Jacques 2:14 - Kálar Nzyɛ̌m : Ejwán é Sáá

¹⁴ Bɨ́ɔɔ́ bâm! Okɛ́l bâm! Mʉ̂r sí lɛ́ɛ ó, nye lɨ́ edyɛ̂ʼwo e Nzyɛ̌m, nyɨɛ yɨ́ɛ abe e bisyɛ́ɛla bi dí ebɔma e milɔ́ɔ́ myé bí nó, lɛ́á wé waá, wé ópʉgʉ́ be nyé e wáǎ nyɔm? Búʼó yaá, yé ákóʼó tíʼ nyê.

Kálara Zyɛ̌m Edwán é mpʉ̌n

¹⁴ Obɨɔ ga bam aa! ǃƗ nuu mʉr si lɛɛ ó, nye ejyɛʼ taa buʼo ye boo Zyɛm, nye l'apa kʉ sa ba mpʉ Zyɛm lé elɛɛ nɛʼɛ, lɛa we waa, wé ó nye e wáa nyɔm? Nye ákwoʼ bi tiʼ molu mo mpoʼ mɨmɛh ebe sa buʼo ye.

Jacques 2:14 ပူးပေါင်းရင်းမြစ်များ

Lʉkas 6:49

Mʉr dí ejóʼo mékǎn mâm, adû mé nyá, nyě nwɨɨlá ó e mʉr waá á sumo mbɛ̌r njɨ ɨ́ bibwǎh kʉ́ nyá. Nye á bé apû óbɨ́ʼ, nkʉ̂ tyêl bípǎb lɨ́ ekóʼ. Jɔʼ mpɨ́ɨ á mâʼla ɨ́ bíhaá bípǎb yɨ́, mbɛ̌r wé nɨ̌ ntɔ̂ʼ bîʼ wɨ́wɛ̂h.»

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

2 Pyɛr 1:5

Sɨ́ǎ yaá ó mé dí elɛ́ɛ e bɨ̌n ó, gbáʼ gá nkul lɨ́ etâʼ bísá bîʼ ɨ́ nkalá nkalá: ɨ́ búʼó yɨ́n, bɨ̌n e kɛ́l mbɨambɨa njwɨr. Ɨ́ mbɨambɨa njwɨr, bɨ̌n e kɛ́l ngwɨ́á.

Jacques 2:26

Sísǐm sí pʉʼa mʉ̂r ɨ́ nyʉ̂l nó, mʉr waá mû ó múu. Edyɛ̂ʼwo e Nzyɛ̌m ntémé, lé ó nó. Bísyɛ́ɛla bimpâ, byé bé anyɨ̂n kwá mʉr dí edyêʼ nyé koo nyá nó, lɛ́ɛ́, búʼó mʉ̂r waá, yé ó múu.

Ebrœ̂ 11:17

Ɨ́ búʼó, Abraham á si kam ɨ́ jɔ̌ʼ Nzyɛ̌m á bóblo nye yɨ́. Abraham nzě sâ ó, nyě jʉ́ ó nye Isaac, tâŋ ndwéá. Nyɨɛ Abraham ó b'á bi menkɛ̌ʼ ménɨ́nɨ́ɨ́ mé Nzyɛ̌m. Nye ntémé ó b'á be ɨ́ cǎr ó, nye díʼɨɨ nye etíʼé é mwân lé laá tâŋ ndwéá,

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Jacques 2:18

Mʉr óbɛ̌m lɛ́ɛ ó: «Gua, go lɨ́ edyɛ̂ʼwo e Nzyɛ̌m; mɛm, mě e bisyɛ́ɛla bimpâ.» Nó ó mé dí elɛ́ɛ e mʉr dí njɨ búʼó e búʼó nyá ó nɛ́ɛ: Lɛ́ʼláá mé búʼó yô, abe ɨ́ nzɨ̌ bisyɛ́ɛla bi tɨ̂. Nó ó, mɛm ólɛ̂ʼle gúa bisyɛ́ɛla bimpâ byâm, ó go béyɨɨ ó, mě dyɛ́ʼwó ó e Nzyɛ̌m.

