Jacques 2:3 - Kálar Nzyɛ̌m : Ejwán é Sáá

³ bɨ̌n lɨ́lɛ́ɛ́ e mʉr dí e mikán ɨ́ nyʉ̂l ɨ́ nkaaá nyá ó: «Beě mbɨambɨa diá? Diʼee wâ.» Ntɔ̂ʼ kǎ lɛ́ɛ le ántéʼenteʼe mʉr nyɨɛ ó: «Tyɛ́bɨ́ɨ́ náǎ tîtyěl» nkʉ̂ ntɔ̂ʼ ó: «Diʼee wâʼ ɨ́ bibwǎh, gúmó mékʉ̌ mâm dí yɨ̂.»

Kálara Zyɛ̌m Edwán é mpʉ̌n

³ bɨn bé elɛɛ e mʉr ndɨ ebwar mbɨambɨa mompor ó: «Da, mbɨambɨa dia yo ó ndɨ wâʼ ɛ,» ka lɛɛ e l'anteʼenteʼe mʉr nyɛɛ ó: «Wɛɛ! Cyɛba tina cɨcyel,» nkʉ ntɔʼ ó: «Diʼe wâʼ si kunokuno e cyela mokʉ yam.»

Jacques 2:3 ပူးပေါင်းရင်းမြစ်များ

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Jacques 2:6

Tó kœb ó, bɨ̌n bé á si sâ baántéʼenteʼe o bʉ̂r baá bisá bí ésɔ́m! Ntʉ ókúm ó bʉ̂r ónɨ̌ ó dí esâ bɨ́n mpêl ɛ̌? Ntʉ bé dí etó pur bɨ́n ɨ́ mempáh mílɔ̌b ɛ́?

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

Lʉkas 23:11

Erôd, bé e bisója byé nzě lwɨ́ɔɔ nyé le epyéhɔɔ nyê. Bé ntɔ̂ʼ bôr nyé kán ɨ́ nyʉ̂l ɨ́ nkaaá. Erôd ntɔ̂ʼ báʼǎ tyen nyé kwá mé Pilátos.

Jacques 2:2

Ebě, ɨ́ jɔʼ bɨ́n sá bígwɨ́hlá bín yɨ́, bɨ̌n sɨ́sá nyá? Bɨ̌n sɨ́sá ó: bʉ̂r obá, bé ópyâl ɨ́ gwɨ́hlá yɨ́n: nyâ, e milɔná mí gʉ̂l ɨ́ mpiné ndu e mikán ɨ́ nyʉ̂l ɨ́ nkaaá; nyʉ́ʉ́, e binyɛɛ́la míkán ɨ́ nyʉ̂l nó,