Jacques 1:1 - Kálar Nzyɛ̌m : Ejwán é Sáá

¹ Yé ó mɛm Jacques, syɛ̂l mesâ mé Nzyɛ̌m le Tî Yésʉs-Krîst ó dí ecɛma bɨ́n mekaná mâ. Me lɨ́ esoho bɨ́n, bʉr o ménzweh kám e mebá mû mingbɛhá míngbɛhá ɨ́ sí yɨ́yɛ̂h bá.

Kálara Zyɛ̌m Edwán é mpʉ̌n

¹ Jacques, syɛl mosa mo Zyɛm bé e Da Yesʉs-Krɨst ó lé etile bɨn kalara nwa. Me esoho bɨn, bʉr o moveh ewʉm e moba mo Zyɛm, mu si myɛʼa, jala si nwaʼ nyiwɛh ɛ.

Jacques 1:1 ပူးပေါင်းရင်းမြစ်များ

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Yʉanes 7:35

OYúden nzě táare édíila páʼ nyɔ́ɔ́ ó: «Nye ókǎ tô wâʼ wó, mbi dí ó, mɨná bé ákǎ bee gá nye wɨ́? Nzê nye ótô le elɛ̂ʼle óYúden mû mingbɛhá míngbɛhá ɨ́ Grɛ̂s, le elɛ̂ʼle ntémé bʉr o Grɛ̂s ɛ̌?

Mɨlʉmlʉ 8:1

Saʉ̂l nzě kam éswie mé Étiene. Ɨ́ móhó ngwár e ngwár waá, bê nzě nyɛl étíblě Mbɛ̌r-Nzyɛ̌m Yerʉ́zalɛm ɨ́ dwíííá. Obûʼla bɨ́bɛ̂h, pɛ̌ʼ njɨ bʉr o mílʉ́mlʉ́ mé Yésʉs, bê nzě gbɛha ɨ́ mekwár mé sí Yʉ́da ti e maá mé sí Samarî.

Mɨlʉmlʉ 26:7

Menzweh kám e mebá mé kúl gá yɨ́ná, mé lɨ́ egwɨ̂m ébeě mpʉ̌ Nzyɛ̌m ngá lóŋlo nkɛ́ʼ nyaá yɨ́. Bé séá Nzyɛ̌m syɛ́ɛ́ ó, móhó e pum. Njwɨ́ɨbʉr ɛ̌! OYúden, bé jaá pur mé ó, njɨ ɨ́ lɔ̌b mpûʼla dí me ɨ́ léme nyɨ́.

Mɨlʉmlʉ 15:23

Bé á lómo bé ó, bé tôʼ tímle bé mekaná mâ: Yé ó bɨ̌h, bʉr o mílʉ́mlʉ́, otyɛ̂b bé ésôʼ ó Mbɛ̌r-Nzyɛ̌m le bɨ́ɔɔ́ bɨ́n ɨ́ Krîst ó dí ecɛma bɨ́n mekaná mâ. Bɨ̌h cɛmá ó, bʉr ó Antiôs, le baá ó Sirî ti e baá ó Silisía bé á be abyɛ̂l oYúden bá. Bɨ̌h bé lɨ́ esoho bɨ́n!

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

Galásia 2:9

Jacques, bé e Kefâs, ndu e Yʉánɛs, bé ó b'á bu nyɨ̂n ɨ́ mîh ó, bé ó dí «medwii me sɔ́ŋ» ɨ́ Mbɛ̌r-Nzyɛ̌m. Bé á si gʉ́a lɨ́ otyeetye ó, Nzyɛ̌m á si lɛ̂ʼle me mpam nyé. Bé ntɔ̂ʼ bára e bɨ̌h e Banabâs, lɨ́ elɛ̂ʼle ó, bɨ̌h á kʉ be ó, ɨ́ mpúhlá miléme, bɨ̌h le onɔ́ɔ́. Bɨ̌h ntɔ̂ʼ di twíí ó, bɨ̌h bé ótô kwá bʉr o dí abe óYúden bá. Bɨ́ɛ, bé ótô kwá oYúden.

Mɨlʉmlʉ 15:13

Jɔʼ bé á be, bé dína ɨ́ jwɨ́m yɨ́, Jacques ntɔ̂ʼ nʉǎ lwǐb. Nye ó: «Bɨ́ɔɔ́ bâm! Okɛ́l bâm! Jóʼláá gá me!

Rôm 1:1

Yé ó mɛm Pɔ̂l, syɛ̂l mesâ mé Yésʉs-Krîst ó dí ecɛma bɨ́n mekaná mâ. Nzyɛ̌m á twâr me ó, me díʼee mʉr milʉ́mlʉ́ wé. Nye á tyêl me lɨ́ empah ó, me tôʼ le etúnǒ Mbɨambɨa Lɔ́ɔ́ wé.

