Jacques 3:18 - Kálar Nzyɛ̌m : Ejwán é Sáá

¹⁸ Bʉr o dí egbâ mépyɛbla páʼ bʉ̂r e bʉr bá, bé sá nó ó e miléme mi dí ɨ́ mepyɛbla mí. Sá dí eduho ɨ́ bʉr baá yɨ́, yé ó bisyɛ́ɛla bi dí tîtyěl ɨ́ míh mé Nzyɛ̌m bí.

Kálara Zyɛ̌m Edwán é mpʉ̌n

¹⁸ Bʉr o ndɨ egba motala paʼra bʉr e bʉr ɨ, bé esa no e mɨleme ndɨ mɨloŋla e motala ɛ. No ó, sa lé eduho tɨʼ ɨ, yé ó bɨsyɛɛla bɨ ocɨcyel.

Jacques 3:18 ပူးပေါင်းရင်းမြစ်များ

Mataos 5:9

Metyɛʼ me mpóm, mé díʼee e bʉr o dí egbâ mépyɛbla páʼ bʉ̂r e bʉr bá, ebě, bé ójwɨr bé ó “bwán mé Nzyɛ̌m”.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

Galásia 6:8

Mʉr dí edû njwɨr myâ gá wɨ́ná nyá, óbi éswie duho ɨ́ bisyɛ́ɛla bi tɨ̂. Tó kœb ó, waá dí edû sá Sísǐm mé Nzyɛ̌m dí ekpɛl yɨ́ nyá, óbǐ twǐʼ njʉ̌m dǐ. Sísǐm mé Nzyɛ̌m ó dí entɨh nyé twiʼ yaá.

Ebrœ̂ 12:11

Jɔʼ mɨ́ná dí edweŋɔɔ gá bintɨ́ʼá byaá yɨ́, yé ɨ́ kpaa ɨ́ léme, anwɨɨla ó, yé ó sá ésoho. Jɔ̌ʼ túú waá ká laa yɨ́, bʉr o dí egʉ́ǎ sâ dí tɨ̂ʼ yɨ́ bá, bé ntɔ̂ʼ kǎ gʉ́a ó, nkúná wɨ́ komlo bé miléme. Bé mû kǎ lîʼ le esâ ó, njɨ bisyɛ́ɛla bi dí tîtyěl bí, bi ntémé mepyɛbla tɨ̂.

Jacques 1:20

Ebě, ɨ́ jɔ̌ʼ lémé mʉ̂r dí ɨ́ kpɔɔ kpɔɔ yɨ́, mʉr tɨ̂ʼ, nyé abe e nkul ekǎ sâ syɛ́ɛla dí tîtyěl ɨ́ míh mé Nzyɛ̌m yɨ́.

Yʉanes 4:36

Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár.