Filipi 4:8 - Kálar Nzyɛ̌m : Ejwán é Sáá

⁸ Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó nɛ́ɛ: pahlaa gá bisá bímpâ ndu e byaá bi dí e medile bí. Pahlaa gá bisâ bi dí tyeetye bí. Pahlaa gá bidimé bísɔ̂ʼ, le byaá bi dí tîtyěl bí. Pahlaa gá bisâ bi dí ɨ́ púpúpú le ebuú kpɛlɔɔ bí. Pahlaa gá milɔ̌b bʉ̂r dí egúmlo mí.

Kálara Zyɛ̌m Edwán é mpʉ̌n

⁸ Obɨɔ ga bam aa! Sa me óka tile bɨn é l'epihe e, yé ó nɛɛ: pahla ga bɨsa ndɨ cyecye e ndwe e byaa bɨ duu, bɨsa ndɨ cɨcyel ɨ. Pahla ga bɨsa ndɨ é pememe le ebul kpɛlɔ ɛ. Pahla ga mɨlɔb bʉr lé ebul mɛʼle e, le bɨsa ndɨ é mbɨa le egumlɔ ɛ.

Filipi 4:8 ပူးပေါင်းရင်းမြစ်များ

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Títos 2:7

Kʉ̌ tyen gô, wé díʼee mbɨ̂mbɨá ɨ́ mipáʼ mímyɛ̂h, lwɨ́ŋlá e bisyɛ́ɛla bimpâ. Dwéʼ bʉ̂r milɛ́ʼlá e léme dí abě mbáʼrá e mikóo wɨ́. Bé béyɨɨ go ntémé e medile.

2 Korɛnt 8:21

Bɨ̌h bé lɨ́ egwɨ̂m ésâ sá dí ɨ́ mbɨa yɨ́. Abě njɨ ɨ́ míh mé Tî Yésʉs mé omér, ɨ́ maá me bʉ̂r ntémé.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

1 Pyɛr 2:12

Diʼee gá e kʉ̌ tyen mpâ témé ohááden. Bé damá swêʼ bɨ́n, nkʉ̂ lɛ́ɛ ó, bɨ̌n bé ɨ́ bébe, bé óbánǎ bee bísyɛ́ɛla bimpâ bɨ́n dí esâ bí, ntɔ̂ʼ dwě Nzyɛ̌m kûm tɨ̂ʼ ɨ́ móhó nyé ónze mɨ́ná gá ɨ́ menɔɔlʉ wɨ́.

Ebrœ̂ 13:18

Sáʼ gá sɨ́n ɨ́ minjɨʼla ɨ́ lɔ̌b wɨ́h. Ɨ́ wɨ́h pâʼ, bɨ̌h bé lɨ́ egʉ́a ó, bɨ̌h dú ó, kʉ̌ tyen dí tîtyěl wɨ́. Bɨ̌h bé lɨ́ ekʉ́ gʉ́a ntémé ó, mipahlá mílémé míh, myé ó njɨ myaá mi dí ɨ́ pyɛɛɛ mí.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

Éfɛsɔs 5:9

Mě lɛ́ɛ́ nó ó, ebě, bʉr o dí ɨ́ myɛ́n bá bɨɛ, bé lɨ́ egúmo mímbi mi mpúmó mímyɛ̂h: membɨa, otîtyěl, le otyeetye.

Títos 1:8

Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Títos 3:14

Yé jɨ ó, bʉr o dí ɨ́ páʼ gá wɨ́ná bá, bé jɨ́ʼɨɨ elóŋlo bísyɛ́ɛla bimpâ. Nó yaá ó bɨ́n ngá gwá súʼo báántéʼenteʼe ompâ yɨ́. Mʉ̌r sá abîr ó, nye tíʼaa ɨ́ sí yɨ̂ʼ, agúmo mpúmó.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.

Jacques 1:27

Mpǎŋ búʼó ɨ́ míh mé Nzyɛ̌m Sɔ́ŋ ɨ́ pémémé, yé ó nɛ́ɛ: mʉr tôʼ bwá bé ónyʉ̌l ɨ́ menɔɔlʉ. Nye súʼaa ntémé mikúho mi dí esia e mitúú mí. Nye díʼee e ncɛrá le bisá bí sí yɨ̂, lɨ́ esú ó, byé ayɨ́ kala nyé bilœ̌ʼ byɔ́ɔ́.

