Filipi 4:12 - Kálar Nzyɛ̌m : Ejwán é Sáá

¹² Me lɨ́ egʉ́a étiʼe lɨ́ edyêb. Me lɨ́ egʉ́a étiʼe ɨ́ twíha ntémé. Me á si jɨ̂ʼ lɨ́ edǐ mbɨ̂mbɨá ɨ́ bityé bíbyɛ̂h, ɨ́ diá yɨ́yɛ̂h mé dí edi yɨ́. Mě damá be e mede, nkʉ̂ ntémé di ɨ́ nza, mě damá bi bísâ ɨ́ buo buo, nkʉ̂ ntémé di le edyêb, me yɨ́ɛ ó mbɨ̂mbɨá.

Kálara Zyɛ̌m Edwán é mpʉ̌n

¹² Me egʉa edi é l'enteʼe. Me egʉa edi é twiha bɨsa nteme. Me a si jwɨʼ edi mbɨmbɨa é bɨcye bibyɛh, é dia yiyɛh me lé edi ɨ. Me dam díle, me dam ja za, me dam bi twiha mobi, me dam be é sɔɔlʉ mobi, me yɛɛ ó mbɨmbɨa.

Filipi 4:12 ပူးပေါင်းရင်းမြစ်များ

Mataos 11:29

Níʼéé gá ɨ́ jwɨ́ɨ́ yâm. Bɨ̌n a jóʼló métwɨ́ɨ́ mâm, ebě, me ɨ́ talǎ njwɨr le embɨa é léme. Bɨ̌n nkʉ̂ bi égbalá.

2 Korɛnt 11:27

Me á si sia e túú bísyɛ́ɛ́, le mekɔbla. Me á si di doho nzɔʼ nzɔʼ. Me á si di ɨ́ nza ndu e dwéh médíbé. Me á si ti mede nzɔʼ nzɔʼ lɨ́ ejɨʼla e Nzyɛ̌m. Me á si jóʼo ejwóo, le edǐ suswáh.

2 Korɛnt 11:9

Ɨ́ jɔʼ mé á be kwá nyɨ́n ɨ́ sɔ́ɔlʉ̌ mɔnɨ́ yɨ́, me á bé agbâ nyʉ́ʉ́ mʉ̂r túú waá ɨ́ nyʉ̂l, ebě, bɨ́ɔɔ́ bâm bé á duhǒ sí Masedónia bá, bé á si nze me e mingúlá, lɨ́ edwe mé sá yɨ́yɛ̂h yé á sâ me sɔ́ɔlʉ yɨ́. Nó ó e menzɨ̌ mɨ́mɛ̂h, me á si baʼle me mʉr tɨ̂, agbâ bɨ́n túú ɨ́ nyʉ̂l. Me ótô dóló le ebaʼle mé mʉr tɨ̂ʼ nó.

2 Korɛnt 11:7

Me á si lɛ́ɛ bɨ̌n Mbɨambɨa Lɔ́ɔ́ mé Nzyɛ̌m, anʉa myɛ́na. Ɨ́ mpʉ mé á sâ nó yɨ́, me á si jɔr nyʉ̂l nyǎm, le ebɨ̂n bɨ́n kʉ́. Nzê syɛ́ɛla yaá, yé á be syóm mé á sâ wɨ́ ɛ́?

2 Korɛnt 10:10

Ebě, bé lɨ́lɛ́ɛ́ ó: «Jɔ̌ʼ Pɔ̂l dí ecɛma bɨ́h mekaná yɨ́, nyě cɨcɛma ó, milɔ̌b mi dí ɨ́ kɔbla lɨ́ ejóʼo mí. Nyě cɛmá mɨ́ná gá ó e lémé ébɨ̌h. Tó kœb ó, ɨ́ jɔʼ nyé dí ɨ́ sɔ́má gá yɨ́ná yɨ́, nye ó mpʉ̌ tyɛʼbol; lwǐb yé ntémé, lwǐb épyéhɔɔ.»

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»