Filipi 4:11 - Kálar Nzyɛ̌m : Ejwán é Sáá

¹¹ Mé lwíb nó wá, yé alɛ̂ʼle ó, me lɨ́ egwɨ̂m sɔ̂ʼ, ebě, mɨ́ boó jɨ̂ʼ ó, me sóhaa sá mé dí e yé yɨ́.

Kálara Zyɛ̌m Edwán é mpʉ̌n

¹¹ ǃMe si lwib no nɛʼɛ, yé alɛɛ ó, me ó é sɔɔlʉ bɨsɔʼɔ, ebe, mɨ bɛa jwɨʼ ó, me soha sa me ndɨ e ye e.

Filipi 4:11 ပူးပေါင်းရင်းမြစ်များ

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

2 Korɛnt 9:8

Nzyɛ̌m, nyě e nkul esʉ bɨ́n metyɛʼ me mpóm mimbi mímyɛ̂h ó, bɨ̌n bíʼee ɨ́ jɔʼ yɨ́yɛ̂h sá yɨ́yɛ̂h dí bɨ̌n ɨ́ sɔ́ɔlʉ yɨ́. Nó ó bɨ́n ngá be ɨ́ tɨʼlɨ lɨ́ esú ó, bɨ̌n nʉ́aa nkɔb ɨ́ bisyɛ́ɛ́ bí émbɨa mimbi mímyɛ̂h yɨ́.

2 Korɛnt 6:10

ɨ́ jɔʼ bé dí egbâ bɨ́h ebúʼ ɨ́ miléme, bɨ̌h bɨɛ yɨ́ɛ bʉr o dí esoho ɨ́ jɔʼ yɨ́yɛ̂h bá yɨ́, ɨ́ jɔʼ bɨ́h dí lɨ́ edyêb, bɨ̌h bɨɛ lɨ́ edwe bʉ̂r ɨ́ buo buo okúm le ogbaa yɨ́, ɨ́ jɔʼ bɨ́h dí abe e sɔ̂ʼ, bɨ̌h bɨɛ yɨ́ɛ e sá yɨ́yɛ̂h yɨ́.

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Ebrœ̂ 10:34

Bɨ̌n e mimbʉʼ bé á si sia e mitúú mímpwár. Jɔʼ bʉ̂r bé á dɛn mebi mɨ́n yɨ́, bɨ̌n bé á si bîr byé e bisʉhʉʉ, ebě, bɨ̌n bé á be ɨ́ kʉ́ gʉ́a ó, bɨ̌n bé óbánǎ bi bídimé bísâ. Bisâ byaá, byé ɨ́ buú mbɨa, laa byaá bé á nyɛɛ dɛn bí. Byé ntémé, byé ó bisá bi dí edi bí.

2 Korɛnt 11:27

Me á si sia e túú bísyɛ́ɛ́, le mekɔbla. Me á si di doho nzɔʼ nzɔʼ. Me á si di ɨ́ nza ndu e dwéh médíbé. Me á si ti mede nzɔʼ nzɔʼ lɨ́ ejɨʼla e Nzyɛ̌m. Me á si jóʼo ejwóo, le edǐ suswáh.

Lʉkas 3:14

Bisója ntémé nzě dî e né ó: «Bɨ̌h bɨɛ ntémé, bé ɨ́ jala le esâ nyá?» Nye ó: «Ayɨ́ nʉa gá mɔnɨ́ e nkul, nkʉ̂ e nzɨ̌ bilɛ̌ʼ. Bónáá gá enʉǎ bím myɛ́na bé á be ó, bé ójána bɨ́n má.»