1 Yʉanes 3:18

Bwán bâm, yé ajala ó, kpɛ̌l gá yɨ́ná, yé nyɨ́nɨɨ njɨ ɨ́ mekǎn mɨ́ná dí elɛ́ɛla gá má. Yé ɨ́ jala le enyɨ̂n ó, ɨ́ bisyɛ́ɛla mɨ́ná dí esâ gá lɨ́ otyeetye bí.

Títos 2:2

Lɛ́yɨ́ɨ́ ótɔ́má ó bʉ̂r ó Mbɛ̌r-Nzyɛ̌m ó: bé ajala le ede ményoʼ, puro. Bé dwêʼ menyʉ́l mɔ́ɔ́ medile, le etíʼě mpʉ bʉ̂r o dí epahle bá jálá le esâ yɨ́. Sá bé dí ebúʼla yɨ́, yé díʼee mpʉ mɨ́ná dí elɛ̂ʼle gá yɨ́. Bé díʼee bʉr o dí ecwɨ́a e bʉ́ʉ́ bʉ̂r bá. Bé dûhwaa ntémé mitúú.

2 Korɛnt 13:7

Nó ó, bɨ̌h jɨjɨʼlá e Nzyɛ̌m ó, bɨ̌n sá asâ tɔʼ e syɛ́ɛla ébébe egwár. Mé abuú gwɨ̂m ó, bʉr béyɨɨ ó, bɨ̌h bɨɛ, bé ó obûʼla ompâ. Mě jaá gwɨ̂m ó, njɨ bɨ̌n sâʼ bisyɛ́ɛla bimpâ, damá jóʼo ó, bé lɨ́ ebee bɨ́h nyɨɛ ó, bɨ̌h bé ó bʉr o míkóo.

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

1 Pyɛr 4:8

Sá ésôʼ, yé jala ó, bɨ̌n kpɛ́laa páʼ nyɨ́n kpɛ̌l ápurapúra, ebě, kpɛ̌l ó dí edímle mébébe ɨ́ buo buo.

Rôm 13:3

Baá dí esâ émbɨa bá, bé abe e bʉ́á ɨ́ miléme lɨ́ etyɛ̂b ɨ́ mempǒm mé ójwɨ́ɨ. Tó kœb ó, bʉr o dí esâ ébébe bá, bé ó dí e bʉ́á nyaá ɨ́ milémé myɔ́ɔ́. Nzê gǒ gwɨ́m ó, mipahlá mí lémé myô, myé díʼee ɨ́ pyɛɛɛ jɔʼ yɨ́yɛ̂h ɨ́ míh mé ójwɨ́ɨ baá ɛ̌? Sáʼ émbɨa bé, bé nkʉ̂ sêʼle gô!

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

Rôm 2:29

Mpǎŋ Yúden, nye ó waá dí ɨ́ léme tʉ́ŋlʉ̌ nyá. Mpǎŋ tíʼá mpʉ́n, wé ó waá Sísǐm mé Nzyɛ̌m dí etíʼe ɨ́ lémé mʉ̂r wɨ́. Wé atíʼɔɔ ɨ́ lɔ̌b métié mé Moyɨ̂z. Mʉr dí e tíʼá mpʉ́n waá nyá, ntʉ bʉ̂r ngá gúmlo nyê. Kûm nyé, nye óduho ó kwá mé Nzyɛ̌m.

1 Timotɛ 2:2

Jɨʼlaa ntémé lɨ́ esú lé ójwɨ́ɨ, ndu e baá bɨ́bɛ̂h dí e nkul jwɨ́ɨ bá. Sá tɨ̂ʼ ó mɨ́ná ódû gá kʉ̌ tyen dí abe e ntɨ́ʼá wɨ́, le edi ntémé ɨ́ puuu yɨ́. Ɨ́ bicwiʼ gá bíná, mɨná bé ódwáawǒ Nzyɛ̌m le edwe ményʉ́l mɨ́ná medile.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

Éfɛsɔs 6:14

Nó, tyɛ́bɨ́ɨ́ gá ɨ́ tyé dɔ̂m, mekʉá ɨ́ binyâ. Bɨ̌n a dí le otyeetye. Wé óbe bɨ́n ó mpʉ káná dɔm, dí yémlá ɨ́ sɨ́ŋ lɨ́ odyɛ́m nyá. Diʼee gá ntémé otîtyěl o bʉ̂r. Otîtyěl waá, wé díʼee bɨ̌n mpʉ mímbór bínkóho bé dí ebwâr, myaá dí ekamle e bɨr mí.

