Filipi 4:9 - Kálar Nzyɛ̌m : Ejwán é Sáá

⁹ Gwá baʼle gá milɔ̌b mímyɛ̂h bɨ́n á jɨ̂ʼ ɨ́ me le ekam mí. Lɔ́ɔ́ wɨ́wɛ̂h bɨ́n á jóʼo me lɨ́ elɛ́ɛ, le sá yɨ́yɛ̂h bɨ́n á bee me lɨ́ esâ yɨ́, baʼlaa gá byê. Nzyɛ̌m, mʉr dí egbâ mɨ́ná gá mepyɛbla ɨ́ miléme nyá, ódi ɨ́ bɨ̌n.

Kálara Zyɛ̌m Edwán é mpʉ̌n

⁹ Duʼo ga sikʉlʉ bɨn bé a jwɨʼ boo me e. Duʼo ga mɨlɔb mimyɛh bɨn bé a joʼo me lé elɛɛ, myaa bɨn mu lé emɛʼle e. Ebò e cyen bɨn bé a bee me lé ekœʼ œ, kœʼœ ga le. Zyɛm, waa lé egba bɨna ga motala é mɨleme e, nye ódi é bɨn.

Filipi 4:9 ပူးပေါင်းရင်းမြစ်များ

Jacques 1:22

Sá Nzyɛ̌m mû lɨ́ elɛ́ɛ bɨ́n yɨ́, bɨ̌n e sá yé mejóʼo. Ayɨ́ jóʼo gá njɨ e megwǎl. Bɨ́n jóʼó njɨ e megwǎl nó, lɛ́ɛ́, bɨ̌n kʉ́á ó bɨ̌n bʉr o tɨ̂.

Filipi 3:17

Bɨ́ɔɔ́ bâm! Okɛ́l bâm! Baŋaa gá me, bɨ̌n óbɛ̂h. Mɨ́ dwe bɨ́n mveʼle. Nó ó, bɨʼɨɨ gá míh mɨ́n ɨ́ bʉr o dí etiʼě mpʉ̌ mveʼle yaá dí yɨ́ bá. Bɨ̌n e dú bê.

2 Pyɛr 1:10

Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

Yʉanes 13:17

Ɨ́ báánâ, bɨ̌n bɨ́ gʉ́a bísɨ́ǎ byaá. Bɨ́n ósâ byé nó, bɨ̌n bé óbe ó mbɨ̂mbɨá.»

Filipi 4:7

Nzyɛ̌m óbaʼle mílémé mín ti e misísǐm mín ó e nzɨ̌ mepyɛbla mé. Milémé mín lónaa ɨ́ mepyɛbla ɨ́ mpúhlá nyɨ́n e Yésʉs-Krîst, ebě, mepyɛbla mé Nzyɛ̌m dí entaa ócwóó wɨ́wɛ̂h má, mé óbaʼle mílémé mín ti e misísǐm mín ɨ́ Yésʉs-Krîst.

Rôm 16:20

Nzyɛ̌m, mʉr dí egbâ bʉ̂r mepyɛbla ɨ́ miléme nyá, nye ó waá mû kúno etyéelě Sátan sí ɨ́ mebo mɨ́n nyá. Metyɛʼ me mpóm mé Tî gá wɨ́ná Yésʉs, mé díʼee e bɨ̌n.

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

Lʉkas 6:46

«Bɨ̌n bé lɨ́ ejébe mé “Dâ, Dâ”, bɨ̌n yɨ́ɛ akpɛl esâ mpʉ mé dí elɛ́ɛ bɨ́n ɨ́ yé?

Mataos 28:20

Bɨ̌n a lɛ́ʼlé bê, ó bé bâʼlaa bisá bíbyɛ̂h mé á boo lɛ́ɛ bɨ̌n bí. Gʉ́ŋáá gá ó: me ódi e bɨ̌n melú mɨ́mɛ̂h, tó pyâl pyáláa ɨ́ jɔʼ mpóʼo sí yɨ̂ʼ ósíe yɨ́.»

