Jacques 2:5 - Kálar Nzyɛ̌m : Ejwán é Sáá

⁵ Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Kálara Zyɛ̌m Edwán é mpʉ̌n

⁵ Obɨɔ o kpɛl bam aa! Lɛŋɨ ga me: zê Zyɛm a baapɛh baanteʼenteʼe é si nwaʼ ó, bé diʼe obil é nko paʼ buʼo, é mbi ndɨ ó, bé nʉŋa bɨdia é jwɨ̀ʼa ye ɛ? Nye a baasi bul kɛʼ be bɨdia é jwɨ̀ʼa ye, bé e mʉr nyiwɛh lé ekpɛl nye e?

Jacques 2:5 ပူးပေါင်းရင်းမြစ်များ

Mataos 5:3

Yésʉs nzě lɛ́ɛ ó: «Metyɛʼ me mpóm, mé díʼee e bʉr o dí egʉ́a ó, misísǐm myɔ́ɔ́, myé dína ó le edyêb ɨ́ páʼ mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Lʉkas 6:20

Nó nyé á nze dwɛ̂ʼ nko ómpʉ́n bé, bé á be yɨ́, nzě lɛ́ɛ e bé ó: «Metyɛʼ me mpóm, mé díʼee e bɨ̌n, baántéʼenteʼe o bʉ̂r. Mpóʼo mé Nzyɛ̌m á tyélɔɔ ó, lɨ́ esú é bʉ̂r o dí mpʉ bɨ́n bá.

Mɨngwiha 2:9

me lɨ́ egʉ́a mítúú mín, le edyêb lɨ́n. Lɨ́ otyeetye, bɨ̌n bé ó, misʉ́sʉ́ mí bʉ̂r. Me lɨ́ egʉ́a ntémé melwɨ́ɨ bʉ̂r dí elwɨ́ɨ bɨ́n má. Baányâ-melwɨ́ɨ baá, bé lɛ́ɛ́ ó, bé ó bʉr ó kúl óYúden. Sâ gwár, bé abe óYúden ompâ. Bé ó bʉr o mpáh minjɨʼla mé Sátan.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Lʉkas 12:21

Yésʉs, nye e bé ó: «Mʉr dí ekomo mébi mé lɨ́ esú lé, nye mʉr tɨ̂, nyɨɛ yɨ́ɛ ántéʼenteʼe mʉr ɨ́ míh mé Nzyɛ̌m nyá, nye ó mpʉ mʉ̂r waá.»

1 Pyɛr 1:4

Nye á byâ mɨná gá jɔʼ mbá ntémé ó, lɨ́ esú lé édwe mɨ́ná gá mepwaʼ me dí komá ɨ́ jʉ́o kʉ́ má, jala e nkɔb líʼe gá nyɨ́ná. Sá dí komá lɨ́ esú gá lɨ́ná yɨ́, yé ábo, atô mébomo, abe e nkul edwɛ̂hla.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

1 Korɛnt 2:9

Tó kœb ó, yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá mʉ̂r ngwár dína apǎ jóʼo, nkʉ̂ bee yɨ́, sá mʉ̂r dí apǎ jwɨʼ ɨ́ lémé wé lʉ́ʉ́ dʉ́o yɨ́, Nzyɛ̌m á komlo yé ó, lɨ́ esú é bʉ̂r o dí ekpɛl nyé bá.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Mɨngwiha 21:7

Waá óntaa, búla le onkɔ́ɔ́ nyá, ónʉa médíbé maá, jala e nkɔb líʼe nyé. Me óbe ó Nzyɛ̌m wé. Nye óbe mé ó mwân.

