Jacques 2:25 - Kálar Nzyɛ̌m : Ejwán é Sáá

²⁵ Símsáá gá ntémé Rahâb, sadága mʉ́má. Jɔʼ bʉ̂r o mílʉ́mlʉ́ bé Ɨ́zraɛ̂l, bé á nze kwá nyé yɨ́, nye á si kɛm bê, lɛ̂ʼle bé nyʉ́ʉ́ nzɨ́ ó, bé kpɛ́yɨɨ. Sá tɨ̂ʼ ó nyé á be ngwár á bi nkam ɨ́ mɨ́h mé Nzyɛ̌m nyá yɨ́.

Kálara Zyɛ̌m Edwán é mpʉ̌n

²⁵ Toŋla ga nteme Rahab, a be mbambama ɛ. É jɔʼ bwa b'Ɨzraɛl, bé a lomo bʉr é Kanan ó, bé byamla lal waa ɛ, nye a si bana bɨlan e be. Pie tɨ, nye ze lɛʼle be nuu zi ó, bé kpɛŋɨ. Ebe no ó nye a be mʉr ngwar é nkana yaa a nyin e l'ocɨcyel é mih mo Zyɛm ɨ.

Jacques 2:25 ပူးပေါင်းရင်းမြစ်များ

Ebrœ̂ 11:31

Ɨ́ búʼó mé Rahâb, sadága mʉ́má, nye á bé adwe ɨ́ jɔʼ bʉ̂r oswîh, bé á jʉ́ŋɔɔ yɨ́. Bé á si sâ Nzyɛ̌m ebɨ̌h. Nyɨɛ ó b'á gʉ́a ebaʼle bʉr o b'á nze byamle sí Kanân bá.

Mataos 21:31

Ɨ́ bwán óbá baá, waá wáa á sâ gwɨ́má mé sɔ́ŋ nyá?» Bê nzě yala e né ó: «Waá esôʼ.» Yésʉs nzě kǎ lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, onwɨa ó mɔnɨ́ tœ́a le bisadága bi bʉ́bá, bé ó ngá nyɛɛ́ pyâl e bɨ̌n ɨ́ Mpóʼo mé Nzyɛ̌m.

Mataos 1:5

Salmɔ̂n, bé e mʉmá wé, Rahâb, bé á byâ ó Bôaz. Bôaz, bé e mʉmá wé, Rwɨ̂t, bé á byâ ó Óbed. Óbed á byâ ó Yesê.

Jacques 2:22

Go lɨ́ egʉ́a ó, Abraham á si bûʼla. Nye á si sâ ntémé bisyɛ́ɛla bimpâ. Bisyɛ́ɛla nyé á sâ Nzyɛ̌m bí, byé ó b'á swâhle búʼó nyé á bûʼla Nzyɛ̌m yɨ́.

Jacques 2:18

Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

Mɨlʉmlʉ 17:7

Yásɔn á si baʼle bé ɨ́ mbɛ̌r wé. Bʉr bâʼ bɨ́bɛ̂h, bé lɨ́ egbah métié mé Kɛ́ɛza, ebě, bé lɛ́ɛ́ ó, yê mɨná gá ó e nyʉ́ʉ́ njwɨ́ɨ sí swîh, díé lé, Yésʉs.»

Jacques 2:24

Nó ó, bɨ̌n bɨ́ bee ó, mʉr bi nkâm ɨ́ míh mé Nzyɛ̌m ó, ɨ́ lɔ̌b bísyɛ́ɛla bimpâ yɨ́. Nyé abi nkâm ɨ́ lɔ̌b búʼó yé, yé omér.