Jacques 1:26 - Kálar Nzyɛ̌m : Ejwán é Sáá

²⁶ Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

Kálara Zyɛ̌m Edwán é mpʉ̌n

²⁶ ǃƗ mʉr si kʉ lɛɛ ó, nye ó é l'esama e bʉr o ndɨ egʉa du mɨlɔb mo Zyɛm nɛʼɛ, nye mɛrɨ nʉm we lé elwib sa ebebe. ǃNye baamɛr nʉm we no nɛʼɛ, nye egomlo nye mʉr tɨʼ é bebebebe zi. Buʼo mo mʉr waa, yé ó mbɛh e mbɛh.

Jacques 1:26 ပူးပေါင်းရင်းမြစ်များ

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

1 Pyɛr 3:10

Ebě, yê cɛmá ó: «Mʉr nyɨnyɛ̂h dí egwɨ̂m étíʼě mbɨ̂mbɨá le egwɨ̂m ébee mélú mé émbɨa nyá, nyě sá alɛ́ɛ̌ sá dí ɨ́ bébe yɨ́. Nye gwáʼaa elɛ́ɛ bísá míkóo.

Éfɛsɔs 5:4

Yé ajala ntémé ó, bɨ̌n lwíbɨɨ mekǎn mé ésɔ́m, nkʉ̂ lwǐb ógʉ̌, nkʉ̂ lwǐb bíswóólʉ́. Yé ajɨ ó, bɨ̌n sâʼ nó. Yé mbɨa ó, bɨ̌n dwêʼ Nzyɛ̌m nzyǒo.

Kolosi 4:6

Mekǎn mɨ́n, mé ɨ́ jala le ebe ɨ́ jɔʼ yɨ́yɛ̂h ó, ɨ́ mbɨa mbɨa, lwɨ́ŋlá e nyɔm. Gwá yɨyala gá e mʉr nyɨnyɛ̂h mbɨ̂mbɨá.

Jacques 1:22

Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Lʉkas 8:18

«Gwá jôʼlo gá mekǎn mâm: mʉr dí e bisâ nyá, óbáʼǎ dweŋɔɔ byúú. Tó kœb ó, waá dí tʉ̂toʼó nyá, ópɛʼɔɔ mâ bím nyé dí e né nyá.»

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

Galásia 2:6

Me nzě tó bee baá bé á nyɨ̂n ɨ́ mîh ó, bé ó otyɛ̂b bé ésôʼ bá. (Nkʉ̂ bé ó otyɛ̂b bé ésôʼ, nkʉ̂ bé abe bê, nó yé asâ mɛ̂m sɔ̂ʼ, ebě, Nzyɛ̌m, nyé abe lɨ́ edwáawo bʉ̂r mempǒm.) Bʉr o b'á bu nyɨ̂n nó bá, ɨ́ jɔʼ mé á lɛ́ɛ bé Mbɨambɨa Lɔ́ɔ mé dí etúno bʉ̂r wɨ́, bé á bé akɛl ékǎn egwár tɨ̂ʼ kʉ́.

Markus 7:7

Júú bé dí edwe mé yɨ́, yé ó kwahaá tʉ̂toʼó, ebě, milɛ́ʼlá bé dí edwe bʉ̂r mí, myé jaá duho ó, njɨ ɨ́ metié me bʉ̂r.”

1 Korɛnt 15:2

Bɨ́n óbaʼlě lɔ́ɔ waá mbɨ̂mbɨá mpʉ mé á túno bɨ̌n wǎ yɨ́ nó, wé ótiʼ bɨ́n. Yé bé abe nó wá, lɛ́ɛ́, búʼó yɨ́n, yé ó dwêh.

Mataos 15:9

Júú bé dí edwe mé yɨ́, yé ó kwahaá tʉ̂toʼó, ebě, milɛ́ʼlá bé dí edwe bʉ̂r mí, myé jaá duho ó, njɨ ɨ́ metié me bʉ̂r.”»

1 Korɛnt 15:15

Yé bé yé ó nó wá, yé nyɨ́n ntémé ó, bɨ̌h bé lɨ́ elɛ́ɛ bíbɛr, dumo e Nzyɛ̌m, ebě, bɨ̌h bʉboʼló ɨ́ páʼ wé ó, nye ó b'á pɛh Krîst. Yé bé odwe, bé ákóʼó pɛhɔɔ nó, lɛ́ɛ́, Nzyɛ̌m á bé apɛh nyê.

Jacques 2:20

Go sá mʉ̂r yɨ̂! Nzê yê tyeetye ó, go lɨ́ edǐ gʉ́a ó, mʉ̂r bûʼlá Nzyɛ̌m, asâ yɨ́ɛ bisyɛ́ɛla bimpâ nó, nyé abá dirǎ nyɔm ɨ́ lɔ̌b syɛ́ɛla yé yaá ɛ́?

Galásia 3:4

Nzê bɨ̌n bé á kʉ sia e mitúú ɨ́ buo buo ó, dwêh ɛ̌? Mé abûʼla ó, myé ó dwêh.

Galásia 2:9

Jacques, bé e Kefâs, ndu e Yʉánɛs, bé ó b'á bu nyɨ̂n ɨ́ mîh ó, bé ó dí «medwii me sɔ́ŋ» ɨ́ Mbɛ̌r-Nzyɛ̌m. Bé á si gʉ́a lɨ́ otyeetye ó, Nzyɛ̌m á si lɛ̂ʼle me mpam nyé. Bé ntɔ̂ʼ bára e bɨ̌h e Banabâs, lɨ́ elɛ̂ʼle ó, bɨ̌h á kʉ be ó, ɨ́ mpúhlá miléme, bɨ̌h le onɔ́ɔ́. Bɨ̌h ntɔ̂ʼ di twíí ó, bɨ̌h bé ótô kwá bʉr o dí abe óYúden bá. Bɨ́ɛ, bé ótô kwá oYúden.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.