Jacques 1:9

Mɨ́ɔɔ́ wɨ́ná ɨ́ Mbɛ̌r-Nzyɛ̌m dí ántéʼenteʼe mʉr nyá, nye ɨ́ jala le enkʉ́na ɨ́ lɔ̌b dǐ nɨ́nɨ́ɨ́ Nzyɛ̌m á tyêl nye tɨ̂ʼ yɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Mɨngwiha 3:18

Me lɨ́ etɨ́e bɨ́n ó: yé bé bɨ̌n bé lɨ́ egwɨ̂m ébi ókúm ómpâ nó, bwámáá gá gʉ̂l yâm. Yé á be ɨ́ duho ɨ́ duró lé ólûl. Bwámáá gá mikán ɨ́ pumo pumo. Bɨ̌n e bwár myê, akǎ dǐ suswáh ɨ́ ŋmáh ndu e sôn. Bɨ̌n e bwám ntémé mǐr étwáale ɨ́ mîh, ó bɨ̌n nkʉ̂ báʼǎ bee!

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

2 Tesalonika 1:5

Yé ó jwɨʼ dí elɛ̂ʼle mɨ́ná gá ó, Nzyɛ̌m, nyě e nkam ɨ́ mbi nyé dí etíʼe bʉ̂r milɔ̌b myɔ́ɔ́ wɨ́ yɨ́. Ɨ́ mpʉ bɨ́n dí esâ bíhwó nó yɨ́, yé lɨ́ esâ ó, bɨ̌n jálaa e bidiá ɨ́ Mpóʼo mé Nzyɛ̌m. Sá tɨ̂ʼ ó bɨ́n dí esia e mitúú e mindɛ̌l myaá yɨ́.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Lʉkas 16:22

Nye nzě dwe. Beéngeles nzě nkɛ́ɛ nyê, tó dilɔɔ nyé ɨ́ mbó éjʉ́m mé Abraham ɨ́ jʉ́o kʉ́. Kúmá ntémé dwe, ntɔ̂ʼ debe ɨ́ soo.

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

1 Tesalonika 2:12

Bɨ̌h bé á si cɨ̂l bɨ̌n, le epóblo bɨ́n, le eboʼlo ó, bɨ̌n bé ɨ́ jala le edû kʉ̌ tyěn Nzyɛ̌m dí ekpɛl wɨ́. Tiʼaa gá nó, ebě, nye á jébe bɨ̌n ó, bɨ̌n níʼee ɨ́ Mpóʼo nyé, gúmó kûm nyé dí yɨ́.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

2 Korɛnt 4:15

Ebě, mitúú e mindɛ̌l myaá mímyɛ̂h, myé pípyál bɨ́h ó, lɨ́ esú lɨ́n. Nó ó Nzyɛ̌m ngá cwɨ́a e buobuo bʉr lɨ́ esú lé ébul tâŋ minjɨʼla mi nzyóo yɨ́. Nzyɛ̌m óbuú bi kûm tɨ̂.

Yʉanes 7:48

Nzê gúú njwɨ́ʼ mʉ̂r, nkʉ̂ nyʉ́ʉ́ Farizyɛ̂n, nyɨ́ pǎ dyêʼ nyé koo?

Lʉkas 22:29

Mpʉ̌ Dâ á dwe me nkul jwɨ́ɨ ɨ́ páʼ Mpóʼo nyé yɨ́, mɛm ntémé, me mû ó lɨ́ ekab bɨ́n nkul jwɨ́ɨ ɨ́ Mpóʼo mpwár nyaá,

Markus 7:14

Nó ó Yésʉs á baʼa jébe entumo e bʉ̂r. Nye e lé ó: «Jóʼláá gá me, bɨ̌n óbɛ̂h. Bɨ̌n a jóʼló sá mé múo nzě lɛ́ɛ bɨ́n yɨ̂.

Mɨlʉmlʉ 7:2

Étiene ntɔ̂ʼ yala ó: «Bɨ́ɔɔ́ bâm, okɛ́l bâm le osɔ́ŋ bâm, jóʼlááá gá me: Nzyɛ̌m mentyɛnwa á si nyɨ̂n ɨ́ míh mé sɔ́ŋ mpám gá wɨ́ná Abraham ɨ́ jɔʼ nyé á bě Mezopotamî, nye dína apǎ tó dǐ Karân yɨ́.

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.