Jacques 1:25 - Kálar Nzyɛ̌m : Ejwán é Sáá

²⁵ Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.

Kálara Zyɛ̌m Edwán é mpʉ̌n

²⁵ No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.

Jacques 1:25 ပူးပေါင်းရင်းမြစ်များ

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

1 Pyɛr 2:16

Dúʼóó gá kʉ̌ tyen mpâ ónzyɛh o bʉ̂r jálá le edû wɨ́. Bɨ̌n damá be ónzyɛh o bʉ̂r, sâ gwár, asâ gá ebébe ɨ́ lɔ̌b dǐ bɨ́n dí tɨ̂ʼ yɨ́. Dǐ yaá, yé ajala le esûʼlǎ sá bɨ́n búbló ébébe é léme lɨ́n e tɨ̂ʼ yɨ́. Tiʼaa gá mpʉ bítúʼǎ bi dí egúmo e Nzyɛ̌m bí.

Jacques 2:12

Nó, ɨ́ jɔʼ bɨ́n mû lɨ́ ekpɛl écɨ ékǎn eswîh, ekǎn é kɛl, nkʉ̂ ó, bɨ̌n sá ó yʉ́ʉ́ syɛ́ɛla yɨ́, bɨ̌n e gʉ́á ó, Nzyɛ̌m ópahle mékǎn le bisyɛ́ɛla bín. Nye ókʉ́ dû étié e dí esâ ó, mɨná díʼee gá onzyɛh o bʉ̂r lɨ́.

Galásia 5:1

Krîst á pɛʼ mɨná gá ɨ́ dǐ ótúʼǎ ó, mɨná díʼee gá onzyɛh o bʉ̂r. Nó ó, gbáʼ gá nkul lɨ́ ebaʼlě dǐ yɨ́n yaá. Mʉ̌r sá akam ó, nye bâʼlaa di ɨ́ dǐ ótúʼǎ.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

1 Timotɛ 4:16

Gwá dwɛ̂ʼ gó mʉr tɨ̂ʼ ndu e lɛ́ʼlá gó dí edwe bʉ̂r wɨ́. Sɨ́sáʼ sɨ́n lɨ́ edû mílɔ̌b mínɨ̌. Gó ósâ nó wá, go ótíʼ gó mʉr tɨ̂, tíʼ ntémé baá o dí ejôʼlo gó bá.

2 Korɛnt 13:5

Bɨ̌n bʉr o tɨ̂, sáʼ gá pyal ményʉ́l mɨ́n. Bɨ̌n a dwɛ́ʼ nkʉ̂ bɨ̌n dína lɨ́ edyɛ̂ʼwo e Nzyɛ̌m. Bɨ̌n bʉr o tɨ̂, sáŋáá égʉ́a gá nkʉ̂ bɨ̌n bé lɨ́ entaa mébʉ́blá. Bɨ̌n bé apǎ gwá gʉ́a ɨ́ páʼ wɨ́n ó, Yésʉs-Krîst ó dí ɨ́ bɨ̌n ɛ̌? Yé bé abe nó wá, lɛ́ɛ́, bɨ̌n bé ó obûʼla o míkóo ó tɨ̂ʼ yɨ́.

Rôm 11:22

Paá bee gá mpʉ̌ Nzyɛ̌m dí elɛ̂ʼle mpâm, le edi, adûhwo bʉ̂r o dí esâ nyé ebɨ̌h, baá bé á twe omyâtyɛ̌ŋ ɨ́ nkɨ́ŋlɨ́m bá. Nyě kʉ́ lɛ̂ʼle mpâm nyé ó, gua. Gúa óbene édi ɨ́ mpam mé Nzyɛ̌m nyaá nó, lɛ́ɛ́, nye ntémé ókʉ́ syɛ̂h gó mpʉ̌ lɔ́ɔ́ lɨ́ e ngɨ́r ɨ́ léme.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

