Filipi 4:17 - Kálar Nzyɛ̌m : Ejwán é Sáá

¹⁷ Mé apʉgʉ́ buú gwɨ̂m ndwéá wɨ́n, wé mʉr tɨ̂. Mě jaá gwɨ̂m ó, njɨ bɨ̌n díraa nyɔm, ɨ́ melû me dí enze má, ɨ́ lɔ̌b sá bɨ́n ngá dwe mé yɨ́.

Kálara Zyɛ̌m Edwán é mpʉ̌n

¹⁷ Me agwɨm ba ndwɛa win, wé mʉr tɨ. Me ekʉ ka gwɨm ó njɨ Zyɛm niʼa bɨn bɨbaa bɨ embɨa é lɔb sa bɨn bé ódwe-dwe me e.

Filipi 4:17 ပူးပေါင်းရင်းမြစ်များ

Títos 3:14

Yé jɨ ó, bʉr o dí ɨ́ páʼ gá wɨ́ná bá, bé jɨ́ʼɨɨ elóŋlo bísyɛ́ɛla bimpâ. Nó yaá ó bɨ́n ngá gwá súʼo báántéʼenteʼe ompâ yɨ́. Mʉ̌r sá abîr ó, nye tíʼaa ɨ́ sí yɨ̂ʼ, agúmo mpúmó.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Yʉanes 15:8

Sɔ́ŋ wǎm ónʉa kûm ó, ɨ́ jɔʼ bɨ́n ngá gúmo mpúmó menkû menkû, le edi ómpʉ́n bâm yɨ́.

1 Pyɛr 5:2

Baʼlaa gá daa e bínteme mé Nzyɛ̌m nyé á tímle bɨ̌n lɨ́. Kʉ́ gwá pála gá Mbɛ̌r-Nzyɛ̌m, abe yɨ́ɛ mpʉ̌ sá lɛ́ɛ́, bɨ̌n bé ó lɨ́ bi ó, bɨ̌n séaa syɛ́ɛ́ yaá. Kamaa gá syɛ́ɛ́ mpɔ̂ʼlʉ yɨ́n ɨ́ lɔ̌b gwɨ́má mílémé mín. Séáá gá nó e jwɨʼ ó, bɨ̌n séá ó Nzyɛ̌m syɛ́ɛ́. Mʉ̌r sá abaʼlě Mbɛ̌r-Nzyɛ̌m lɨ́ esú lé élóŋlo bígwɨ́má bímɔnɨ́ ɨ́ menzɨ̌ me dí onzyɛ́h ónzyɛ́h má. Nye sâʼ nó ɨ́ gwɨ́má lémé wé.

Títos 1:7

Yé ó nó: yé jɨ ó, mʉr dí epála bʉ̂r ó Mbɛ̌r-Nzyɛ̌m nyá, díʼee waá dí apǎ dweŋɔɔ mébě nyá, ebě, nye ó syɛ̂l mesá mé Nzyɛ̌m. Nyé ajala le esâ pyêh, nkʉ̂ di ɨ́ ŋmaaa, abě nyʉnyóʼ, nkʉ̂ mʉr esweha, nkʉ̂ waá dí esáa bímɔnɨ́ ɨ́ menzɨ̌ me dí onzyɛ́h ónzyɛ́h má nyá.

Filipi 4:11

Mé lwíb nó wá, yé alɛ̂ʼle ó, me lɨ́ egwɨ̂m sɔ̂ʼ, ebě, mɨ́ boó jɨ̂ʼ ó, me sóhaa sá mé dí e yé yɨ́.

1 Tesalonika 2:5

Gʉ́ŋáá gá ntémé ó, bɨ̌h bé á bé abe lɨ́ esêʼle bɨ́n. Bɨ̌h bé á bé asâ míkóo ɨ́ nyɔm énʉa bísá bín. Nzyɛ̌m, nye me ó mboʼlo!

