Jacques 1:9 - Kálar Nzyɛ̌m : Ejwán é Sáá

⁹ Mɨ́ɔɔ́ wɨ́ná ɨ́ Mbɛ̌r-Nzyɛ̌m dí ántéʼenteʼe mʉr nyá, nye ɨ́ jala le enkʉ́na ɨ́ lɔ̌b dǐ nɨ́nɨ́ɨ́ Nzyɛ̌m á tyêl nye tɨ̂ʼ yɨ́.

Kálara Zyɛ̌m Edwán é mpʉ̌n

⁹ Mɨɔ wina é mbɛr Zyɛm ndɨ é l'enteʼe e, nye ejala le edoʼo e dia nɨnɨ Zyɛm a cyel nye tɨʼ ɨ.

Jacques 1:9 ပူးပေါင်းရင်းမြစ်များ

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Mɨngwiha 2:9

me lɨ́ egʉ́a mítúú mín, le edyêb lɨ́n. Lɨ́ otyeetye, bɨ̌n bé ó, misʉ́sʉ́ mí bʉ̂r. Me lɨ́ egʉ́a ntémé melwɨ́ɨ bʉ̂r dí elwɨ́ɨ bɨ́n má. Baányâ-melwɨ́ɨ baá, bé lɛ́ɛ́ ó, bé ó bʉr ó kúl óYúden. Sâ gwár, bé abe óYúden ompâ. Bé ó bʉr o mpáh minjɨʼla mé Sátan.

Lʉkas 1:52

Nye á si pɛʼ ojwɨ́ɨ ɨ́ bidiá byɔ́ɔ́. Nó bʉr o dí ejɔr ményʉ́l mɔ́ɔ́ bá, nyɨ́ dwe bé bidiá bi kʉ́.

Filipi 3:14

Me lɨ́ egbâ nkûl lɨ́ etô dóló, tó pyâl lɨ́ odumo. Me lɨ́ egwɨ̂m ébi myɛ́na mé Nzyɛ̌m nyé dí ejébe mɨ́ná gá ó, mɨná tô bi gá, cɨɨ ɨ́ nzɨ̌ mé Yésʉs-Krîst má. Mé ó komá ɨ́ jʉ́o kʉ́.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Lʉkas 10:20

Sâ gwár, ayɨ́ buú soho gá ɨ́ lɔ̌b mímbɨ́a mísísǐm, byé lɨ́ esâ bɨ́n mejóʼo. Sohaa gá ebe míé mɨ́n dí micɛmá ɨ́ jʉ́o kʉ́.»

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Lʉkas 14:11

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»