Jacques 2:20 - Kálar Nzyɛ̌m : Ejwán é Sáá

²⁰ Go sá mʉ̂r yɨ̂! Nzê yê tyeetye ó, go lɨ́ edǐ gʉ́a ó, mʉ̂r bûʼlá Nzyɛ̌m, asâ yɨ́ɛ bisyɛ́ɛla bimpâ nó, nyé abá dirǎ nyɔm ɨ́ lɔ̌b syɛ́ɛla yé yaá ɛ́?

Kálara Zyɛ̌m Edwán é mpʉ̌n

²⁰ Sa mbɛh mʉr aa! Zê go lé egwɨm gʉa ó, buʼo ndɨ anyin bɨsyɛɛla ɛ, yé abe e nyɔm ɛ?

Jacques 2:20 ပူးပေါင်းရင်းမြစ်များ

Jacques 2:26

Sísǐm sí pʉʼa mʉ̂r ɨ́ nyʉ̂l nó, mʉr waá mû ó múu. Edyɛ̂ʼwo e Nzyɛ̌m ntémé, lé ó nó. Bísyɛ́ɛla bimpâ, byé bé anyɨ̂n kwá mʉr dí edyêʼ nyé koo nyá nó, lɛ́ɛ́, búʼó mʉ̂r waá, yé ó múu.

Jacques 2:17

Ebûʼlǎ Nzyɛ̌m, lé ó nó. Mʉ̂r dí abe lɨ́ esâ bísyɛ́ɛla bimpâ nyá, búʼó yé, yé ó mpʉ̌ múu, ɨ́ jɔʼ yé dí yé omér yɨ́.

Rôm 1:21

Damá jóʼǒ mpʉ bé á kʉ gʉ́a ó, Nzyɛ̌m, nye ó tɨ̂ʼ yɨ́, bé á bé adwe nyé kûm jálá e né nyɨ́, nkʉ̂ pʉgʉ́ bá dwe nyé nzyǒo. Bé á jaa pɨpahle sɔ̂ʼ ó, njɨ bisâ bi dí abá be e nyɔm bí. Bé ó bigʉʼlʉgʉ́, lúʼo pɨ̂ʼ. Milémé myɔ́ɔ́, myé jaá di ó, njɨ lɨ́ edúrʉ́ʉ́.

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

Títos 1:10

Ɨ́ sɔ́má óYúden o dí ebúʼla bá, yé e bʉr ɨ́ buo buo o dí egbɔba le otyɛ̂b bé ésôʼ bɔ́ɔ́ bá. Bilwǐb byɔ́ɔ́, byé ó dwêh, bé yɨ́ɛ lɨ́ ekʉ́ bánǎ kʉ́a bʉ́ʉ́ bʉ̂r.

1 Timotɛ 1:6

Yé e bʉ́ʉ́ bʉ̂r o b'á sâ ebébe ɨ́ páʼ bísâ byaá bá. Bɨ́haá, bé á tyen megwǎl ó, lɨ́ olɛblɛ̂b bíbɨ́bla bí ólɛ̂ʼla, ntɔ̂ʼ dyɛ̂l ɨ́ mʉ́ʉ́ ménzɨ̌ meswîh.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Rôm 3:28

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

Rôm 9:20

Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!