛr 3:3

Sá ésôʼ, gwá gʉ́a gá sɨ̂: ɨ́ melú mé ósûʼla má, yé óbe ó e bʉr o ngá kpɛl étíʼě mpʉ bígwɨ́má byɔ́ɔ́ dí etíne bé yɨ́ bá. Bé óbe ó bʉr ó pyêh,

Títos 1:11

Diblaa bé minum. Bé lɨ́ egbah mímbɛ̌r mi bʉ̂r mintinɨ̂, le edwe mílɛ́ʼlá mbi dí ajala wɨ́. Bé sá nó ó, lɨ́ esú lé ébi bímɔnɨ́ ɨ́ nzɨ̌ lɛ́ʼlá waá. Yé ɨ́ buú sâ sôn lɨ́ ebi bímɔnɨ́ ɨ́ nzɨ̌ nyaá.

Mɨlʉmlʉ 20:30

Damá jóʼo ɨ́ sɔ́má yɨ́n tʉ́ŋlʉ̌, bʉ́ʉ́ bʉ̂r, bé ómɔa, nzě lɛ́ɛ míkóo, le edulo ómpʉ́n ó, bé dúʼoo bê.

Jacques 3:7

Mʉr, nye lɨ́ egbâ míkómó mí ótír bɨ́bɛ̂h ɨ́ jwɨ́ɨ́ yé. Nye á be ɨ́ bánǎ gbâ bé ɨ́ jwɨ́ɨ́ yé, táare le otír, binʉ̌n, onyʉ́a, osû, tótôʼ.