1 Tesalonika 4:12

Dúʼóó gá kʉ̌ tyen mpâ bʉ̂r o dí ejéʼě Nzyɛ̌m bá, bé óbee mbɨ̂mbɨá wɨ́. Mʉ̌r sá abóno nkɔ́m ɨ́ ti ti ti.

Éfɛsɔs 4:25

Nó ó, mʉr, nyé ajala le ekǎ lɛ́ɛ mɨ́ɔɔ́ wé mʉr bibɛr. Nye lɛ́yɨɨ nye sɔ̂ʼ njɨ otyeetye, ebě, mɨná gá bé mû ó bitíl bí nyʉ̂l mpwár.

2 Korɛnt 6:8

ɨ́ jɔʼ bé dí edwe bɨ́h kûm nkʉ̂ sâ bɨ́h pyêh yɨ́, ɨ́ jɔʼ bé dí eswêʼ míé mɨ́h nkʉ̂ gúmlo bɨ́h yɨ́, ɨ́ jɔʼ bé dí eláa ó, bɨ̌h bé ó bʉr o dí edímle bʉ̂r e nzɨ̌ mikóo, bɨ̌h bɨɛ yɨ́ɛ olɛ́a bé ótyeetye bá yɨ́,

Mɨlʉmlʉ 10:22

Bé ntɔ̂ʼ yala ó: «Kapitɛ̂n Corneille ô lómó bɨ́h. Nye ó tîtyěl mʉr, dí ebuú dwáawǒ Nzyɛ̌m nyá. OYúden bɨ́bɛ̂h, bé lɨ́ esêʼle nyê. Nyʉ́ʉ́ éngeles dí ti nyá, á tɨ́e nye ó, nye báŋlaa go, go tô pyâl kwá nyé, nye jôʼlaa sá gó ngá lɛ́ɛ nyé yɨ́.»

Yʉanes 7:18

Mʉr dí elwib e nkul nyé mʉr tɨ̂ʼ nyá, sáá ó kûm nyé. Nó ó, mʉr dí esáa ébeʼ kûm lɨ́ esú é mʉ̂r á ntɨh nye nyá, lɛ́ɛ́ ó otyeetye. Syɛ́ɛla dí ɨ́ bébe ɨ́ míh mé Nzyɛ̌m yɨ́, yé anyɨ̂n ɨ́ kʉ̌ tyen wé.

Lʉkas 2:25

Ɨ́ Yerʉ́zalɛm, yé á be ó e nyʉ́ʉ́ mʉ̂r, díé lé Siméon. Nye á be ó tîtyěl mʉr le ebuú dwáawǒ Nzyɛ̌m. Nye á didi ó, lɨ́ ebóno mʉ̂r ngá báʼǎ gbâ bʉ̂r o b'Ɨ́zraɛ̂l nkul ɨ́ miléme nyá. Sísǐm mé Nzyɛ̌m, wé á be ó e né.

Markus 6:20

Ebě, Erôd á be ó lɨ́ ekpɛ́ɛ̌ Yʉánɛs. Nye á be lɨ́ egʉ́a ɨ́ páʼ mé Yʉánɛs ó, nye ó ti, nye ntémé tîtyěl mʉr ɨ́ míh mé Nzyɛ̌m. Nó ó nyé á kɨkamle e twiʼ yé yɨ́. Jɔʼ nyé á jóʼo nye lɨ́ elwib yɨ́, lwǐb yaá, yé á be ɨ́ buú séa nyé ɨ́ léme. Nye á bɨbe ó lɨ́ ekpɛl éjôʼlo nyê.

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Mɨlʉmlʉ 22:12

«Nyʉ́ʉ́ mʉ̂r á be ó gʉ̂, díé lé Ananías. Nye nzě bee mê. Nye á be lɨ́ edwáawǒ Nzyɛ̌m le egwá baʼle métié gá mɨ́ná. OYúden bé á bě Damâs bá, bé á be lɨ́ ebuú sêʼle nyê.

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

1 Timotɛ 5:2

Tɨ́e ntémé otɔ́má bʉ́bá mpʉ ónyʉ̌ŋ. Tɨ́e méséhé mé bʉ́bá ntémé mpʉ ókɛ́l bô, lɨ́ edwe nyʉ̂l nyǒ medile ɨ́ míh mé Nzyɛ̌m.

