Jacques 2:26 - Kálar Nzyɛ̌m : Ejwán é Sáá

²⁶ Sísǐm sí pʉʼa mʉ̂r ɨ́ nyʉ̂l nó, mʉr waá mû ó múu. Edyɛ̂ʼwo e Nzyɛ̌m ntémé, lé ó nó. Bísyɛ́ɛla bimpâ, byé bé anyɨ̂n kwá mʉr dí edyêʼ nyé koo nyá nó, lɛ́ɛ́, búʼó mʉ̂r waá, yé ó múu.

Kálara Zyɛ̌m Edwán é mpʉ̌n

²⁶ Yé ó jwɨʼ gwar e gwar yaa nteme e nyʉl mʉr: é jɔʼ mʉr ndɨ si pʉʼa sisim e nyʉl ɨ, nye mu ó muu. Buʼo ndɨ anyin bɨsyɛɛla ɛ, yé nteme, yé ó muu.

Jacques 2:26 ပူးပေါင်းရင်းမြစ်များ

Jacques 2:20

Go sá mʉ̂r yɨ̂! Nzê yê tyeetye ó, go lɨ́ edǐ gʉ́a ó, mʉ̂r bûʼlá Nzyɛ̌m, asâ yɨ́ɛ bisyɛ́ɛla bimpâ nó, nyé abá dirǎ nyɔm ɨ́ lɔ̌b syɛ́ɛla yé yaá ɛ́?

Jacques 2:17

Ebûʼlǎ Nzyɛ̌m, lé ó nó. Mʉ̂r dí abe lɨ́ esâ bísyɛ́ɛla bimpâ nyá, búʼó yé, yé ó mpʉ̌ múu, ɨ́ jɔʼ yé dí yé omér yɨ́.

Jacques 2:14

Bɨ́ɔɔ́ bâm! Okɛ́l bâm! Mʉ̂r sí lɛ́ɛ ó, nye lɨ́ edyɛ̂ʼwo e Nzyɛ̌m, nyɨɛ yɨ́ɛ abe e bisyɛ́ɛla bi dí ebɔma e milɔ́ɔ́ myé bí nó, lɛ́á wé waá, wé ópʉgʉ́ be nyé e wáǎ nyɔm? Búʼó yaá, yé ákóʼó tíʼ nyê.

Lʉkas 23:46

Yésʉs ntɔ̂ʼ tíme kʉ́kʉ́. Nye ó: «Dâ ɛ̌, mɨ́ tímlě sísǐm wâm ɨ́ mebó mô!» Le nyé á sil elwib, le nyé ntɔ̂ʼ á sula swɨ̂h.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.