Jacques 2:21 - Kálar Nzyɛ̌m : Ejwán é Sáá

²¹ Sɔ́ŋ mpám gá wɨ́ná Abraham á bi nkam ɨ́ míh mé Nzyɛ̌m ɨ́ yé? Yé á be ó, ɨ́ lɔ̌b syɛ́ɛla nyé á sâ ɨ́ jɔʼ nyé á nʉa mwân wé, Isaac ó, nyě tó tíʼe ó nye, dwě Nzyɛ̌m nyǎ yɨ́.

Kálara Zyɛ̌m Edwán é mpʉ̌n

²¹ Ebe yé Zyɛm a nʉa sɔŋ mpam ga wina Abraham mpʉ cɨcyel mʉr ɨ? Yé a be ó ebe syɛɛla nye a sa é jɔʼ nye a nʉa mwan we Ɨzak ó, nye tiʼe ó nye, dwe Zyɛm nya é taa mɨndwɛa ye e.

Jacques 2:21 ပူးပေါင်းရင်းမြစ်များ

Yʉanes 8:39

Bé e né ó: «Sɔ́ŋ wɨ́h, nye ó Abraham.» Yésʉs, nye e bé ó: «Bɨ́n bé tyeetye onta mé Abraham nó, lɛ́ɛ́, bɨ̌n bé lɨ́ esâ bísyɛ́ɛla nyé á sɨ̂sa bí.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

Mataos 12:37

Nzyɛ̌m ódwe gó mekebe nkʉ̂ mebě ó, ɨ́ mekǎn mô.»

Jacques 2:24

Nó ó, bɨ̌n bɨ́ bee ó, mʉr bi nkâm ɨ́ míh mé Nzyɛ̌m ó, ɨ́ lɔ̌b bísyɛ́ɛla bimpâ yɨ́. Nyé abi nkâm ɨ́ lɔ̌b búʼó yé, yé omér.

Jacques 2:18

Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

Rôm 4:12

Nye ntémé, nye ó sɔ́ŋ mpám lɨ́ esú é baá o dí etíʼɔɔ mpʉ́n bá. Sâ gwár, ntʉ waá dí etíʼɔɔ̌ njɨ mpʉ́n nyá dí mâ nta mé Abraham. Yé ó, waá dí etíʼɔɔ mpʉ́n, le edû ntémé kʉ̌ tyen wé nyá. Nye lɨ́ edyɛ̂ʼwo e Nzyɛ̌m mpʉ̌ Abraham á dyɛ̂ʼwo e né, nye dína apǎ tíʼɔɔ mpʉ́n yɨ́.

Rôm 4:1

Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Mɨlʉmlʉ 7:2

Étiene ntɔ̂ʼ yala ó: «Bɨ́ɔɔ́ bâm, okɛ́l bâm le osɔ́ŋ bâm, jóʼlááá gá me: Nzyɛ̌m mentyɛnwa á si nyɨ̂n ɨ́ míh mé sɔ́ŋ mpám gá wɨ́ná Abraham ɨ́ jɔʼ nyé á bě Mezopotamî, nye dína apǎ tó dǐ Karân yɨ́.

Yʉanes 8:53

Sɔ́ŋ wɨ́h Abraham á si dwe. Nzê gǒ bûʼlá ó, go ó dí elaa nyé ɛ̌? Ogwíha o mílɔ̌b ntémé sí dwe. Gǒ bee ó, go nzé?»

Lʉkas 16:30

Kúmá, nye ó: “Dâ Abraham ɔ́, bím yaá, yé ajala. Sâ gwár, mʉ̂r óduho lɨ́ odwe, tó kœb bé nó, bé ótúmo míkoo e mebébe mɔ́ɔ́, le edwira mílémé ɔ́ɔ̀ɔ́.”

Lʉkas 16:24

Nye ntɔ̂ʼ bʉ̂ édwê. Nye ó: “Dâ Abraham ɔ́, jɨ́ʼɨ́ɨ́ mé nkoó ɔ̌! Lómláá mé Lazare, nye dúbaa odumo ó diné yé ɨ́ medíbé, nye e nzé dwě jɨ́m yâm metala ɔ̌, ebě, me lɨ́ ebuú jaʼra e siʼe ɨ́ minjʉl mî.”

Lʉkas 1:73

Nye á kɛʼ sɔ́ŋ mpám gá wɨ́ná Abraham, le entaa mínkâl ó,

Mataos 3:9

Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Ebrœ̂ 11:17

Ɨ́ búʼó, Abraham á si kam ɨ́ jɔ̌ʼ Nzyɛ̌m á bóblo nye yɨ́. Abraham nzě sâ ó, nyě jʉ́ ó nye Isaac, tâŋ ndwéá. Nyɨɛ Abraham ó b'á bi menkɛ̌ʼ ménɨ́nɨ́ɨ́ mé Nzyɛ̌m. Nye ntémé ó b'á be ɨ́ cǎr ó, nye díʼɨɨ nye etíʼé é mwân lé laá tâŋ ndwéá,