Jacques 1:10 - Kálar Nzyɛ̌m : Ejwán é Sáá

¹⁰ Nó ó, mɨ́ɔɔ́ gá wɨ́ná dí ɨ́ twíha nyá, nye ɨ́ jala le enkʉ́na ɨ́ dǐ nkóó Nzyɛ̌m á dil nye tɨ̂ʼ yɨ́. Nye ɨ́ jala le egʉ́a ó, nye ólaǎ mpʉ nzɔ́m bilɨ́.

Kálara Zyɛ̌m Edwán é mpʉ̌n

¹⁰ To kœb ó, mbil bɨsa nyɛɛ, nye doʼa e dia mosɔm Zyɛm a dil nye e, ebe, nye ólaa mpʉ fulawa.

Jacques 1:10 ပူးပေါင်းရင်းမြစ်များ

1 Pyɛr 1:24

Yê cɛmá ɨ́ Mekaná mé Nzyɛ̌m ó: «Bʉr bɨ́bɛ̂h, bé ó mpʉ bíká. Okúm le ogbaa wɔ́ɔ́ wɨ́wɛ̂h jaá nwɨnwɨɨla ó njɨ e nzɔ̌m. Ebě, biká, byé lɨ́ edwɛ̂hla; nzɔ̌m swaʼre.

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

1 Timotɛ 6:17

Lɛ́yɨ́ɨ́ óbil o bísâ ɨ́ jɔʼ yɨ̂ʼ ó, bé sá ankɛ́ɛ ményʉ̂l. Bé sá adyɛ̂ʼwo le okúm le ogbaa wɔ́ɔ́, ebě, mbi ókúm wɔ́ɔ́, wé abe lɨ́ ebea. Milémé myɔ́ɔ́, myé lónaa ɨ́ mpûʼla ɨ́ lɔ̌b mé Nzyɛ̌m, nyɨɛ mʉr dí epǎ dwe mɨ́ná gá bisá bíbyɛ̂h ɨ́ ntʉʉʉ́ nyá. Nyě sá nó ó, nye gbâʼ mɨná gá bisʉhʉʉ ɨ́ miléme.

Mataos 5:3

Yésʉs nzě lɛ́ɛ ó: «Metyɛʼ me mpóm, mé díʼee e bʉr o dí egʉ́a ó, misísǐm myɔ́ɔ́, myé dína ó le edyêb ɨ́ páʼ mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

1 Korɛnt 7:31

Bʉr o dí edira mínyɔm lɨ́ ebi bísá bí sí yɨ̂ʼ bá, dǐ mpʉ̌ sá lɛ́ɛ́, bé abá dirǎ nyɔm e bisâ byaá, ebě, sí yɨ̂ʼ mpʉ yé dí yɨ́, yé mû ó kúno elaa.

Jacques 4:14

Bɨ̌n bé agʉ́ǎ mpʉ̌ twiʼ yɨ́n yé óbe ómɛ́n yɨ́, ebě, bɨ̌n bé ó mpʉ̌ dwiné dí enyɨ̂n ɨ́ mâ péh jɔʼ, ntɔ̂ʼ dîm ɨ́ mîh yɨ́.

Mataos 6:30

Nzyɛ̌m pǎ nyɛɛ́ bôr mémpeʼ dí ɨ́ bipemé, ngá guhɔɔ ómɛ́n ɨ́ duró má, á dwɛʼra e bɨ̌n! E yé, yé ósâ ó, nye ayɨ́ bôr bɨ́n, laa náǎ? Á twâʼwǒ búʼó yɨ́n ɛ̂!

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.