Jacques 2:19 - Kálar Nzyɛ̌m : Ejwán é Sáá

¹⁹ Nzê gǒ bûʼlá ó, Nzyɛ̌m, nye ó njɨ ngwár ɛ̌? Yé ó mbɨ̂mbɨá! Damá jóʼo méleme, mé lɨ́ ebánǎ bûʼla ntémé nó. Meleme maá, mé lɨ́ ebúʼla ndu e l'esâʼ ɨ́ ngba ngba ngba.

Kálara Zyɛ̌m Edwán é mpʉ̌n

¹⁹ Gwɔɔ lɛɛ ó, Zyɛm, nye ó njɨ ngwar. Go ntɔʼ lɛɛ ó, lɔɔ waa, wé ó ndɨ elɛʼle ó, gʉ jyɛʼ taa buʼo yo boo Zyɛm. Yé ó mbɨmbɨa! Dam be moleme, mé egʉa nteme no. Ebe no ó mé ndɨ esaʼ é ngba-ngba-ngba e bʉa ɛ.

Jacques 2:19 ပူးပေါင်းရင်းမြစ်များ

Lʉkas 4:34

«Ywííí, Yésʉs, mʉr Nazarɛ̂t, mɨná e go bé e wáǎ lɔ̌b ɛ̌? Nzê go nzé ó, nzě sîl bɨ́h ɛ̌? Mɨ́ gʉ́a gô. Go ó Mʉr mé Nzyɛ̌m dí ti nyá!»

Markus 1:24

«Yésʉs, mʉr Nazarɛ̂t, mɨná e go bé e wáǎ lɔ̌b? Go nzé ó, nzě sîl bɨ́h ɨ́? Mɨ́ gʉ́a gô. Go ó Mʉr mé Nzyɛ̌m dí ti nyá!»

Mataos 8:29

Bé ntɔ̂ʼ táare ébʉ̂ bítím. Bé e Yésʉs ó: «Gǒ sáá yé e bɨ̌h, Mwân mé Nzyɛ̌m? Gǒ nzě dwe bɨ́h bintɨ́ʼá ó, jɔʼ apǎ pyâl ɨ́?»

Mɨlʉmlʉ 16:17

Nye nzě táare édû bɨ́h e Pɔ̂l píhe koo, le tím ɨ́ num. Nye á lɨlɛ́ɛ ó: «Bʉr bâ, bé ó osyɛ̂l o mésâ mé Nzyɛ̌m dí Lʉ́ bísá bíbyɛ̂h nyá. Bé ó dí etúno édib e nzɨ́ é twiʼ.»

Galásia 3:20

Mesaádɔm, nyě títyɛ́b ɨ́ jɔʼ yɨ́yɛ̂h ó, páʼ menkɔ̌m mebá. Sâ gwár, ɨ́ jɔ̌ʼ Nzyɛ̌m á kɛʼ Abraham membɨa yɨ́, Nzyɛ̌m, nye á bé alómo éngeles, nkʉ̂ mʉr ó, nye díʼee mesaádɔm páʼ nyɔ́ɔ́ le Abraham. Nye á séa ó, nye omér.

Mɨlʉmlʉ 19:15

mbɨ́ǎ sísǐm, wé ntɔ̂ʼ yala e bé ó: «Me lɨ́ egʉ́ǎ Yésʉs. Me ntémé, mɨ́ gʉ́ǎ sɔ̂ʼ ɨ́ nkǒ páʼ mé Pɔ̂l. Á bɨ̌n bɨɛ, bé ó onzé?»

Markus 5:7

ntɔ̂ʼ bʉ̂ bítím kʉ́ kʉ́. Nye e né ó: «Gǒ sáá yé e me, Yésʉs, Mwân mé Nzyɛ̌m dí Lʉ́ bísá bíbyɛ̂h nyá? Me lɨ́ ejɨʼla e go ɨ́ díé mé Nzyɛ̌m: ayɨ́ dwe mé ntɨ́ʼá!»

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,

Markus 12:29

Nó ó Yésʉs á nze yala e né ó: «Etié e dí elaa métié mɨ́mɛ̂h ɨ́ medile lɨ́, lé ó: “Bʉr o b'Ɨ́zraɛ̂l, gwá jôʼlo! Dâ, dí Nzyɛ̌m gá wɨ́ná nyá, nye ó njɨ ngwár.

1 Korɛnt 8:6

ɨ́ páʼ gá wɨ́ná, mɨná gá bé ó, njɨ e Nzyɛ̌m ngwár, waá dí Sɔ́ŋ gá wɨ́ná nyá. Nye ó b'á komlo sá yɨ́yɛ̂h. Bicwiʼ gá bíná, byé dwɛ́ʼ ó nye. Yé ntémé, yé ó njɨ Njwɨ́ɨ ngwár: Yésʉs-Krîst. Sá yɨ́yɛ̂h, yé á kwɨmlɨ ó, ɨ́ nzɨ̌ nyé. Mɨná titiʼe gá ó, ɨ́ nzɨ̌ nyé nyaá.

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Yʉanes 17:3

Twǐʼ njʉ̌m dǐ, yé ó, bé gʉ́ŋaa go, gua mpǎŋ Nzyɛ̌m dí ngwár e ngwár nyá. Bé gʉ́ŋaa ntémé Yésʉs-Krîst, mʉr gó á lómo nyá.

Yʉ̂d 1:6

Símsáá gá ntémé beéngeles o b'á be akpɛl édi ɨ́ mecwɨ́ɨ́ mɔ́ɔ́ bá. Bé á si kpɛ́ɛ bidǐ bimpâ byɔ́ɔ́, kǎ tó gbáŋɔɔ ɨ́ mpǐl. Nzyɛ̌m á si gbâ bé lɨ́ edúrʉ́ʉ́ tʉ́ŋlʉ̌, bé mû mikɛ́ʼá. Okuluu bɔ́ɔ́, bé ódi ó, kɔ́m ti e kɔ́m, atiɔɔtiɔɔ. Tɨ̂ʼ ó beéngeles baá dí ebónǒ tíʼá mílɔ̌b épíhe yɨ́.

Jacques 2:8

Yé kʉ́ jala ó bɨ̌n dúʼoo etié me Njwɨ́ɨ gá wɨ́ná. Lé lɨ́ elɛ́ɛ ó: «Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́.»

1 Korɛnt 8:4

Nó ó, ɨ́ nkǒ páʼ ndéá tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, mɨná bé lɨ́ egʉ́a gá ó, sɔ̂ʼ, yé abe ɨ́ bikpɛʼkpɛ̂ʼ bí ónzyɛ̌m. Nzyɛ̌m, nye ó njɨ ngwár.

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Markus 7:9

Nó ó Yésʉs á baʼa lɛ́ɛ bé ó: «Bɨ̌n bé ɨ́ buú bene métié mé Nzyɛ̌m. Bɨ̌n jaá bɨbaʼlě sɔ̂ʼ ó, njɨ metum mɨ́n.

Mɨlʉmlʉ 24:25

Pɔ̂l nzě nyɛl édwe nyé milɛ́ʼlá ɨ́ mpʉ mʉ̂r jálá le etiʼe lɨ́ otîtyěl le emâr léme yɨ́, le mpʉ̌ Nzyɛ̌m ngá tíʼe mílɔ̌b yɨ́. Félix ntɔ̂ʼ bil bʉ́á. Nye e né ó: «Paá nyɛɛ́ swîʼ! Jɔʼ mé óbi épʉ́la yɨ́, mé obáʼǎ jébe gô.»