Filipi 4:4 - Kálar Nzyɛ̌m : Ejwán é Sáá

⁴ Diʼee gá jɔʼ yɨ́yɛ̂h ɨ́ bisʉhʉʉ ɨ́ mpúhlá nyɨ́n e Tî Yésʉs. Me lɨ́ ebáʼǎ lɛ́ɛ ó, sohaa gâ.

Kálara Zyɛ̌m Edwán é mpʉ̌n

⁴ Diʼe ga jɔʼ yiyɛh e bɨsʉhʉ ebe zyɛŋa win boo Da Yesʉs. Me ebâʼle lɛɛ ó, soha ga.

Filipi 4:4 ပူးပေါင်းရင်းမြစ်များ

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Mɨlʉmlʉ 16:25

Kúnókúno e témé pum nɛ́ɛ: Pɔ̂l, bé e Silâs nzě jɨʼla e Nzyɛ̌m, le edyɛɛ méjéme lɨ́ esú lé égúmlǒ Nzyɛ̌m. Myúú mímbʉʼ, myé á be ó lɨ́ ejôʼlo bê.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Galásia 1:8

Bɨ́h bʉr o tɨ̂, nkʉ̂ éngeles duho ɨ́ jʉ́o kʉ́, nzé túno bɨ́n «mbɨambɨa lɔ́ɔ», syɛ́ɛla e waá bɨ́h á túno bɨ̌n wɨ́ nó, Nzyɛ̌m syɛm mʉ̂r waá!

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

Filipi 2:18

Jwɨʼ gwár e gwár yaá ntémé e bɨ̌n, bɨ̌n bé lɨ́ esoho e me ɨ́ jɔʼ mé ndɨ́ ɨ́ bisʉhʉʉ yɨ́.