Filipi 3:19 - Kálar Nzyɛ̌m : Ejwán é Sáá

¹⁹ Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

Kálara Zyɛ̌m Edwán é mpʉ̌n

¹⁹ Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

Filipi 3:19 ပူးပေါင်းရင်းမြစ်များ

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Kolosi 3:2

Bisyɛ́ɛla bi dí epálwo bɨ́n ɨ́ miléme bí, byé díʼee njɨ byaá bí jʉ́o kʉ́, abe byaá bí sí yɨ̂.

2 Pyɛr 2:1

Bibɨ́bla bí ógwíha o mílɔ̌b, byé á si pyâl ɨ́ mimbú mí píhe kwá bʉr o mé Nzyɛ̌m. Jwɨʼ gwár e gwár yaá ó, bíbɨ́bla bí ólɛ̂ʼla ngá báʼǎ nî ɨ́ sɔ́má yɨ́n yɨ́. Milɛ́ʼlá bé ódwe mí, myé ódulo mpɔ́ʼá menkɔ̌m ɨ́ bɨ̌n, le edímle bʉ́ʉ́ bʉ̂r. Byé óbánǎ kɛ́la Tyɛ̂b esôʼ gá wɨ́ná á táa mebyaʼ mɔ́ɔ́ nyá. Byé ódulo ébébe ɨ́ menyʉ́l mɔ́ɔ́. Lé ópyâl bé ó, metwɨrâ, ntɔ̂ʼ dímle byê.

2 Korɛnt 11:15

Nó, yé abě mpǎŋ sá ékâm ó, osyɛ̂l o mésá bé, bé nyɨ́nɨɨ ó, bé ó osyɛ̂l o mésâ o dí otîtyěl o bʉ̂r bá. Ndumló wɔ́ɔ́, wé ódû ó mpʉ bísyɛ́ɛla byɔ́ɔ́, byé á be yɨ́.

2 Korɛnt 11:12

Syɛ́ɛla mé dí esâ bɨ́n yɨ̂, me ótô dóló le esâ yê, lɨ́ esú lé ékamle bʉ̂r o kpɛ́l épyâl kwá nyɨ́n e meswɨ̂ʼlʉ mɔ́ɔ́ bá. Bé gwɨ́m ó, bɨ̌h le onɔ́ɔ́, bé díʼee jwɨʼ gwár ɨ́ nkǒ páʼ sá bé dí enkʉ́na tɨ̂ʼ yɨ́.

2 Pyɛr 2:13

Bé óbi myɛ́na mé ébébe bé á pa sâ bʉr lɨ́. Bé mɨmɛɛla ó, lɨ́ edi ɨ́ twiʼ mépwaʼ témé móhó. Jɔʼ bé dí esyɛŋa e bɨ̌n lɨ́ ede yɨ́, nkʉ̂ bɨ̌n nwɨɨla ó e nyʉ̂l, bé ó dí mebar me nyʉ̂l nyaá. Bé lɨ́ esahle lɨ́ ede, lɨ́ edû bígwɨ́má byɔ́ɔ́. Byé lɨ́ edímle bé ɨ́ nzɨ̌ mikóo myɔ́ɔ́.

Galásia 6:13

Tɔʼ e mʉr ngwár dí ebaʼle métié mé Moyɨ̂z. Damá jóʼǒ baá o dí etíne bɨ́n ó, bɨ̌n tíʼɔɔ mpʉ́n bá, bé bʉr o tɨ̂ʼ ntémé, bé abaʼle mê. Bé kpɛl yɨ́ɛ ó, bɨ̌n tíʼɔɔ mpʉ́n. Nó ó, bé ónkʉ́na ɨ́ bibam byé ólîʼ ɨ́ bipúnó bín bí.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

1 Korɛnt 3:3

ebě, bɨ̌n tiʼe ó mpʉ bʉ̂r ó sí yɨ̂. Bɨ̌n bé lɨ́ esâ nzwíí le egœ́a páʼ nyɨ́n. Nzê bɨ̌n bé abee náǎ ó, bɨ̌n dína ó, lɨ́ ekʉ́ tiʼě mpʉ bʉ̂r ó sí yɨ̂ʼ ɛ̌? Bɨ̌n bé lɨ́ ekʉ́ dû kʉ̌ tyen bʉ̂r ó sí yɨ̂!

