Jacques 1:24 - Kálar Nzyɛ̌m : Ejwán é Sáá

²⁴ Le nyé dwír koo, le ntɔ̂ʼ nyé jɨ́há mpʉ nyê bé yɨ́.

Kálara Zyɛ̌m Edwán é mpʉ̌n

²⁴ Jɨh tɨʼ nyi kʉ dwir koo, nye ejɨha mpʉ mpom wé be e.

Jacques 1:24 ပူးပေါင်းရင်းမြစ်များ

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Lʉkas 1:66

Bʉr o b'á jóʼo bá, bê nzě baʼle mílɔ̌b myaá ɨ́ milémé myɔ́ɔ́. Bê nzě díila páʼ nyɔ́ɔ́ ó: «Mwân nyâ, nye óbe wáǎ mbi mwân ɛ̌?» Bʉr ntɔ̂ʼ dweʼe bíjwɨʼ ɨ́ twiʼ mé Yʉánɛs, le egʉ́a ó, nkul mé Nzyɛ̌m á kʉ be ó e né.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

Mataos 8:27

Bʉr baá, bê nzě jóʼo ékɛ̂n ɨ́ buo buo. Bé ó: «Mʉr nyâ, nye wáǎ mbi, dí, nkúo e mâŋ, byé lɨ́ ebánǎ sâ nyé mejóʼo nyâʼ ɛ̌?»

Jacques 1:23

Ebě, mʉr dí ejóʼǒ lwǐb yaá, agbâ yé ɨ́ nkɔb nyá, nye ó mpʉ mʉ̂r dí edwɛ̂ʼ mpóm nyé lɨ́ enyɨ́n, beě mpʉ nyé á byɛ̂l yɨ́.

Jacques 1:25

Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.