Mɨlʉmlʉ 8:21

Gó akúnwo e bá nkɔ̂b ɨ́ lɔ̌b wɨ̂, nkʉ̂ gúú pâʼ tɨ̂, ebě, lémé gô, wé abě tîtyěl ɨ́ míh mé Nzyɛ̌m.

Mataos 5:20

Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

Títos 3:8

Lwǐb nɨ̌, yé ó yaá jálá le ebúʼlɔɔ yɨ́. Mě kpɛl ó, go nkʉ̂ gʉ́a dwe bʉ̂r milɛ́ʼlá mínɨ̌. Ɨ́ gúmo yaá ó bʉ̂r o b'á dyɛ̂ʼwo e Nzyɛ̌m bá, bé ósɨsâ bísyɛ́ɛla bimpâ yɨ́. Bisyɛ́ɛla byaá, byé e nyɔm ɨ́ nkǒ páʼ bʉ̂r bɨ́bɛ̂h.

1 Timotɛ 1:5

Ɨ́ metwɨ́ɨ́ ménɨ̌, ndumló tɨ̂, wé ó, mɨná kpɛ́laa gâ. Kpɛ̌l yaá, yé dúhaa ɨ́ miléme mi dí ɨ́ sɔ́ɔ́ɔ́ mí, le ɨ́ mipahlá míléme mi dí ɨ́ pyɛɛɛ mí. Kpɛ̌l yaá dúhaa ntémé ɨ́ mpǎŋ búʼó yɨ́ná dí abě mbáʼrá e mikóo yɨ́.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

1 Korɛnt 15:2

Bɨ́n óbaʼlě lɔ́ɔ waá mbɨ̂mbɨá mpʉ mé á túno bɨ̌n wǎ yɨ́ nó, wé ótiʼ bɨ́n. Yé bé abe nó wá, lɛ́ɛ́, búʼó yɨ́n, yé ó dwêh.

Mɨlʉmlʉ 15:9

Nyé agbâ tɔʼ e mbɔ́ʼ ngwár páʼ gá nyɨ́ná le onɔ́ɔ́. Nye á be ó sí pubo mílémé myɔ́ɔ́ ɨ́ lɔ̌b búʼó yɔ́ɔ́.

Jacques 2:16

nyʉ́ʉ́ mʉ̂r ɨ́ sɔ́má yɨ́n lɛ́ɛ́ e né ó: «Gua tóʼ mbɨ̂mbɨá! Go e swámá kán ɨ́ nyʉ̂l lɨ́ epemle éjwóo. Go e dé, díle» nó, nyé bé adwe nyé bisá nyé dí egwɨ̂m bí nó, go ó, lɛ́á wé waá, wé abá be nyé e nyɔm.

1 Timotɛ 4:8

Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.

Mɨlʉmlʉ 8:13

Simon mʉr tɨ̂ʼ nzě bûʼla ntémé, nye ntɔ̂ʼ duŋɔɔ. Nye nzě didǐ gúmó yɨ́yɛ̂h Philippe á be yɨ́. Nó ó, nye á be ó lɨ́ ebuú kâm lɨ́ esiŋle mésimá ménɨ́nɨ́ɨ́ Philippe á sɨsâ má.

1 Korɛnt 16:22

Mʉ̂r bé akpɛl Tî Yésʉs nó, Nzyɛ̌m sʉ́ʼoo nye meswomlʉ. Maranáta: Dâ ɛ̌, ntáʼ!

Rôm 2:25

Tíʼá mpʉ́n, wé e nyɔm ó, njɨ lɨ́ esú é mʉ̂r dí ebaʼle métié nyá. Mʉ̂r gbáh métié maá nó, tíʼá mpʉ́n wé, wé l'akǎ be e nyɔm. Nye mʉr tɨ̂, nyɨ́ dwirǎ mpʉ mʉ̂r á be apǎ tíʼɔɔ mpʉ́n nyá.

Lʉkas 3:11

Nye ntɔ̂ʼ lɛ́ɛ e bé ó: «Mʉr dí e mikán mímbá nyá, nye dwíhɨɨ gúú. Nye e dwé mʉ̂r dí abe e kán nyá. Mʉr dí ɨ́ twíha mede nyá, nye pɛ́ʼɛɛ mʉr dí ɨ́ nza nyá!»

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂: