Jacques 1:16 - Kálar Nzyɛ̌m : Ejwán é Sáá

¹⁶ Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Kálara Zyɛ̌m Edwán é mpʉ̌n

¹⁶ Obɨɔ o kpɛl bam aa! Abir ga ó, mʉr gomla bɨn é bebebebe zi.

Jacques 1:16 ပူးပေါင်းရင်းမြစ်များ

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

Galásia 6:7

Mʉ̌r sá ajéʼě sɨ̂: Nzyɛ̌m ápyéhɔɔ! Mpeʼ mbêl pemé dí ebe yɨ́, yé ó ngá sûʼla méde nyé ókpɛm má.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Ebrœ̂ 13:1

Mʉr akâr gá ekpɛla páʼ nyɨ́n, mbǐ kpɛ̌l dí páʼ bɨ́ɔɔ́ e bɨ́ɔɔ́ ɨ́ Krîst wɨ́.

Kolosi 2:4

Mě lwib e bɨ̌n ɨ́ mbi wɨ̂ʼ ó, mʉ̌r sá akʉ́a bɨ́n ɨ́ nzɨ̌ mikóo dí ɨ́ buú kpɛlɔɔ mí.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

2 Timotɛ 2:18

Bɨ́ sâ ébébe énɨ́nɨ́ɨ́. Bé amɛ̂r ótyeetye. Bé lɛ́ɛ́ ó, Nzyɛ̌m, nyɨ́ boó pɛh ódwe kɔ́m. Lɔ́ɔ́ wɔ́ɔ́ waá, wɨ́ dímle bʉ́ʉ́ óbûʼla búʼó yɔ́ɔ́.

Filipi 4:1

Bɨ́ɔɔ́ bâm le okɛ́l bâm mé dí ekpɛl bá, me lɨ́ ebuú gwɨ̂m ébáʼǎ bee bɨ́n. Bɨ̌n ó dí edwe mé bisʉhʉʉ ɨ́ buo buo ɨ́ léme. Bɨ̌n ó ngá sâ ó, Nzyɛ̌m dwêʼ me myɛ́na, mpʉ̌ káráá dúu. Tyɛ́bɨ́ɨ́ gá mekʉ̌ sí ɨ́ sɨ́ŋ ɨ́ nzɨ̌ Tî Yésʉs dí etɨ́e bɨ́n nyɨ́.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

Markus 12:27

Nzyɛ̌m, nyé abe waá odwe. Nye ó Nzyɛ̌m mikublakúbla mi bʉ̂r. Bɨ̌n bê sí buú bɔ́ʼa le otyeetye ɨ́ buo buo!»

Markus 12:24

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m. Bɨ̌n ntémé, bé agʉ́a nkûl nyé.

Mataos 22:29

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m, agʉ́a ntémé nkul nyé.

Mɨlʉmlʉ 1:15

Ɨ́ tíl mélû yaá mpʉ óbûʼla nter e mekám mébá, bé á syɛŋa yɨ́, Pétrus nzě mɔa sí, tyɛ̂b témé entumo e bʉ̂r énɨ̌ memɛ̌n. Nye ó:

Jacques 1:2

Bɨ́ɔɔ́ bâm! Okɛ́l bâm! Jɔʼ bé dí ebóblo bɨ́n mimbi mímyɛ̂h yɨ́, bɨ̌n e gʉ́á ó, yê bɨ̌n ó jɔʼ bísʉhʉʉ.

Jacques 2:1

Bɨ́ɔɔ́ bâm! Okɛ́l bâm! Yé ɨ́ mbɨǎ mpʉ bɨ́n dí edyêʼ koo e Tî gá wɨ́ná Yésʉs-Krîst, waá mɨ́ná dí egúmlo gá nyá yɨ́. Sâ gwár, sá adwáawo bʉ́ʉ́ bʉ̂r mempǒm, pyêh bʉ́ʉ́.

Jacques 2:14

Bɨ́ɔɔ́ bâm! Okɛ́l bâm! Mʉ̂r sí lɛ́ɛ ó, nye lɨ́ edyɛ̂ʼwo e Nzyɛ̌m, nyɨɛ yɨ́ɛ abe e bisyɛ́ɛla bi dí ebɔma e milɔ́ɔ́ myé bí nó, lɛ́á wé waá, wé ópʉgʉ́ be nyé e wáǎ nyɔm? Búʼó yaá, yé ákóʼó tíʼ nyê.

Jacques 3:1

Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Jacques 3:10

Num ngwár waá, wé lɨ́ epyêl méswomlʉ ndu e syɛá métyéelé. Bɨ́ɔɔ́ bâm! Okɛ́l bâm! Yé ajala le ebe nó.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Jacques 5:12

Bɨ́ɔɔ́ bâm! Okɛ́l bâm! Kʉ́ buú syɛ̂hle gá entaa mínkâl. Akáale, gbâ díé é jʉ́o ɨ́ minkâl. Agbâ díé é sí ɨ́ minkâl. Lɛ́yɨ́ɨ́ gá jɔʼ yɨ́yɛ̂h ó: «Heʼé!» ɨ́ jɔʼ yé dí «Heʼé!» yɨ́, nkʉ̂ ó: «Eee!» ɨ́ jɔʼ yé dí «Eee!» yɨ́, lɨ́ ekpɛ́ɛ ó, bɨ̌n ámû jaá nʉa mébě ɨ́ tíʼá mílɔ̌b mé Nzyɛ̌m.

Jacques 5:19

Bɨ́ɔɔ́ bâm! Okɛ́l bâm! Mʉ̂r ɨ́ sɔ́má yɨ́n sí dû míkóo, bɔ́ʼa le otyeetye, nyʉ́ʉ́ mʉ̂r ntɔ̂ʼ nze e né ɨ́ nzɨ̌ twiʼ nó,