Jacques 1:19 - Kálar Nzyɛ̌m : Ejwán é Sáá

¹⁹ Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Kálara Zyɛ̌m Edwán é mpʉ̌n

¹⁹ Obɨɔ o kpɛl bam aa! Diʼe ga é luumo, joʼlo bʉʉ bʉr. Alɨ lwib ga. Alɨ kpaa ga mompime,

Jacques 1:19 ပူးပေါင်းရင်းမြစ်များ

Éfɛsɔs 4:26

“Lémé lónó bɨ́n ɨ́ nkpaa nó, sá asâ gá yɨ́ɛ syóm.» Mʉ̂r kóbló bɨ́n ebúʼ nó, sá abîr gá ó, ebúʼ laá díʼee bɨ̌n ɨ́ miléme, tó pyâl ɨ́ medwíne mé pum.

Kolosi 3:8

Nó ó, ɨ́ báánâ, paá kǎ bîr gá bé bisyɛ́ɛla byaá bíbyɛ̂h: nkpaa, ebúʼ, ebébe é léme, melwɨ́ɨ le mekǎn mé ésɔ́m. Byé sá aduho ɨ́ num wɨ́n.

Éfɛsɔs 4:31

Akǎ sâ gá otié. Pɛʼɛɛ gá ebúʼ, le nkpaa ɨ́ miléme. Syɛ́hláá gá megô ndu e melwɨ́ɨ. Pɛʼɛɛ gá ebébe é léme ɨ́ milémé mín.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.

Mataos 5:22

Nó mɛ̌m lɛ́ɛ́ bɨ́n ó: mʉr nyɨnyɛ̂h dí elɛ̂ʼle mɨ́ɔɔ́ wé nkpaa nyé nyá, ótóŋɔɔ e yé ɨ́ mpáh milɔ̌b. Mʉ̂r lwɨ́ɨ́ mɨ́ɔɔ́ nó, nye ótóŋɔɔ e yé ɨ́ bʉ̌m nɨ́nɨ́ɨ́. Mʉ̂r lɛ́ɛ́ e mɨ́ɔɔ́ ó, nye ó gʉ̌ nó, nye ótóŋɔɔ e yé Gehên, bɨ́ siʼe dí adímedime yɨ́.

Jacques 1:26

Mʉ̂r láá ó, nye ó mbûʼla, nye l'amɛ̂r jɨ̂m yé nó, nyě kʉ́á ó nye mʉr tɨ̂. Búʼó mʉ̂r waá, yé ó dwêh.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

Mɨlʉmlʉ 17:11

Bʉr ó Bére bé á kœb gʉ̂ʼ bá, bé á be ó, ɨ́ mbɨa míléme, laa óYúden bé á bě Tesaloníka bá, ebě, bé á si nʉa lɛ́ʼlá dí edumo e Nzyɛ̌m wɨ́ e mpǎŋ gwɨ́má. Dʉ́ó lɨ́lɛ̂h, bé á be ó lɨ́ etimle Mékaná mé Nzyɛ̌m, lɨ́ edǐ bee nkʉ̂ sá Pɔ̂l á lɨlɛ́ɛ bé yɨ́, yé á kʉ be ó tyeetye.

Lʉkas 19:48

Bé á bé agʉ́ǎ mpʉ bé sâʼ nó yɨ́, ebě, minzɨnzɨ mi bʉ̂r mímyɛ̂h, myé á be lɨ́ ekʉ́ gwá jôʼlo nyê.

Markus 2:2

bʉr ɨ́ buo buo nzě mâʼla tɨ̂ʼ ɨ́ mbɛ̌r wé. Bê nzě kœb ó, yé á bé akǎ be e gúmó étyɛ̂b, damá jóʼo ó, lɨ́ ebê. Nó nyé á nze dwe bé milɛ́ʼlá ɨ́ milɔ̌b mé Nzyɛ̌m.

Mɨlʉmlʉ 10:33

Nó ó mé á kpahwa lómo bʉr ɨ́ sɔ́ɔlʉ gô yɨ́. Go bé ɨ́ kʉ́ gwá sâ, lɨ́ esí bánǎ nze. Bɨ̌h bɨ́bɛ̂h mû ó sí swâl wâʼ báánâʼ ɨ́ míh mé Nzyɛ̌m lɨ́ enzě jóʼǒ sá yɨ́yɛ̂h Dâ Nzyɛ̌m lɛ́ɛ́, go ntáa nzě kala bɨ́h yɨ́.»