Galásia 2:4

Sâ gwár, bʉ́ʉ́ bʉ̂r, bé á si gwa tíne nye nó, ebě, bʉ́ʉ́ ókrǐsten o bíbɛr, bé á be ó ɨ́ sɔ́má yɨ́h yaá. Bʉr baá, bé á swama ɨ́ sɔ́má yaá ó, mesǒ, lɨ́ edǐ gʉ́a, nkʉ̂ bɨ̌h, bʉr o dí ɨ́ mpúhlá e Yésʉs-Krîst bá, bê tyeetye ó onzyɛh o bʉ̂r. Gwɨ́má yɔ́ɔ́, yé á be ó, bé báʼa liŋ bɨ́h bitúʼǎ.

Yʉanes 8:36

Mwân sí táǎ góo, le edwih bɨ́n ɨ́ mpila ótúʼǎ nó, ɨ́ jɔʼ yaá ó bɨ́n ókʉ́ be ónzyɛh o bʉ̂r yɨ́.

Mɨngwiha 14:13

Me nzě jóʼo twíí lɨ́ eduho ɨ́ jʉ́o kʉ́. Nye e me ó: «Cɛmáa: “Táare ɨ́ jɔʼ yɨ̂, mʉ̂r á pa dyɛ̂ʼwo e Yésʉs nyá, sí dwe nó, lɛ́ɛ́, nye óswɨɨ métyɛʼ me mpóm.”» Sísǐm mé Nzyɛ̌m lɛ́ɛ́ ó: «Yé ó nó. Bé páa kǎ gbalǎ syɛ́ɛ́. Sá bé á sɨséa ɨ́ jɔʼ bé á títíʼe yɨ́, nyɔm tɨ̂ʼ, wé ónyɨ̂n ɨ́ gúmó bé dí edi yɨ́.»

1 Timotɛ 2:15

Mʉ́má ódyɛ̂ʼwo e Nzyɛ̌m, le ekpɛl bʉ̂r, dǐ tí ɨ́ páʼ mé Nzyɛ̌m, le edwe nyʉ̂l nyé medile nó, nye óbǐ twiʼ lɨ́ ebyá nyé dí ebyâ lɨ́.

Rôm 7:12

Nó ó, metié, mé ó sá dí ti yɨ́. Mempéné mɨ́mɛ̂h, mé ó sá dí ti yɨ́. Mé ntémé, mé ó tîtyěl ɨ́ míh mé Nzyɛ̌m le mbɨ̂mbɨá.

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Mɨlʉmlʉ 13:43

Jɔ̌ʼ gwɨ́hlá yé á gbɛha yɨ́, oYúden ɨ́ buo buo ndu e baá bé á nî ɨ́ yébé wɔ́ɔ́ bá, nzě dúŋɔɔ̌ Pɔ̂l, bé e Banabâs, le ejôʼlɔɔ bê. Pɔ̂l, bé e Banabâs ó b'á be lɨ́ elwib e bê, le ekʉ́ lɛ́ɛ e bé ó, bé náraa e Nzyɛ̌m ɨ́ lɔ̌b mpâm nyé.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Mɨlʉmlʉ 2:42

Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.

Mɨngwiha 22:14

«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.

1 Yʉanes 2:24

Gwá símsa gá mpáŋla bɨ́n á jóʼo, duho ɨ́ menyɛ̌l nyɨ́. Mpáŋla bɨ́n á jóʼo, duho ɨ́ menyɛ̌l nyɨ́, ódi bɨ́n ɨ́ miléme nó, bɨ̌n bé ódi ntémé ó, ɨ́ mpúhlá nyɨ́n e Nzyɛ̌m Mwân, bé e Nzyɛ̌m Sɔ́ŋ bɨ́bɛ̂h.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Rôm 2:13

Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Galásia 6:2

Nkɛ́yɨ́ɨ́ gá mimbeʼ mi bʉ́ʉ́ bʉ̂r. Bɨ́n sá nó wá, lɛ́ɛ́, bɨ̌n bɨ́ dû étié Krîst á líʼe mɨná e lé lɨ́.