Jacques 3:2 - Kálar Nzyɛ̌m : Ejwán é Sáá

² Mɨná gá óbɛ̂h, bé lɨ́ esâ gá mebébe, mimbi mímyɛ̂h. Yé bé nyʉ́ʉ́ mʉ̂r, nye lɨ́ eboó lwib ɨ́ lwib lwib, sîl, asâ ébébe nó, lɛ́ɛ́, mʉr waá, nyɨ́ pʉʼa lɨ́ ontwǒm, tô lɨ́ obwam. Mʉr waá, nyě e nkul ekamle nyʉ̂l nyé nyɨnyɛ̂h lɨ́ esâ ébébe.

Kálara Zyɛ̌m Edwán é mpʉ̌n

² Bɨna ga bɨbɛh, bé esa ga mobebe, mɨmbi mimyɛh. Mʉr ndɨ abe lé esa ebebe é jɔʼ nye lé elwib ɨ, nyi kumo é l'ombɨmbɨa é mɨpaʼ mimyɛh. Nye ó e nkul ebaʼle nyʉl we, nye l'aka sa tʉa e syɛɛla ebebe.

Jacques 3:2 ပူးပေါင်းရင်းမြစ်များ

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

1 Pyɛr 3:10

Ebě, yê cɛmá ó: «Mʉr nyɨnyɛ̂h dí egwɨ̂m étíʼě mbɨ̂mbɨá le egwɨ̂m ébee mélú mé émbɨa nyá, nyě sá alɛ́ɛ̌ sá dí ɨ́ bébe yɨ́. Nye gwáʼaa elɛ́ɛ bísá míkóo.

Mataos 12:37

Nzyɛ̌m ódwe gó mekebe nkʉ̂ mebě ó, ɨ́ mekǎn mô.»

Rôm 3:10

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Abe e mʉr dí tîtyěl. Abe e mʉr. Kâr mʉ̂r ngwár!

Jacques 1:4

Kamaa gá bé edûhwǒ sá yɨ́yɛ̂h, ebě, bíhwó nyaá, nye óbe bɨ́n e nyɔm. Bɨ̌n bé otɔ́ma ɨ́ mipáʼ mímyɛ̂h. Bɨ̌n bé óbe ó e sá yɨ́yɛ̂h, abe e sá yé ósâ bɨ́n sɔ́ɔlʉ.

Jacques 2:10

Mʉ̂r sá sɨ́n lɨ́ ebaʼle métié mé Nzyɛ̌m mɨ́mɛ̂h, kǎ gbah étié egwár nɛ́ɛ: nye mû ó mbyɔʼ ó tɨ̂ʼ yɨ́. Yê ɨ́ wé pâʼ mpʉ̌ sá lɛ́ɛ́ ó, nyɨ́ gbah mɨ́mɛ̂h.

1 Korɛnt 9:27

Mɨ́ gbâ nyʉ̂l nyǎm ɨ́ jwɨ́ɨ́ yâm, le esâ nyé bwaʼbwaʼ mpêl. Me ámû jaá myahɔɔ̌ kʉ̌l, mɛm, mʉr dí eboó tutúnǒ Mbɨambɨa Lɔ́ɔ nyá.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Rôm 7:21

Nó ó, sá mé dí ebee ɨ́ jɔʼ yɨ́yɛ̂h ó yɨ̂: jɔʼ mé gwɨ́m ésâ émbɨa yɨ́, misyóm míɛ ó mé dí ekǎ koʼo ésâ.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.

Mataos 12:34

Bɨ̌n bwá ó méjwɨ̂l bâ! Bɨ̌n bé e nkul elɛ́ɛ bísá bímpâ nyá? Ebě, bɨ̌n bé ɨ́ bébe. Sá mʉ̂r dí e yé lwɨ́ŋlá ɨ́ léme yɨ́, yé ó num wé dí epyêl kʉ̌l.