Filipi 4:15 - Kálar Nzyɛ̌m : Ejwán é Sáá

¹⁵ Bɨ̌n bʉr ó Fílipi, bɨ̌n bʉr o tɨ̂, bɨ̌n bé lɨ́ egʉ́a ɨ́ jɔʼ mé á duhǒ sí Masedónia, lɨ́ etáare étó túnǒ Mbɨambɨa Lɔ́ɔ yɨ́, bɨ̌n ó b'á be Mbɛ̌r-Nzyɛ̌m ngwár wé á susúʼo me wɨ́. Bɨ̌n omér ó b'á soho ɨ́ jɔʼ mé á bee embɨa yɨ́, nkʉ̂ súʼo mê ɨ́ jɔʼ mé á bɔma le ebébe yɨ́.

Kálara Zyɛ̌m Edwán é mpʉ̌n

¹⁵ Bɨn bʉr o Filipi, bɨn bé egʉa é jɔʼ me a mʉa é Masedwan, lé etaare to lɛɛ Mbɨambɨa Lɔɔ ɛ, bɨn ó b'a be mbɛr Zyɛm ngwar wé a fuʼo me e.

Filipi 4:15 ပူးပေါင်းရင်းမြစ်များ

Filipi 1:5

Ebě, mpʉ bɨ́n á syɛŋa mebô e me yɨ́, yé á be ɨ́ mbɨa. Bɨ̌n bé á si bâʼra e me lɨ́ etúnǒ Mbɨambɨa Lɔ́ɔ, táare ɨ́ dʉ́ó lé ésôʼ, kumo mûh.

Mɨlʉmlʉ 16:40

Jɔ̌ʼ Pɔ̂l, bé e Silâs, bé á pʉʼa ɨ́ mbʉʼ yɨ́, bê nzě tô mbɛ̌r mé Lidía. Jɔʼ bé á sil ebee bɨ́ɔɔ́ bɨ́ná, le egbâ bé pîm ɨ́ miléme yɨ́, bê nzě mɔa tɨ̂, tóŋɔɔ.

Rôm 15:26

ebě, obûʼla ó sí Masedónia ndu e yaá Akayɨ̂, bé á tíʼe ɨ́ miléme ó, bé syɛŋ ó, mingúlá lɨ́ esú lé óbûʼla ó Yerʉ́zalɛm dí lɨ́ entéʼe bá.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Filipi 1:12

Nó ó, bɨ́ɔɔ́ bâm, mě gwɨ́m ó, bɨ̌n gʉ́ŋaa ó, sá yé á pyâl me yɨ́, yé ó b'á tíne Mbɨambɨa Lɔ́ɔ ó, wé báʼa myaŋla.

Filipi 1:16

Bé sá nó ó, ɨ́ lɔ̌b kpɛ̌l bé dí ekpɛl mé yɨ́, lɨ́ egʉ́a ó, Nzyɛ̌m á dil me wâʼ ó, me nkʉ̂ kamle e Mbɨambɨa Lɔ́ɔ.

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.