Mataos 7:21

«Ntʉ mʉ̂r nyɨnyɛ̂h ngá lɛ́ɛ ó: “Dâ ɔ́, Dâ ɔ́!” nyá, ngá nî ɨ́ Mpóʼo mé Dâ Nzyɛ̌m, njɨ waá nyɨnyɛ̂h dí esâ gwɨ́má mé Sɔ́ŋ wǎm dí ɨ́ jʉ́o kʉ́ nyá.

2 Tesalonika 3:4

Mɨ́ dyɛ̂ʼwo e Tî Yésʉs ɨ́ lɔ̌b wɨ́n, ebě, sá mé á tɨ́e bɨ̌n yɨ́, yé ó sá bɨ́n dí esɨsâ yɨ́. Yé ntémé, yé ó sá bɨ́n ngá tô le esɨsâ dóló yɨ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Rôm 15:33

Nzyɛ̌m dí egbâ mɨ́ná gá mepyɛbla ɨ́ miléme nyá, nye díʼee e bɨ̌n óbɛ̂h. Amɛn.

Yʉanes 2:5

Nó ó nyɔ́ŋ á nze lɛ́ɛ le osyɛ̂l o mésâ ó: «Sáʼ gá sá yɨ́yɛ̂h nyé ólɛ́ɛ bɨ́n yɨ́.»

Lʉkas 8:21

Yésʉs ntɔ̂ʼ lɛ́ɛ e bʉr bɨ́bɛ̂h ó: «Nyɔ̌ŋ wǎm, bɨ́ɔɔ́ bâm le okɛ́l bâm, bé ó baá o dí ejóʼǒ lɔ́ɔ́ mé Nzyɛ̌m, le esâ wé mejóʼo bá.»

1 Tesalonika 2:14

Bɨ́ɔɔ́ bâm! Okɛ́l bâm! Bʉr ó Mbɛ̌r-Nzyɛ̌m dí ɨ́ sí Yʉ́da bá, bé á si bee mitúú. Bɨ̌n ntémé mû ó lɨ́ esia e mitúú mímpwár myaá. Bɨ̌n le onɔ́ɔ́ mû ó lɨ́ ekʉ́ nwɨɨla ɨ́ pâʼ waá, ebě, bʉr ó kúl bʉ̂r yɨ́n, bɨ́ tíble bɨ́n mpʉ óYúden dí eboó titíble bɨ́ɔɔ́ bɔ́ɔ́ bé á bûʼla Yésʉs bá.

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

Mɨlʉmlʉ 9:6

Nó ó, gbɔlwaa sí. Go e ní ɨ́ nkana. Bé ólɛ́ɛ gó sá gó jálá le esâ gʉ̂ʼ yɨ́.»

2 Timotɛ 4:22

Tî Yésʉs díʼee e go ɨ́ sísǐm. Nzyɛ̌m sʉ́ʼoo bɨ̌n metyɛʼ me mpóm.

1 Korɛnt 14:33

Ebě, Nzyɛ̌m á bé ajébe mʉ̂r ó, nye tíʼaa tʉ́ŋlʉ̌ oleŋéleŋé. Nye á jébe nye ó, nye tíʼaa ɨ́ mepyɛbla.

Yʉanes 15:14

Bɨ́n ódû étié mê líʼé bɨ́n e lǎ lɨ̂ʼ nó, bɨ̌n bé óbe ó osó bâm.

1 Yʉanes 3:22

Mɨná bé óbi gá ntémé sá yɨ́yɛ̂h mɨ́ná ógwâm gá nye yɨ́, ebě, mɨná bé lɨ́ ebaʼle métié mé, le esâ bísyɛ́ɛla nyé dí ebee mbɨ̂mbɨá bí.

Mataos 1:23

“Bíŋ éséhe, yé ónʉa ébum, byâ mâ mʉrʉ̂m. Bé ójwɨr nyé ó Emmanuel.” (Nó yé páʼlɔ́ɔ́ ó: “Mɨná gá e boo Nzyɛ̌m ó mû.”)

1 Korɛnt 4:16

Nó ó, me lɨ́ ejɨʼla e bɨ̌n ó, bɨ̌n báŋaa me.