Filipi 4:7 - Kálar Nzyɛ̌m : Ejwán é Sáá

⁷ Nzyɛ̌m óbaʼle mílémé mín ti e misísǐm mín ó e nzɨ̌ mepyɛbla mé. Milémé mín lónaa ɨ́ mepyɛbla ɨ́ mpúhlá nyɨ́n e Yésʉs-Krîst, ebě, mepyɛbla mé Nzyɛ̌m dí entaa ócwóó wɨ́wɛ̂h má, mé óbaʼle mílémé mín ti e misísǐm mín ɨ́ Yésʉs-Krîst.

Kálara Zyɛ̌m Edwán é mpʉ̌n

⁷ Zyɛm óbaʼle mɨleme min ndwe e mɨsisim min ó, é zi motala me. Mɨleme min loŋla e motala ebe zyɛŋa win boo Yesʉs-Krɨst, ebe, motala mo Zyɛm lé entaa ocyoo wiwɛh ɛ, mé óbaʼle mɨleme min ndwe e mɨsisim min é zyɛŋa win boo Yesʉs-Krɨst.

Filipi 4:7 ပူးပေါင်းရင်းမြစ်များ

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

2 Tesalonika 3:16

Nó ó, Tî gá wɨ́ná, mʉr dí egbâ mɨ́ná gá mepyɛbla ɨ́ miléme nyá, nye gbâʼ bɨ̌n mepyɛbla ɨ́ miléme ɨ́ bijɔʼ bíbyɛ̂h, le menzɨ̌ mɨ́mɛ̂h. Tî gá wɨ́ná díʼee e bɨ̌n óbɛ̂h.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Rôm 8:6

Yé bé njwɨr myâ gá wɨ́ná, wé lɨ́ epalwo mʉ̂r ɨ́ léme nó, eswie ó ngá jala e mʉr waá. Ɨ́ jɔ̌ʼ Sísǐm mé Nzyɛ̌m dí edi mʉ̂r ɨ́ léme yɨ́, mʉr waá óbǐ mpǎŋ twiʼ. Lémé wé, wé ólóno ɨ́ mepyɛbla.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Éfɛsɔs 3:19

Mě jɨʼlá ntémé e Nzyɛ̌m ó, bɨ̌n gʉ́ŋaa mpwaʼ kpɛ̌l mé Krîst dí elaǎ sá yɨ́yɛ̂h mɨ́ná dí e nkul egʉ́a gá yɨ́, tó pyâl ɨ́ jɔ̌ʼ Nzyɛ̌m óbe, nye mû sí lóŋlo bɨ́n e sá nyé mʉr tɨ̂ʼ dí lwɨ́ŋlá e yé yɨ́.

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

Mɨngwiha 1:4

Yé ó mɛm Yʉánɛs ó dí ecɛma bɨ́n mekaná mâʼ nyá, bʉr ó Mbɛ̌r-Nzyɛ̌m dí ɨ́ binkana nzaangbá bi dí ɨ́ sí Azía bí. Nzyɛ̌m sʉ́ʼoo bɨ̌n metyɛʼ me mpóm le egbâ mépyɛbla ɨ́ milémé mín. Mé díʼee e bɨ̌n, duho e waá á boo be nyá. Nye ntémé ó dína. Nye ntémé ónze. Mé díʼee e bɨ̌n ntémé, duho e misísǐm nzaangbá dí ɨ́ mpǒm mecwɨ́ɨ́ mé jwɨ́ɨ́ mé Nzyɛ̌m mí.

Lʉkas 1:79

Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

2 Korɛnt 13:11

Nó ó, bɨ́ɔɔ́ bâm le okɛ́l bâm ɛ̌! Mě lɛ́ɛ́ ó, diʼee gá mbɨ̂mbɨá. Tiʼaa gá lɨ́ otîtyěl. Jóʼáá gá melɨ́ mâm. Tʉtoŋlaa gá sâ gwár. Tiʼaa gá ɨ́ mepyɛbla. Nó ó Nzyɛ̌m dí egbâ mɨ́ná gá mpam ti e mepyɛbla byé nyá, ódi e bɨ̌n yɨ́.

Lʉkas 2:14

«Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Filipi 4:9

Gwá baʼle gá milɔ̌b mímyɛ̂h bɨ́n á jɨ̂ʼ ɨ́ me le ekam mí. Lɔ́ɔ́ wɨ́wɛ̂h bɨ́n á jóʼo me lɨ́ elɛ́ɛ, le sá yɨ́yɛ̂h bɨ́n á bee me lɨ́ esâ yɨ́, baʼlaa gá byê. Nzyɛ̌m, mʉr dí egbâ mɨ́ná gá mepyɛbla ɨ́ miléme nyá, ódi ɨ́ bɨ̌n.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Yʉ̂d 1:1

Yé ó mɛm Yʉ̂d, syɛ̂l mesâ mé Yésʉs-Krîst, mɨ́ɔɔ́ mé Jacques ó dí ecɛma bɨ́n mekaná mâ. Mě cɛmá ó, bɨ̌n bʉr ó Nzyɛ̌m Sɔ́ŋ á kpɛl, baá nyé á jébe le ebaʼle mbɨ̂mbɨá ɨ́ nzɨ̌ mé Yésʉs-Krîst bá.

Filipi 1:2

Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

2 Korɛnt 10:5

Sá yɨ́yɛ̂h dí ebɨ̂r lʉ̂, kamle bʉ̂r lɨ́ egʉ́ǎ Nzyɛ̌m yɨ́, mɨná bé lɨ́ enkɛŋ gá yé sí. Mɨná lwímlá gá ó, mɨná dwírɨɨ gá sá yɨ́yɛ̂h bʉ̂r dí ejwɨʼ ɨ́ milémé myɔ́ɔ́ yɨ́, yé díʼee yaá dí esâ Krîst mejóʼo yɨ́.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filipi 4:19

Nó ó, Nzyɛ̌m wǎm, nye ólóŋlo bɨ́n bisá bɨ́n dí esáa bí, dwe bɨ́n byǎ ɨ́ buo buo, lɨ́ edû mpwâʼ okúm wé. Nye ósâ nó lɨ́ esú lɨ́n, bʉr o dí ɨ́ mpúhlá e Yésʉs-Krîst bá.

Filipi 4:21

Sohaa gá me mʉr nyɨnyɛ̂h dí egúmo e Yésʉs-Krîst, waá á pûhla e né nyá. Bɨ́ɔɔ́ bâm le okɛ́l bâm bɨ́bɛ̂h bɨ́h le onɔ́ɔ́ dí wâʼ bá, bé lɨ́ esoho bɨ́n.