Jacques 1:18 - Kálar Nzyɛ̌m : Ejwán é Sáá

¹⁸ Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Kálara Zyɛ̌m Edwán é mpʉ̌n

¹⁸ Nye mʉr tɨʼ ó b'a bya bɨna ga é zi gwɨma ye. Nye a sa no ó, é jɔʼ nye a lɛʼle bɨna ga lwib ye ndɨ cyecye e, bɨna ntɔʼ buʼla ga ye. Ebe no, é nko paʼ mɨcyea bɨsa bibyɛh, bɨna ga ó ndɨ mpʉ tom nye a pɛʼ é peme ye e.

Jacques 1:18 ပူးပေါင်းရင်းမြစ်များ

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Yʉanes 1:13

Bé á bé atyélɔɔ bwán mé Nzyɛ̌m ɨ́ nkǒ páʼ métié, nkʉ̂ ɨ́ lɔ̌b bígwɨ́má ményʉ́l mɔ́ɔ́, nkʉ̂ ɨ́ lɔ̌b gwɨ́má mʉ̂r. Bé á byɛ̂l ó byɛ́lɨ́ɨ nó, ɨ́ gwɨ́má mé Nzyɛ̌m.

1 Pyɛr 1:3

Mɨná gúmlaa gá waá dí Nzyɛ̌m mé Tî gá wɨ́ná Yésʉs-Krîst, waá dí Sɔ́ŋ wé nyá. Nyɨ́ buú jɨ̂ʼ mɨ́ná gá nkoó, ntɔ̂ʼ dwe mɨ́ná gá nkul ebyɛ̂l jɔʼ mbá, lɨ́ esú ó, mɨná díʼee gá lwɨ́ŋlá e mpûʼla ɨ́ miléme. Mpûʼla nyaá, nyě duhó ó, ɨ́ nkul pɛhá nyé á pɛh Yésʉs-Krîst ɨ́ soo wɨ́.

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.

Éfɛsɔs 1:12

Nye á kpɛl ó, bʉr dwêʼ nye dúu e kûm ɨ́ lɔ̌b syɛ́ɛla nyé á sâ ɨ́ sɔ́má gá yɨ́ná, mɨná gá bɨɛ, bʉr o nyé á nyɛɛ gbâ mpûʼla ɨ́ miléme ɨ́ nzɨ̌ mé Krîst bá yɨ́.

1 Yʉanes 3:9

Mʉr nyɨnyɛ̂h mû sí byɛ̂l ɨ́ nkul mé Nzyɛ̌m nyá, nyé atô dóló le esâ syóm, ebě, twiʼ dí eduho kwá mé Nzyɛ̌m yɨ́, yé ó ɨ́ nye tʉ́ŋlʉ̌. Nyé abe e nkul etô dóló le esâ syóm, ebě, nye á byɛ̂l ó ɨ́ nzɨ̌ twiʼ mé Nzyɛ̌m.

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Jacques 1:21

Pɛʼɛɛ gá mebomo dí ɨ́ sɔ́má yɨ́n má. Bɨ̌n e gwâʼ le esâ ébébe é léme, ntaa sʉ́ŋa. Bɨ̌n e nʉ́á lwǐb mé Nzyɛ̌m e miléme mi dí ɨ́ pyɛɛɛ mí. Lwǐb yé yaá, yé mû ó mbeá tʉ́ŋlʉ̌ milémé mín. Lwǐb yaá ó dí e nkul etíʼ bɨ́n.

1 Korɛnt 4:15

Bɨ̌n damá be le otɨ́a otɔ́ɔ́sin kám ɨ́ twiʼ yɨ́n e Krîst, bɨ̌n bé ó njɨ e sɔ́ŋ ngwár. Mɛm, me ó dí sɔ́ŋ wɨ́n á byâ bɨ̌n nyá. Ɨ́ páʼ twiʼ yɨ́n e Yésʉs-Krîst, me ó b'á byâ bɨ̌n lɨ́ enze le elɛ́ɛ bɨ́n Mbɨambɨa Lɔ́ɔ.

Rôm 4:17

«Me ótyêl gó ntémé sɔ́ŋ bikûl ɨ́ buo buo.» Nye ó sɔ́ŋ gá wɨ́ná, ebě, nye á bě sí dyêʼ koo e Nzyɛ̌m, waá dí epɛh ódwe nyá. Nzyɛ̌m waá ntémé ó dí esâ ó, sá yé á be abe yɨ́, yé díʼee.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

2 Timotɛ 2:15

Léme díʼee go ɨ́ báná báná ó, go ódǐ mbi mʉ̂r Nzyɛ̌m óbóblo, ntɔ̂ʼ bee ó, wé e nyɔm wɨ́. Sáŋáá ó, go díʼee syɛ̂l mesâ dí abi ésɔ́m ɨ́ syɛ́ɛ́ yé nyá. Jɔʼ gó ólwilwib e bʉr ɨ́ sá dí edumo le otyeetye mé Nzyɛ̌m yɨ́, dúʼóó ntɨ̂n. Go e syɛ́hlé mímbóó.

Jacques 1:15

Bigwɨ́má mû lɨ́ etíʼe ɨ́ léme tʉ́ŋlʉ̌ bí, byé súʼlá ó, byâ mwân. Mwân waá, nye ó misyóm mɨ́ná dí esâ gá mí. Jɔʼ mísyóm gá míná, myé óbe, myé mû sí bwaʼ yɨ́, míɛ, myé okǎ byâ wé mwân: eswie.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.