2 Korɛnt 9:5

Nó, me á be ó lɨ́ bi ó, me lɛ́yɨɨ bʉ́ʉ́ bɨ́ɔɔ́ gá bɨ́ná ó, bé sámlaa, tô gʉ̂ʼ kwá nyɨ́n. Mě kpɛl ó, bɨ̌n bâʼlaa nkɛ̌ʼ bɨ́n á nyɛɛ dwe nyɨ́, ó bɨ̌n bé ósâ míndwéá mí mɔnɨ́. Bimɔnɨ́ byaá, byé díʼee komá lɨ́ ekʉ̌m. Sâ yaá, yé ólɛ̂ʼle ɨ́ jɔʼ yaá ó, bɨ̌n gbá míndwéá myaá ó, ɨ́ mpyaʼá, abe ɨ́ tíná bʉ̂r o bígwɨ́má.

Rôm 15:28

Nó ɨ́ jɔʼ mé óbe, me mû sí tô bé e mingúlá myaá, le egʉ́a ó, bɨ́ bi myé yɨ́, mé obúla, tô Panyá, cɨɨ gʉ̂ʼ kwá nyɨ́n yɨ́.

Yʉanes 15:16

Ntʉ bɨ́n á pɛ̂h me. Mɛm ó b'á twâr bɨ̌n. Me ó b'á lómo bɨ̌n ó, bɨ̌n tôʼ, tó gúmo mpúmó. Mpumó nyaá ódǐ njʉ̌m dǐ e njʉ̌m dǐ. Nó ó Sɔ́ŋ wǎm ngá dwe bɨ́n sá yɨ́yɛ̂h bɨ́n ngá gwâm, lɨ́ ejɨʼla e né, pɨr e díé lâm yɨ́.

2 Korɛnt 11:16

Me lɨ́ ebáʼǎ lɛ́ɛ ó, mʉ̌r sá ajwɨʼ ó, me ó gʉʼlʉgʉ́! Bɨ́n páhlé mé ɨ́ mbi waá nó, nʉaa gá me bé mpʉ bɨ́n nʉ́nʉ́á bígʉʼlʉgʉ́ yɨ́. Nó yaá ó bɨ́n ódwe mé jɔʼ dí ó, me nkʉ́naa ɨ́ mɛm mʉr tɨ̂ʼ yɨ́!

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

Filipi 1:11

Nó ó bɨ́n ngá di ótîtyěl o bʉ̂r lɨ́ edû kʉ̌ tyen mpâ ɨ́ mpúhlá nyɨ́n e Yésʉs-Krîst yɨ́. Bʉr, bé óbuú dwě Nzyɛ̌m kûm le esêʼle nyé ɨ́ lɔ̌b wɨ́n.

2 Pyɛr 2:15

Bé á si líʼe tîtyěl nzɨ̌, nzě dyɛ̂l ɨ́ nzɨ̌ swîh, ntɔ̂ʼ dîm lɨ́ edû nzɨ́ mé Balâm, mwân mé Bosɔ̂r. Nye ó b'á be lɨ́ ebuú soho ɨ́ jɔʼ nyé á bi myɛ́na píe l'ebébe yɨ́.

1 Timotɛ 6:10

Ebě, enkpɔɔ é mɔnɨ́, lé ó etín é bísá bí ébébe bíbyɛ̂h. Tó kœb ó, bʉ́ʉ́ bʉ̂r ó sɔ́má gá yɨ́ná, bé á be ɨ́ nyɛɛ́ bûʼlǎ Nzyɛ̌m, bé ntɔ̂ʼ kǎ lʉ́ŋa ɨ́ bɨ́ bígwɨ́má. Bɨ́ dîm. Bé mû ó sí dyɛ̂l ɨ́ nzɨ̌ swîh. Nó ɨ́ báánâ, bɨ́haá, bé mû ó sí dulo mítúú ɨ́ buo buo ɨ́ menyʉ́l mɔ́ɔ́.