Mɨlʉmlʉ 21:18

Ɨ́ mɛ́n tɨ̂, bɨ̌h e boo Pɔ̂l, bê nzě tô mbɛ̌r mé Jacques, kœbɔɔ ótyɛ̂b bé ésôʼ ó Mbɛ̌r-Nzyɛ̌m ntémé tɨ̂.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Mataos 19:28

Yésʉs nzě yala e bé ó: «Mě lɛ́ɛ́ bɨ́n lɨ́ otyeetye ó, bɨ̌n, baá o dí edû mé bá, ɨ́ jɔʼ Mwân mé Mʉr ngá di ɨ́ mecwɨ́ɨ́ mé kûm ɨ́ sí dwân yɨ́, bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n kám e mebá. Bɨ̌n bé ótíʼe ménzweh mé Ɨ́zraɛ̂l kám e mebá milɔ̌b.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Galásia 2:12

Ɨ́ metááré, bé e bʉr o bíkúl bíswîh, bé á dɨde mede ó, lɨ́ epûhla mébô gúmo gwár. Píe tɨ̂, Jacques á si lómo bʉr gʉ̂. Jɔʼ bʉ̂r o mílʉ́mlʉ́ bé baá, bé á pyâl yɨ́, Kefâs ntɔ̂ʼ dulo nyʉ̂l, akǎ de e bʉr ó Antiôs bɨ́bɛ̂h gúmo gwár. Yé á pyâl nye nó ó, ɨ́ bʉ́á nyé á jóʼo bʉr o bé á kpɛl ó, obûʼla díʼee tíʼá mpʉ́n bá.

Galásia 1:19

Me á bé abee nyʉ́ʉ́ mʉ̂r milʉ́mlʉ́ swîh. Me á jaa bee ó, njɨ Jacques, waá dí mɨ́ɔɔ́ mé Tî Yésʉs nyá.

Mɨlʉmlʉ 15:21

«Ebě, táare ɨ́ melú mé épíhe, nzě kumǒ kumáa mûh, metié mé Moyɨ̂z, mé lɨ́ eláŋɔɔ ɨ́ binkana bíbyɛ̂h. Mé lɨ́láŋɔ́ɔ́ ɨ́ mempáh mínjɨʼla ó, ɨ́ mimóhó mí sábat mímyɛ̂h.»

Mɨlʉmlʉ 1:13

Jɔʼ bé á pyâl gʉ̂ʼ yɨ́, bê nzě bére ɨ́ ntɔ́ɔ tólóm mbɛ̌r bé á boo didi tɨ̂ʼ nyɨ́. Bé á be ó: Pétrus, Yʉánɛs, Jacques ti e André, Philippe ti e Thomas, Barthélemy ti e Matthieu, Jacques, mwân mé Alfê, Simon “Kɔmlʉ kwár” ti e Yʉ̂d, mwân mé Jacques.

Mataos 13:55

Ntʉ mwân mé kábína nyâʼ ǎ? Ntʉ̌ Maria dí nyɔ̌ŋ ɨ́? Jacques, Yóseb, Simon, bé e Yʉ̂d, bé abe bɨ́ɔɔ́ bé?

Mɨlʉmlʉ 12:17

Nye nzě peble bé mbô. Jɔʼ bɨ́bɛ̂h bé á be, bé mû ɨ́ puuu yɨ́, nye ntɔ̂ʼ lɛ́ɛ̌ mpʉ Dâ Nzyɛ̌m á pɛʼ nye ɨ́ mbʉʼ yɨ́. Nye ó: «Tó lɛ́ɛ gá Jacques, bé e bɨ́ɔɔ́ gá bɨ́ná nó.» Nye nzě mɔa, tô ɨ́ yʉ́ʉ́ gúmo.

Mɨngwiha 7:4

Píe tɨ̂, me á si bee bím bʉ̂r o b'á gbáŋɔɔ bijwɨʼ byaá bá. Bé á be ó otɔ́ɔ́sin nter le otɔ́ɔ́sin mekám ménâ le otɔ́ɔ́sin onâ (144.000). Bʉr o b'á gbáŋɔɔ bijwɨʼ byaá bá, bé á duho ó, ɨ́ mempóʼo mé Ɨ́zraɛ̂l mɨ́mɛ̂h:

Mɨlʉmlʉ 2:5

Tɨ̂ʼ Yerʉ́zalɛm, yé á be ó le oYúden bé á be otîtyěl o bʉ̂r bá. Bé á byɛ̂l ó, ɨ́ bikúl bíbyɛ̂h bi dí ɨ́ sí yɨ̂ʼ bí.

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

2 Timotɛ 4:21

Gbáʼ nkûl ó, go pyálaa wâ, kóló dína apǎ pyâl. Ebulus, Púdens, Línɔs, Klodía, bé e bɨ́ɔɔ́ bɨ́ná bɨ́bɛ̂h, bé lɨ́ esoho gô.

Mɨlʉmlʉ 23:26

Yé ó mɛm, Klodíʉs Lisías. Mě cɛmá ó, tî ngóvina Félix. Me lɨ́ esoho gô!

Lʉkas 6:15

Matthieu, Thomas, Jacques, mwân mé Alfê, Simon, mʉr á jébɔɔ ó, “kɔmlʉ sí” nyá,

Markus 3:18

Nye á twâr ntémé ó André, Philippe, Barthélemy, Matthieu, Thomas, Jacques (mwân mé Alfê), Tadê, Simon “Kɔmlʉ kwár”,