Jacques 3:13 - Kálar Nzyɛ̌m : Ejwán é Sáá

¹³ Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

Kálara Zyɛ̌m Edwán é mpʉ̌n

¹³ É mbɛr Zyɛm win, zé ndɨ cɨcyoo le ngwɨa ɛ? Mʉr ndɨ no e, nye ejala le elɛʼle ocyoo we waa ó, é zi mbɨambɨa ebò e cyen nye lé ekœʼ œ. Nye saʼ mɨmpaŋ bɨsyɛɛla, le etala njwɨr e bʉr bɨbɛh. Mpaŋ ocyoo, wé ó nɨ.

Jacques 3:13 ပူးပေါင်းရင်းမြစ်များ

Galásia 5:23

embɨa é njwɨr le emâr é léme. Abe le etié dí emɛ̂r mʉ̂r dí esâ bísyɛ́ɛla bínɨ̌ nyá.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Mataos 5:5

Metyɛʼ me mpóm, mé díʼee e bʉr o mû sí tyɛʼ mínjwɨr bá, ebě, bé ó ngá lîʼ e sí yɨ̂.

Kolosi 3:12

Bɨ̌n ó dí bʉ̌r Nzyɛ̌m á twâr, baá o dí egúmo e né, nyé dí ɨ́ buú kpɛl bá. Nó ó, sáʼ gá njɨ́ʼá nkóó páʼ nyɨ́n, le mpam. Sulɨɨ gá menyʉ́l mɨ́n sí. Diʼee gá bʉr o dí ɨ́ talǎ njwɨr bá, le bʉr o bíhwó.

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Títos 3:2

Bé sá asâ nyʉ́ʉ́ mʉ̂r mesyɛ́ɛla. Bé ayɨ́ di báányâ-bitɔm. Bé díʼee e lémé mpâm, ɨ́ tyɛ̌ʼ njwɨr ɨ́ nkǒ páʼ bʉ̂r bɨ́bɛ̂h.

2 Timotɛ 2:25

Yé jala ó, nye gwâ tɨ́e bʉ̂r o dí edû nyé e megô bá, e njwɨr ɨ́ tala tala. Nyé sá nó wá, Nzyɛ̌m óbɛ̌m dib bé nzɨ̌ ó bé túmaa mikoo e misyóm myɔ́ɔ́, le edwira míléme. Bé ogʉ́a ótyeetye ɨ́ jɔʼ yaá.

Filipi 1:27

Sâ gwár, dúʼóó gá kʉ̌ tyen dí ejala e bʉr o dí ebúʼlǎ Mbɨambɨa Lɔ́ɔ́ mé Krîst bá wɨ́. Bɨ́n sá nó wá, me ókpɛl éjóʼǒ lɔ́ɔ́ búʼó yɨ́n ó, bɨ̌n dína ó ɨ́ mpúhlá e nzɨ̌ Sísǐm ngwár. Bɨ̌n bé lɨ́ egbâ nkûl lɨ́ edi e léme ngwár, le etye ɨ́ nzɨ̌ búʼó mpʉ̌ Mbɨambɨa Lɔ́ɔ dí elɛ̂ʼle yɨ́. Mě damá nze, nzě bee bɨ́n, nkʉ̂ ntémé di wâ, me ójóʼo yɨ́ɛ lɔ́ɔ́ tɨ̂.

1 Timotɛ 6:11

Gua mʉr mé Nzyɛ̌m, gwá syɛ̂hle bísá bínɨ̌ bíbyɛ̂h. Dúʼóó njɨ bisyɛ́ɛla bi dí tîtyěl bí. Jwááwáá Nzyɛ̌m, le edyɛ̂ʼwo e né, le ekpɛl bʉ̂r. Diʼee mʉ̂r bíhwó. Talaa ntémé njwɨr.

Jacques 2:18

Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

Mataos 11:29

Níʼéé gá ɨ́ jwɨ́ɨ́ yâm. Bɨ̌n a jóʼló métwɨ́ɨ́ mâm, ebě, me ɨ́ talǎ njwɨr le embɨa é léme. Bɨ̌n nkʉ̂ bi égbalá.

