Jacques 1:22 - Kálar Nzyɛ̌m : Ejwán é Sáá

²² Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Kálara Zyɛ̌m Edwán é mpʉ̌n

²² Mokan Zyɛm lé elɛɛ bɨna ga ɛ, bɨn bé à du me. Ajoʼo ga njɨ e mogwal. ǃBɨn si joʼo njɨ e mogwal nɛʼɛ, lɛɛ ó, bɨn bé ekʉa ó bɨn bʉr o tɨ.

Jacques 1:22 ပူးပေါင်းရင်းမြစ်များ

Rôm 2:13

Mʉr ábi nkâm ɨ́ míh mé Nzyɛ̌m ɨ́ lɔ̌b njóʼá métié wé omér. Waá dí esâ mpʉ métié maá dí etɨ́e yɨ́ nyá, nyɨ́haá ó ngá bi nkâm ɨ́ míh mé Nzyɛ̌m.

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

Jacques 4:17

Nó, waá dí egʉ́ǎ syɛ́ɛla mpâ nyé jálá le esâ, sâ gwár asâ yé nyá, mʉr waá kʉ́ sâ ó syóm.

1 Yʉanes 2:3

Mɨ́ná báʼlé gá metié mé Nzyɛ̌m nó, syɛ́ɛla yaá, yé óbe ó dweʼle dí eboʼlo ó, mɨná bɨ́ gʉ́a gá nye yɨ́.

Lʉkas 11:28

Nó ó Yésʉs á yala e né ó: «Metyɛʼ me mpóm, mé buú buo ó e baá o dí ejóʼo mílɔ̌b mé Nzyɛ̌m ndu e l'ebaʼle myé bá.»

Mataos 12:50

Waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá ó dí mɨ́ɔɔ́ wǎm, kɛ́lâm le nyɔ̌ŋ wǎm.»

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

Mɨngwiha 22:7

Yésʉs, nye lɨ́ elɛ́ɛ ó: «Paá bee gâ: me lɨ́ enze ɨ́ báánâ. Metyɛʼ me mpóm, mé díʼee e baá bé óbaʼle mísolá mílɔ̌b mi dí micɛmá ɨ́ mekaná mâʼ tʉ́ŋlʉ̌ mí bá.»

1 Yʉanes 3:7

Bwán bâm, ayɨ́ bîr gá ó, mʉr dímlaa bɨ̌n. Mʉr dí esâ bísyɛ́ɛla bí ótîtyěl nyá ó dí tîtyěl mpʉ̌ Yésʉs dí tîtyěl yɨ́.

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

Galásia 6:7

Mʉ̌r sá ajéʼě sɨ̂: Nzyɛ̌m ápyéhɔɔ! Mpeʼ mbêl pemé dí ebe yɨ́, yé ó ngá sûʼla méde nyé ókpɛm má.

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.

Galásia 6:3

Ebě, nɛ́ɛ: nyʉ́ʉ́ mʉ̂r bé lɨ́ ejwɨʼ ó, nye ó mpǎŋ sɔ̂ʼ, nyɨɛ yɨ́ɛ abě mpaŋ mʉ̂r nó, mʉr waá, nyě dímlé ó, nye mʉr tɨ̂.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

1 Yʉanes 1:8

Mɨ́ná lɛ́ɛ́ gá ó, mɨná bé asâ gá misyóm nó, lɛ́ɛ́, mɨná dímlé gá ó, mɨná bʉr o tɨ̂. Otyeetye, wé abe ɨ́ mɨná gâ.

Filipi 4:8

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

1 Korɛnt 15:33

Mʉ̌r sá ajéʼě sɨ̂: «Bibɨ́bla mínjoo sá ó, ndáma mímpaŋ métum.»

2 Pyɛr 2:13

Bé óbi myɛ́na mé ébébe bé á pa sâ bʉr lɨ́. Bé mɨmɛɛla ó, lɨ́ edi ɨ́ twiʼ mépwaʼ témé móhó. Jɔʼ bé dí esyɛŋa e bɨ̌n lɨ́ ede yɨ́, nkʉ̂ bɨ̌n nwɨɨla ó e nyʉ̂l, bé ó dí mebar me nyʉ̂l nyaá. Bé lɨ́ esahle lɨ́ ede, lɨ́ edû bígwɨ́má byɔ́ɔ́. Byé lɨ́ edímle bé ɨ́ nzɨ̌ mikóo myɔ́ɔ́.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

2 Timotɛ 3:13

Bibɨ́bla bi bʉ̂r, ti e bʉr o míkóo bɨ́ɛ, bé ótô dóló e mebébe mɔ́ɔ́ ó, tótôʼ. Bé ótô dóló le edímle bʉ̂r. Bé bʉr o tɨ̂, bé ótô le elɔ̂ʼwa ɨ́ mikóo mi bʉ́ʉ́ bʉ̂r.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.