Lʉkas 23:50

Nó ó, tɨ̂ʼ ɨ́ sɔ́má yaá, yé á be ó e nyʉ́ʉ́ mʉ̂r, díé lé Yóseb. Nye á be ó mʉr Arimatê, nkana óYúden. Nye á be ó tîtyěl mʉr lɨ́ esɨsâ bʉ̂r bisyɛ́ɛla bimpâ. Nye á be lɨ́ ejóʼǒ dwéh ébeě Nzyɛ̌m lɨ́ etyêl Mpóʼo nyé ɨ́ píʼi. Nye ntémé á be ó mʉr ngwár ɨ́ mpáh milɔ̌b oYúden. Sâ gwár, nye á bé akǎm sá bʉ́ʉ́ bé á tíʼe le esâ yɨ́.

1 Timotɛ 3:4

Tyɛ̂b esôʼ Mbɛ̌r-Nzyɛ̌m mbɨa ó, di mʉ̂r dí egwá jwɨ́ɨ̌ mbɛ̌r bʉ̂r wé nyá. Bwán bé, bé ɨ́ jala le esâ nyé mejóʼo, lɨ́ elɛ̂ʼlě mpʉ bé jálá le edwe ményʉ̂l medile yɨ́.

Mɨlʉmlʉ 6:3

Nó, bɨ́ɔɔ́ ɛ́, pɛ́hɛ́ɛ́ gá bʉr nzaangbá ɨ́ sɔ́má yɨ́n, baá o mû sí gʉ́ŋɔɔ ó, bé ó lwɨ́ŋlá e Sísǐm mé Nzyɛ̌m, lwɨ́ŋlá ntémé le ocwóó bá. Bé ó bɨ́h ngá tímlě syɛ́ɛ́ yaá.

Mataos 22:16

Bé ntɔ̂ʼ lómo bʉ́ʉ́ ómpʉ́n bɔ́ɔ́ nko nyé á be yɨ́, bé e bʉ́ʉ́ bʉ̂r o nkɔ́m mé Erôd. Nó ó bé á lɛ́ɛ e né ó: «Lɛ̂ʼla, bɨ̌h bɨ́ gʉ́a ó, gǒ lɛ́ɛ́ ó, otyeetye. Go ntémé, gǒ lɛ́ʼlé bɨ́h ó, nzɨ̌ mé Nzyɛ̌m lɨ́ otyeetye. Go ntémé, gó abe lɨ́ edwáawo bʉ̂r mempǒm.

Ebrœ̂ 11:2

Nzyɛ̌m á sêʼle bʉr o mélú mé épíhe ó, ɨ́ lɔ̌b búʼó yɔ́ɔ́.

1 Timotɛ 3:11

Bʉbá bɔ́ɔ́ ntémé, bé ɨ́ jala le edwe ményʉ́l mɔ́ɔ́ medile, abe lɨ́ eswêʼ míé mé bʉ́ʉ́ bʉ̂r. Bé ajala le ede ményoʼ, sahle. Bé ɨ́ jala le ebe ó, bʉr o bé ébûʼlɔɔ ɨ́ mipáʼ mímyɛ̂h.

2 Korɛnt 8:18

Bɨ̌h lómló bɨ́n nyǎ ó, bé e nyʉ́ʉ́ mʉ̂r. Bʉr ó Mbɛ̌r-Nzyɛ̌m bɨ́bɛ̂h, bé lɨ́ esêʼle nyê, ebě, nye lɨ́ elɛ́ɛ bʉ̂r Mbɨambɨa Lɔ́ɔ.

2 Pyɛr 3:1

Bʉr o mé dí ekpɛl bá, mekaná membá mé mû sí cɛma bɨ́n má ó mâ. Mě cɛmá bɨ́n ó, me jɨ́mɨɨ bɨ̌n bitɔŋlá, bɨ̌n nkʉ̂ pahle byé e miléme mi dí abe e mikóo mí.

Rôm 14:18

Ebě, mʉr dí eséǎ Yésʉs-Krîst syɛ́ɛ́ ɨ́ mbi waá nyá, Nzyɛ̌m, nye lɨ́ ebee nyé mbɨ̂mbɨá. Bʉr ntémé kam nyê.