Jacques 3:1

Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Éfɛsɔs 4:2

Jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, le bʉr o bíhwó. Júdúhwáá gá páʼ nyɨ́n ɨ́ lɔ̌b kpɛ̌l bɨ́n dí e yé yɨ́.

Galásia 6:4

Mʉr nyɨnyɛ̂h pâhlaa syɛ́ɛ́ yé, nye mʉr tɨ̂ʼ dí eséa yɨ́. Syɛ́ɛ́ yaá, yé óbě mbɨ̂mbɨá nó, nye mɛ́ɛlaa ɨ́ lɔ̌b syɛ́ɛ́ nyé mʉr tɨ̂ʼ á pa séa yɨ́ yaá. Nyě sá amɛɛla ebe nyé dí ejwɨʼa e nyʉ́ʉ́ mʉ̂r.

Galásia 6:1

Bɨ́ɔɔ́ bâm! Okɛ́l bâm! Bɨ́n óbee mʉ̂r lɨ́ esâ syóm nó, bɨ̌n bʉr o dí e Sísǐm mé Nzyɛ̌m ɨ́ miléme bá, kɛmɨɨ gá nye ó, nye pʉ́ʼaa ɨ́ nzɨ̌ nyaá. Sâ gwár, tɨ́áá gá nye e mekǎn ɨ́ tala tala. Mʉr nyɨnyɛ̂h ɨ́ sɔ́má yɨ́n, nye dwɛ́ʼɛɛ ntémé mpʉ nyé mʉr tɨ̂ʼ dí yɨ́, ebě, nye ntémé ámû duma ɨ́ mebʉ́blá.

2 Korɛnt 8:24

Nó ɨ́ jɔʼ bé ópyâl kwá nyɨ́n yɨ́, lɛ́ʼláá gá bʉr baá bijwɨʼ ngá lɛ̂ʼle bé ó, bɨ̌n bé lɨ́ ekpɛl bé bí. Bʉr ó Mbɛ̌r-Nzyɛ̌m, bé ójʉ̂ʼra ntémé kpɛ̌l yɨ́n yaá. Bʉr o ngá lómlɔɔ bɨ́n bá, bé okam ó, bilwǐb bɨ́h á lwib lɨ́ enkʉ́na e bɨ̌n bí, byé á be ó otyeetye.

Mataos 21:5

«Lɛ́yɨ́ɨ́ gá bʉr ó Síon ó: Njwɨ́ɨ gǒ ó dí enze kwá nyǒ nɨ̌! Nye ɨ́ buú talǎ njwɨr. Nyě nzé ó, kʉ́ kamntʉl; nye ɨ́ mâ kamntʉl ɨ́ kɛlɨ̂.»

1 Pyɛr 3:4

Ojaá wɨ́n, wé ɨ́ jala le ebe ó, waá o tʉ́ŋlʉ̌, mbi ójaa dí abe e nkul ekúrwo wɨ́. Lémé wɨ́n díʼee ɨ́ tala tala, ɨ́ pyɛɛɛ. Mbi ójaá waá ó dí ɨ́ buo ódimé ɨ́ míh mé Nzyɛ̌m.

1 Korɛnt 6:5

Mě lɛ́ɛ́ nó ó, lɨ́ esú lé égbâ bɨ́n sôn ɨ́ nyʉ̂l. Nzê ɨ́ sɔ́má yɨ́n, yé lɨ́ elúʼǒ pɨpɨ́ʼ ngwár dí e nkul elwib mílɔ̌b páʼ bɨ́ɔɔ́ e bɨ́ɔɔ́ nyá ɛ́?

Mataos 7:24

«Nó ó, mʉr nyɨnyɛ̂h dí ejóʼǒ lwǐb mê lwǐb e bɨ̌n yɨ́, le esâ mpʉ mê lɛ́ɛ́ yɨ́ nyá, nyě nwɨɨlá ó e twóó mʉrʉ̂m á sumo mbɛ̌r, tyêl wé lɨ́ ekóʼ nyá.

Ebrœ̂ 13:5

Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

1 Pyɛr 1:15

Nzyɛ̌m, mʉr á jébe bɨ̌n nyá, nye ó tí. Sá tɨ̂ʼ ó bɨ́n jálá le edi bʉ̂r o dí tí bá, ɨ́ páʼ kʉ̌ tyen wɨ́n yɨ́.