Jacques 2:18 - Kálar Nzyɛ̌m : Ejwán é Sáá

¹⁸ Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

Kálara Zyɛ̌m Edwán é mpʉ̌n

¹⁸ Mʉr óbɛm lɛɛ ó: «Baʼ bʉr, bé ejyɛʼ taa buʼo boo Zyɛm. Bʉʉ bɛɛ, bé esa mɨmpaŋ bɨsyɛɛla.» No ó, me ebula lɛɛ e mʉr nɨ ó: «Wáa mbi go ndɨ e nkul elɛʼle bʉr buʼo yo ndɨ anyin mɨmpaŋ bɨsyɛɛla nɨ? Mɛm ólɛʼle nye yaa yam é zi mɨmpaŋ bɨsyɛɛla byam, ó nye beŋɨ ó, mɨ jyɛʼ taa buʼo yam boo Zyɛm.»

Jacques 2:18 ပူးပေါင်းရင်းမြစ်များ

Jacques 3:13

Wáa mʉ̂r ɨ́ sɔ́má yɨ́n dí le ocwóó? Wáa mʉ̂r dí egʉ́a mékaná, sâ bínzololo? Yé jala ó, mʉr waá gʉ́ŋaa elɛ̂ʼle ócwóó wé ɨ́ nzɨ̌ mbɨambɨa kʉ̌ tyen nyé dí edû yɨ́. Nye sâʼ bisyɛ́ɛla bimpâ. Nye díʼee le njwɨr dí ɨ́ tala tala wɨ́. Mpaŋ ócwóó ó tɨ̂ʼ wɨ́.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

Jacques 2:14

Bɨ́ɔɔ́ bâm! Okɛ́l bâm! Mʉ̂r sí lɛ́ɛ ó, nye lɨ́ edyɛ̂ʼwo e Nzyɛ̌m, nyɨɛ yɨ́ɛ abe e bisyɛ́ɛla bi dí ebɔma e milɔ́ɔ́ myé bí nó, lɛ́á wé waá, wé ópʉgʉ́ be nyé e wáǎ nyɔm? Búʼó yaá, yé ákóʼó tíʼ nyê.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

Rôm 14:23

Tó kœb ó, mʉ̂r ódě dœʼ e mesónó ɨ́ léme nó, nye óbi mébě ɨ́ míh mé Nzyɛ̌m ɨ́ ndéá waá, ebě, wé aduho ɨ́ búʼó yé. Ebě, syɛ́ɛla yɨ́yɛ̂h dí aduho ɨ́ búʼó yô yɨ́, yê go ó syóm.

Ebrœ̂ 11:31

Ɨ́ búʼó mé Rahâb, sadága mʉ́má, nye á bé adwe ɨ́ jɔʼ bʉ̂r oswîh, bé á jʉ́ŋɔɔ yɨ́. Bé á si sâ Nzyɛ̌m ebɨ̌h. Nyɨɛ ó b'á gʉ́a ebaʼle bʉr o b'á nze byamle sí Kanân bá.

Ebrœ̂ 11:33

Ɨ́ nzɨ̌ búʼó yɔ́ɔ́ ó bé á lwímla e mesí meswîh, ntaŋɔɔ mé yɨ́. Bé á si tíʼe bʉr milɔ̌b lɨ́ otîtyěl ɨ́ nzɨ̌ búʼó yɔ́ɔ́. Bé á si bi nkɛ̌ʼ mé Nzyɛ̌m ɨ́ nzɨ̌ búʼó yɔ́ɔ́. Bé á si pɨr mingbampɨɨ minum ɨ́ nzɨ̌ búʼó yɔ́ɔ́.

Ebrœ̂ 11:6

Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

1 Korɛnt 13:2

Me óbɛ̌m be e ndwéá égwîh bísyɛ́ɛla ngá syɛ́ɛ bí, le egʉ́a épâʼlǎ lwǐb ódîm yɨ́yɛ̂h, le egʉ́ǎ sá yɨ́yɛ̂h, sâ bínzololo. Me óbɛ̌m be e búʼó mbi dí ó, me pɛ́ʼɛɛ mecwɨ̂ʼ yɨ́. Sâ gwár, mé bé abe e kpɛ̌l nó, lɛ́ɛ́, mé abě sɔ̂ʼ.

Rôm 3:28

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

2 Korɛnt 5:17

Mbeá wɨ́h, wé mû ó wɨ̂: yé bé nyʉ́ʉ́ mʉ̂r, nyɨ́ pûhla e Krîst nó, nye mû ó edwán é mʉ̂r ó tɨ̂ʼ yɨ́. Minjʉ̌m bísɔ̂ʼ mímyɛ̂h, mí laa. Yê jaa ka líʼ ó, njɨ medwán e medwán.

Rôm 8:1

Nó ɨ́ báánâ, bʉr o mû sí pûhla e Yésʉs-Krîst bá, Nzyɛ̌m, nyé akǎ láa bé bibaa bí ébébe, nkʉ̂ dwe bé bintɨ́ʼá bí tɨ̂.

Rôm 4:6

Jwɨʼ gwár yaá ntémé ó David á lɛ́ɛ yɨ́. Nye lɨ́ esyɛɛ métyéelé ɨ́ mʉr á láŋɔɔ otîtyěl ɨ́ míh mé Nzyɛ̌m, waá á be asâ bisyɛ́ɛla bimpâ nyá.

Rôm 9:19

Bé óbɛ̌m dî e me ó: «Yé bé nó wá, Nzyɛ̌m, nye lɨ́ eláa bʉ̂r bibaa bí ébébe ɨ́ yé ɛ́? Nzé dí e nkul ekamlě Nzyɛ̌m lɨ́ elóŋlǒ gwɨ́má yé?»