Jacques 1:2 - Kálar Nzyɛ̌m : Ejwán é Sáá

² Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.

Kálara Zyɛ̌m Edwán é mpʉ̌n

² Obɨɔ ga bam aa! É jɔʼ bɨn bé ebɔma e mobʉbla mɨmbi mimyɛh ɛ, bɨn bé à gʉa ó, yé ó bɨn jɔʼ bɨsʉhʉ,

Jacques 1:2 ပူးပေါင်းရင်းမြစ်များ

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Filipi 1:29

Nzyɛ̌m á dib bɨ̌n nzɨ̌ ó, bɨ̌n gúmlaa Krîst, abě njɨ ɨ́ jɔʼ bɨ́n dí ebúʼla nyé yɨ́, kʉ́ buú be ntémé, ɨ́ jɔʼ bɨ́n dí esia e mitúú ɨ́ mpúhlá nyɨ́n e nɔ́ɔ́ yɨ́.

2 Pyɛr 2:9

Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Ebrœ̂ 10:34

Bɨ̌n e mimbʉʼ bé á si sia e mitúú mímpwár. Jɔʼ bʉ̂r bé á dɛn mebi mɨ́n yɨ́, bɨ̌n bé á si bîr byé e bisʉhʉʉ, ebě, bɨ̌n bé á be ɨ́ kʉ́ gʉ́a ó, bɨ̌n bé óbánǎ bi bídimé bísâ. Bisâ byaá, byé ɨ́ buú mbɨa, laa byaá bé á nyɛɛ dɛn bí. Byé ntémé, byé ó bisá bi dí edi bí.

Filipi 2:17

Bɨ̌n mû ó lɨ́ esâ Nzyɛ̌m sá nyé dí egwɨ̂m yɨ́, duho ɨ́ búʼó yɨ́n. Bɨ̌n bé lɨ́ ekɛha bítwiʼ bín ɨ́ nzɨ̌ búʼó nyaá e bisʉhʉʉ ɨ́ miléme, lɨ́ ekʉ mɛɛla ebe míndwéá mín myaá. Me lɨ́ esoho e bɨ̌n, metié mâm lɨ́ eswɨɨ̌ si ntémé, ó mé pûhlaa e mindwɛ́á mín.

Rôm 5:3

Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Jacques 5:11

Mɨná lɨ́lɛ́ɛ́ gá ó, mʉr á dûhwo mitúú e bíhwó nyá, nyě e metyɛʼ me mpóm. Bɨ̌n bé á be ó sí jóʼǒ mpʉ̌ Job nyɨɛ á dûhwo mitúú yɨ́. Bɨ̌n ntémé bé lɨ́ egʉ́ǎ mpʉ̌ Dâ Nzyɛ̌m á ka sâ nye mpam lɨ́ epíhé yɨ́, ebě, Dâ Nzyɛ̌m, nyě e njɨ́ʼá nkóó. Nye ɨ́ buú cwɨ́a e bʉr.

Filipi 2:18

Jwɨʼ gwár e gwár yaá ntémé e bɨ̌n, bɨ̌n bé lɨ́ esoho e me ɨ́ jɔʼ mé ndɨ́ ɨ́ bisʉhʉʉ yɨ́.