Filipi 3:6 - Kálar Nzyɛ̌m : Ejwán é Sáá

⁶ Me á si bu tíble Mbɛ̌r-Nzyɛ̌m. Ɨ́ nkǒ páʼ métié, me á be ó tîtyěl mʉr, abe le etié egwár lé á mɛ̂r me.

Kálara Zyɛ̌m Edwán é mpʉ̌n

⁶ Me a si bul laŋle tíile bʉr o Mbɛr-Zyɛm. É nko paʼ motie, me a si kœʼ mbɨambɨa ebò e cyen, alɨŋa ba.

Filipi 3:6 ပူးပေါင်းရင်းမြစ်များ

Mɨlʉmlʉ 8:3

Saʉ̂l nyɨɛ nzě gbâ nkûl lɨ́ egbǎh Mbɛ̌r-Nzyɛ̌m. Nye á tʉtô nó ó, mímbɛ̌r e mímbɛ̌r myɛ̂h, lɨ́ etô le edulo bʉ́bá le bʉrʉ̂m o b'á bûʼla bá bɨ́bɛ̂h, gbâ bé ɨ́ mbʉʼ.

Mataos 5:20

Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

1 Korɛnt 15:9

Ɨ́ sɔ́má bʉ̂r o mílʉ́mlʉ́ tʉ́ŋlʉ̌, mɛm ó dí mʉr epíhe. Lɨ́ otyeetye, mé ajala le ejébɔɔ «mʉ̂r milʉ́mlʉ́,» ebě, me á si tíble Mbɛ̌r-Nzyɛ̌m.

Rôm 7:9

Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Mɨlʉmlʉ 26:5

Bé lɨ́ eboó gʉ́a mé mbɨ̂mbɨá. Bé kpɛ̂l nɛ́ɛ: bé e nkul eboʼlo ó, me á si tiʼe mpʉ óFarizyɛ̂n dí etiʼe yɨ́. Nkɔ̌m nyaá ó dí edû búʼó gá yɨ́ná ɨ́ dwííí.

Mɨlʉmlʉ 21:20

Jɔʼ bé á sil ejôʼlo sá nyé á lɛ́ɛ bé yɨ́, bé ntɔ̂ʼ gúmlǒ Nzyɛ̌m. Bê nzě lɛ́ɛ e Pɔ̂l ó: «Mɨ́ɔɔ́ wɨ́h ɛ́, go mʉr tɨ̂, gʉ́ beě bím ótɔ́ɔ́sin bé óYúden mû sí dyɛ̂ʼwo e Yésʉs-Krîst yɨ́. Bɨ́bɛ̂h ntémé, bé lɨ́ egbâ nkûl ɨ́ dwííí lɨ́ ebaʼle métié mé Moyɨ̂z.

Lʉkas 1:6

Bɨ́bɛ̂h obá, bé á be ó otîtyěl o bʉ̂r ɨ́ míh mé Nzyɛ̌m, lɨ́ ebaʼle métié ndu e mempéné mé Nzyɛ̌m. Kʉ̌ tyen wɔ́ɔ́, abɨm ébɔ̌ʼ.

Mataos 23:25

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ esohlo bísʉ́á le bikɔ̂b nko míkoo. Tó kœb ó, bɨ̌n bí kaale bísʉ́á byaá e bisá bɨ́n á pa dɛn bí, mpʉ bɨ́n dí, agʉ́a émâr míléme yɨ́.

Mɨlʉmlʉ 22:5

Njwɨ́ɨ mpáh Nzyɛ̌m, ndu e sɔ́má ótɔ́má bʉ̂r, bé e nkul eboʼlo ó, sá mé dí elɛ́ɛ yɨ́, yé ó tyeetye. Bé á si cɛma me mekaná, ntɔ̂ʼ tímle mé mǎ ó, me tô dwe bɨ́ɔɔ́ gá bɨ́ná, oYúden dí ɨ́ Damâs bá. Jwɨʼ yâm, yé á be ó, me tô mɛ̂r óbûʼla bé á be gʉ̂ʼ bá, búla e bé mikɛ́ʼá, tô e bé Yerʉ́zalɛm lɨ́ esú ó, bé dwéŋɔɔ bintɨ́ʼá.»

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

Filipi 2:15

Sá tɨ̂ʼ ó bɨ́n óbe, abe e mebě yɨ́. Bɨ̌n bé óbe ó e miléme ɨ́ sɔ́ɔ́ɔ́, kwahaá bwán mé Nzyɛ̌m. Bɨ̌n bé ábe e sá ébébe bé ónwâhle bɨ́n e tɨ̂. Témé memɔ́ʼ mé ónzyɛ́h ó bʉ̂r o b'á dîm bá, bɨ̌n bé óbuú pǎn myɛ́n mpʉ ócwícwén ɨ́ jʉ́o kʉ́.