Mɨlʉmlʉ 2:42

Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.

Lʉkas 15:1

Onwɨa ó mɔnɨ́ tœ́a bɨ́bɛ̂h le osyɛ̂l o mísyóm, bé á be lɨ́ esîsihlě nkǒ Yésʉs á be yɨ́, lɨ́ etó jôʼlo nyê.

1 Yʉanes 2:21

Mé acɛma bɨ́n ebě bɨ̌n bé lɨ́ ejéʼe ótyeetye. Mě cɛmá bɨ́n ó, ebě, bɨ̌n bɨ́ gʉ́a wê. Bɨ̌n ntémé bé lɨ́ egʉ́a ó, sâ bíbɛr, yé abe e nkul eduho lɨ́ otyeetye.

Mɨlʉmlʉ 13:48

Ɨ́ jɔʼ bʉ̂r o dí abe óYúden bá, bé á jóʼo milɔ̌b myaá yɨ́, bê nzě soho le esêʼlě lɔ́ɔ́ dí edumo e Tî Yésʉs wɨ́. Baá bɨ́bɛ̂h Nzyɛ̌m á boo twâr ó, bé óbǐ twǐʼ njʉ̌m dǐ bá, bé ntɔ̂ʼ bûʼla.

Markus 12:37

«David nyɨɛ á jébe nye ó: “Tî wǎm”. Á bɨ̌n bɨɛ̌ kǎ lɛ́ɛ ó, Mʉ̌r Nzyɛm á lœm múlo nyá, nye ó “Mwân mé David” e nyáa nzɨ́?» Entumo e bʉ̂r, lé á be ó lɨ́ esoho lɨ́ ejóʼǒ lwǐb mé Yésʉs.

Mɨlʉmlʉ 1:15

Ɨ́ tíl mélû yaá mpʉ óbûʼla nter e mekám mébá, bé á syɛŋa yɨ́, Pétrus nzě mɔa sí, tyɛ̂b témé entumo e bʉ̂r énɨ̌ memɛ̌n. Nye ó:

Jacques 1:2

Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 2:1

Bɨ́ɔɔ́ bâm! Okɛ́l bâm! Yé ɨ́ mbɨǎ mpʉ bɨ́n dí edyêʼ koo e Tî gá wɨ́ná Yésʉs-Krîst, waá mɨ́ná dí egúmlo gá nyá yɨ́. Sâ gwár, sá adwáawo bʉ́ʉ́ bʉ̂r mempǒm, pyêh bʉ́ʉ́.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Jacques 3:10

Num ngwár waá, wé lɨ́ epyêl méswomlʉ ndu e syɛá métyéelé. Bɨ́ɔɔ́ bâm! Okɛ́l bâm! Yé ajala le ebe nó.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Jacques 5:12

Bɨ́ɔɔ́ bâm! Okɛ́l bâm! Kʉ́ buú syɛ̂hle gá entaa mínkâl. Akáale, gbâ díé é jʉ́o ɨ́ minkâl. Agbâ díé é sí ɨ́ minkâl. Lɛ́yɨ́ɨ́ gá jɔʼ yɨ́yɛ̂h ó: «Heʼé!» ɨ́ jɔʼ yé dí «Heʼé!» yɨ́, nkʉ̂ ó: «Eee!» ɨ́ jɔʼ yé dí «Eee!» yɨ́, lɨ́ ekpɛ́ɛ ó, bɨ̌n ámû jaá nʉa mébě ɨ́ tíʼá mílɔ̌b mé Nzyɛ̌m.

Jacques 5:19

Bɨ́ɔɔ́ bâm! Okɛ́l bâm! Mʉ̂r ɨ́ sɔ́má yɨ́n sí dû míkóo, bɔ́ʼa le otyeetye, nyʉ́ʉ́ mʉ̂r ntɔ̂ʼ nze e né ɨ́ nzɨ̌ twiʼ nó,