Jacques 1:14 - Kálar Nzyɛ̌m : Ejwán é Sáá

¹⁴ Bibébebébe bígwɨ́má bi dí ɨ́ léme bí, byé ó dí etíne mʉ̂r tɨ̂ʼ ó, nye sâʼ ebébe. Byé lɨ́ ekwâb nyê.

Kálara Zyɛ̌m Edwán é mpʉ̌n

¹⁴ Bɨbebebebe bɨgwɨma ndɨ mʉr é leme tʉŋlʉ ɨ, byé ó ndɨ etiŋle mʉr tɨ, le ekwab nye ó, nye saʼ ebebe.

Jacques 1:14 ပူးပေါင်းရင်းမြစ်များ

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Mataos 15:18

Nó sá dí eduho ɨ́ num yɨ́, duho ó ɨ́ lémé mʉ̂r tʉ́ŋlʉ̌. Sâ yaá ó dí esâ ó, mʉr bɔ́ʼaa e Nzyɛ̌m yɨ́.

Ebrœ̂ 3:13

Dyɛ́m bɨ́n dína mûh sɔ́má yɨ́, yé mbɨa ó, bɨ̌n dwîdweelaa melɨ́ páʼ nyɨ́n móhó wɨ́wɛ̂h. Sá tɨ̂ʼ ó mísyóm, myé óbe, alɨl bɨ́n miléme, nkʉ̂ dímle nyʉ́ʉ́ mʉ̂r ɨ́ sɔ́má yɨ́n ɨ́ nzɨ̌ mikóo yɨ́.

Rôm 7:13

Nzê nó, yé lɛ́ɛ́ ó, sá dí ɨ́ buú mbɨa ɨ́ mpʉ métié maá yɨ́, yé á si ntɛŋ eswie ɨ́ me ɛ̌? Heʼé, yé abá be nó. Syóm wé omér, wé ó b'á jaa jʉ̂ me. Syóm waá, wé á si nʉa mpǎŋ mbɨambɨa metié maá, wé ntɔ̂ʼ jʉ̂ mé e tɨ̂. Syɛ́ɛla yaá ó dí elɛ̂ʼle mɨ́ná gá ó, syóm, wê tyeetye ó ambɨǎ sɔ̂ʼ. Syóm, wé á ka sahle ó, nko wé á jʉ̂ mɨná gá e nzɨ̌ metié yɨ́.

Mataos 5:28

Nó mɛ̌m lɛ́ɛ́ bɨ́n ó: mʉrʉ̂m nyɨnyɛ̂h dwɛ́ʼ mʉ́má nye onkán le egwɨ̂m nyé ɨ́ léme tʉ́ŋlʉ̌ nyá, nye mû náǎ ó, sí sâ médyɛ̂n e né ɨ́ lémé wé ó nɨ̌.

Rôm 7:11

Jɔʼ mé á jɨ̂ʼ metié maá yɨ́, syóm, wé á si bee nzɨ̌ ɨ́ me. Wê nzě kʉ́a mé ó, me sâʼ misyóm. Nó ó syóm, wé á ka jʉ̂ me e nzɨ̌ metié yɨ́.

Mataos 15:20

Bisá bîʼ ó dí ebɛ̂ʼ páʼ mʉr, bé e Nzyɛ̌m! Ntʉ̌ lɔ̌b éde apǎ jwɨɨ mébô dí esâ ó, mʉr bɔ́ʼaa e Nzyɛ̌m.»

Mataos 4:1

Sísǐm mé Nzyɛ̌m ntɔ̂ʼ tô e Yésʉs ɨ́ lʉá. Nye á tô e né gʉ̂ʼ ó, sɔ́ŋ meleme tó bóblo nyê.

Jacques 1:13

Jɔʼ mʉ̂r mû lɨ́ ekʉ́ bóblɔɔ yɨ́, nye sá alɛ́ɛ ó, Nzyɛ̌m ô lómó nyé ó, nye sâʼ ebébe. Nzyɛ̌m, nyé abe e nkul ebóblɔɔ ɨ́ nzɨ̌ ebébe. Nye ntémé, nye ábóbló mʉ̂r.

Jacques 1:15

Bigwɨ́má mû lɨ́ etíʼe ɨ́ léme tʉ́ŋlʉ̌ bí, byé súʼlá ó, byâ mwân. Mwân waá, nye ó misyóm mɨ́ná dí esâ gá mí. Jɔʼ mísyóm gá míná, myé óbe, myé mû sí bwaʼ yɨ́, míɛ, myé okǎ byâ wé mwân: eswie.