Jacques 3:1 - Kálar Nzyɛ̌m : Ejwán é Sáá

¹ Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Kálara Zyɛ̌m Edwán é mpʉ̌n

¹ Obɨɔ ga bam aa! Yé ajala ó, buobuo bʉr o mbɛr Zyɛm win yeʼla mɨlɔb mo Zyɛm. Bɨn bé egʉa ó, é jɔʼ Zyɛm ótiʼe bɨh bɛɛ oyeʼle mɨlɔb ɨ, nye ótiʼe mye ó, e ncɨr é leme, abe mpʉ nye ótiʼe myaa mɨ bʉʉ bʉr ɨ.

Jacques 3:1 ပူးပေါင်းရင်းမြစ်များ

1 Timotɛ 1:7

Bé gwɨ́m ó, bé díʼee olɛ̂ʼla o métié, bɨ́ɛ yɨ́ɛ agʉ́ǎ sá túʼ bé dí elɛ́ɛ yɨ́, nkʉ̂ pʉgʉ́ bá gʉ́a mílɔ̌b bé dí eboʼlo mí.

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

1 Timotɛ 2:7

Nzyɛ̌m nzě tyêl mé ɨ́ bidǐ bibá: yaá lɛ́a lɔ́ɔ wé, ti e yaá mʉ̂r milʉ́mlʉ́ wé. (Mě lɛ́ɛ́ ó, otyeetye; mé alɛ́ɛ bíbɛr.) Me ó lɛ̂ʼla lɨ́ esú é bʉ̂r o dí abe óYúden bá, lɨ́ edwe bé metwɨ́ɨ́ ɨ́ nzɨ̌ búʼó yɨ́ná, le otyeetye mé Nzyɛ̌m.

Éfɛsɔs 4:11

Nye á be ɨ́ dwe bʉ̂r mindwéá mimbi mimbi. Nye nzě sâ ó, bâʼ bʉ̂r, bé díʼee bʉr o mílʉ́mlʉ́ mé Yésʉs; bâʼ bɨ́ɛ, ogwíha o mílɔ̌b; bʉ́ʉ́ bɨ́ɛ, otúna ó Mbɨambɨa Lɔ́ɔ; bʉ́ʉ́ bʉ̂r ntémé, otyɛ̂b bé ésôʼ ó Mbɛ̌r-Nzyɛ̌m; bʉ́ʉ́, olɛ̂ʼla o mílɔ̌b mé Nzyɛ̌m.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Lʉkas 16:2

Nye ntɔ̂ʼ jébe nyê. Nye e né ó: “Wáǎ mbǐ lɔ̌b mé dí ejóʼo, dumo e go wɨ̂? Lɛ́ʼláá mé mpʉ gô bibi bísá byâm yɨ́, ebě, gó abe e nkul ekǎ di mbɔ̂ʼlʉ ekúró lâm.”

2 Timotɛ 1:11

Mbɨambɨa Lɔ́ɔ waá ó mé dí etúno wɨ̂, ebě, Nzyɛ̌m á si tyêl me ɨ́ dǐ lɛ́a lɔ́ɔ wé, le yaá mʉ̂r milʉ́mlʉ́ wé, le yaá lɛ̂ʼla.

Yʉanes 3:10

Yésʉs, nye e né ó: «Gua yɨ́ɛ mʉr dí lɛ̂ʼla dí ɨ́ buú gúmlɔɔ ɨ́ kúl bʉ̂r o b'Ɨ́zraɛ̂l yɨ́yɛ̂h nyá, nzê gua, gó agʉ́a mílɔ̌b mîʼ ɛ̌?

Mataos 10:24

«Mpʉ́n áláá mʉ̂r lɛ́ʼlé nyé nyá; syɛ̂l mesâ alaa njwɨ́ɨ wé.

Lʉkas 6:37

«Ayɨ́ dwe gá bʉr mebě, ebě, Nzyɛ̌m ámû jaá dwe bɨ́n mebě tɨ̂. Ayɨ́ dwe gá bʉr mpono. Nzyɛ̌m nkʉ̂ be, adwe bɨ́n mpono. Pɛʼɛɛ gá bʉr bibaa bí ébébe bɨ́n á niʼe bé bí, Nzyɛ̌m nkʉ̂ pɛʼ bɨ́n byaá nyé á niʼe bɨ̌n bí.

Mataos 9:11

Mpʉ óFarizyɛ̂n, bé á bee sâ yaá yɨ́, bê nzě dî le ompʉ́n bé ó: «Lɛ̂ʼla wɨ́n, nye lɨ́ epûhla mébô lɨ́ ebánǎ de e bʉr o dí enʉǎ mɔnɨ́ tœ́a bá, le osyɛ̂l o mísyóm ɨ́ yé?»

Mɨlʉmlʉ 13:1

Ɨ́ sɔ́má bʉ̂r ó Mbɛ̌r-Nzyɛ̌m Antiôs, yé á be ó, le ogwíha o mílɔ̌b le ompʉ́n. Bé á be ó Banabâs, ndu e Siméon, mʉr Nígɛr, Lʉ́siʉs, mʉr Sirénia, ti e Manaɛ̂n. (Bé e ngóvina Erôd ó b'á gbɔlwa sɔ́má.) Saʉ̂l á be ntémé ó tɨ̂.

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Jacques 3:10

Num ngwár waá, wé lɨ́ epyêl méswomlʉ ndu e syɛá métyéelé. Bɨ́ɔɔ́ bâm! Okɛ́l bâm! Yé ajala le ebe nó.