Jacques 1:17 - Kálar Nzyɛ̌m : Ejwán é Sáá

¹⁷ bisá bíbyɛ̂h bi dí ɨ́ mbɨa bí, le mindwéá mi dí ɨ́ pémémé ɨ́ mipáʼ mímyɛ̂h mí, byé duho ó, ɨ́ jʉ́o kʉ́, kwá mé Nzyɛ̌m Sɔ́ŋ. Nzyɛ̌m ó b'á komlo ocwícwén, le dʉ́o ti e l'álomó. Nó ó, nyé abe lɨ́ ecéně mpʉ bísâ byaá dí ecéne bítyé byɔ́ɔ́ yɨ́. Nyé acéně mpʉ dʉ́o, sá dí edíme, kǎ líʼe bʉ̂r ɨ́ pyóo yɨ́.

Kálara Zyɛ̌m Edwán é mpʉ̌n

¹⁷ Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

Jacques 1:17 ပူးပေါင်းရင်းမြစ်များ

Yʉanes 3:27

Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Mataos 7:11

Bím bíbɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n dí ɨ́ jʉ́o kʉ́ nyá! Nye ódwe bʉ̂r o dí egwâm nyé bá, laa náǎ.

Ebrœ̂ 13:8

Mpʉ̌ Yésʉs-Krîst á bě kʉ̌ʼ yɨ́, mpʉ yaá ntémé ó nyé dí mûh. Nye ódi ntémé ó njɨ nó, njʉ̌m dǐ e njʉ̌m dǐ.

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

1 Yʉanes 1:5

Mpáŋla bɨ́h á bi ɨ́ nzɨ̌ mé Yésʉs-Krîst nyɨ́, nye ó nyɨ̂. Nye ó bɨ́h dí eboʼlo bɨ́n ɨ́ báánâʼ nyɨ̂. Nye ó: Nzyɛ̌m ó dí njʉl. Edúrúú, lé abá be ɨ́ nye, damá jóʼo ó, mâ bím twáʼwó.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

1 Korɛnt 4:7

Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

Éfɛsɔs 1:18

Nye bɛ́yɨɨ bɨ̌n mîh me dí ɨ́ milémé mín tʉ́ŋlʉ̌ má, ó bɨ̌n gʉ́ŋaa metʉ́m bʉ̂r ó Nzyɛ̌m á jébe bá, dí ebóno e né má. Bɨ̌n gʉ́ŋaa ntémé kûm nɨ́nɨ́ɨ́ bɨ́n ngá nʉa, jala e nkɔb líʼe nyɨ́n nyɨ́. Nyě komó ékʉ̌m laá ɨ́ buo buo ó, lɨ́ esú lé édwe bʉ̂r bɨ́bɛ̂h o dí egúmo e né bá.

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Mɨngwiha 21:23

Bʉr ó nkana yaá, bé ajɨ mímbah, nkʉ̂ myaá mi dʉ́o, nkʉ̂ myaá mí álomó, ebě, mentyɛnwa mé Nzyɛ̌m, mé lɨ́ epan gʉ̂. Mâ Nteme ó dí eláma ɨ́ nkana yaá.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Mɨngwiha 22:5

Pum, wé ákǎ dwíne gʉ̂. Nó ntémé, meláma ndu e dʉ́o, byé ákǎ jɨŋɔɔ gʉ̂, ebě, Dâ Nzyɛ̌m mʉr tɨ̂ʼ ópǎn myɛ́n. Bé e boo Nzyɛ̌m, bé ójwɨ́ɨ̌ njʉ̌m dǐ e njʉ̌m dǐ.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Jacques 3:15

Ntʉ ócwóó wɨ́n waá dí eduho kwá mé Nzyɛ̌m. Sá ócwóó yaá, yé duho ó ɨ́ sí yɨ̂, ɨ́ bipúno bi bʉ̂r. Yé lɨ́ eduho ntémé kwá sɔ́ŋ meleme.

Filipi 1:29

Nzyɛ̌m á dib bɨ̌n nzɨ̌ ó, bɨ̌n gúmlaa Krîst, abě njɨ ɨ́ jɔʼ bɨ́n dí ebúʼla nyé yɨ́, kʉ́ buú be ntémé, ɨ́ jɔʼ bɨ́n dí esia e mitúú ɨ́ mpúhlá nyɨ́n e nɔ́ɔ́ yɨ́.

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Yʉanes 3:3

Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.