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

1 Timotɛ 6:5

Bisyɛ́ɛla byaá, byé duduho ó, lɨ́ ekpaa lé laá. Nyě sɨ́sá bísyɛ́ɛla byaá ó, bé e bʉr o dí e bibol mípahlá, baá o dí agʉ́a ótyeetye bá. Nyě jaá gʉ́a ó, njɨ edwě Nzyɛ̌m kûm, lé ó gúú mbi nzɨ́ esáa bímɔnɨ́.

2 Tesalonika 2:12

Nó ó, bʉr o dí ebene ótyeetye, jaá kpɨkpɛ̌l njɨ bisyɛ́ɛla bi dí egbah métié bí bá, bɨ́bɛ̂h, bé ónʉa mébě tɨ̂.

Filipi 2:21

Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

1 Korɛnt 5:6

Yé ambɨa ɨ́ jɔʼ bɨ́n dí enkʉ́na ɨ́ lɔ̌b wɨ́n, bɨ̌n bʉr o tɨ̂ʼ yɨ́, ebě, kɨkɛna lɛ́ɛ́ ó: «Levwîr damá twâʼwo, yé óbánǎ sâ ó, blêr yɨ́yɛ̂h, yé nkáŋlaa.»

1 Korɛnt 5:2

Bɨ̌n ntémé bé ɨ́ buo élɛ́ɛ e nyʉ̂l! Yé á gwa mbɨa ɨ́ páʼ wɨ́n ó, mpa milémé mín, myé á si lóno lɨ́ ebúʼ. Waá á sâ syɛ́ɛla yaá nyá, soʼ gá nye ɨ́ sɔ́má yɨ́n.

Mɨngwiha 19:20

Tír waá ndu e ngwíha milɔ̌b bibɛr wé, bé ntɔ̂ʼ mɛ́rɔɔ. Ngwíha milɔ̌b bibɛr wé ó b'á sɨsâ mesimá ɨ́ mpǒm me tír waá. Nó nyé á didímle bʉr. Sâ yaá ó bé á cɨcɛma jwɨʼ yé ɨ́ menyʉ́l mɔ́ɔ́ yɨ́. Bé á be ó sí dwě kpɛʼkpɛ̂ʼ mveʼle yé kûm. Jɔʼ tír waá, bé e ngwíha milɔ̌b bibɛr wé bé á mɛ́rɔɔ yɨ́, bé á si guhɔɔ ntémé ɨ́ bɨ́ siʼe, mikublakúbla. Siʼe e pir ó dí edúo tɨ̂ jɔʼ yɨ́yɛ̂h yɨ́.

Jacques 4:16

Sâ gwár, bɨ̌n mû ó lɨ́ esâ énkɛ́ɛ e nyʉ̂l ɨ́ jɔʼ bɨ́n sá jáálé nó yɨ́. Gʉ́ŋáá gá ó, mbǐ nkɛ́á nyʉ̂l wɨ́wɛ̂h, wé ɨ́ bébe.

2 Tesalonika 2:8

Jɔʼ yaá ó nyɨ́ɛ, mʉr dí egbah metié mé Nzyɛ̌m nyá, ókǎ nyɨ̂n ɨ́ kpɛŋlɛm yɨ́, Tî Yésʉs, nyé okǎ jʉ̂ nyé e ngúl num wé. Nye óteʼle mʉ̂r waá ó, ɨ́ nzéá nyé ónze wɨ́.

Lʉkas 18:4

Nye á si nyɛɛ bene. Sâ gwár, nye á ka lɛ́ɛ ɨ́ lémé wé ó: “Damá jóʼǒ mpʉ mé dí adwáawǒ Nzyɛ̌m, nkʉ̂ dwe mʉ̂r dúu yɨ́,

Lʉkas 16:19

«Yé á be ó e nyʉ́ʉ́ mʉ̂r á be e bisâ ɨ́ buo buo nyá. Melú mɨ́mɛ̂h, nye á bwâr ó, mikán myé á be ɨ́ lele tâŋ mí. Nye á titiʼe dʉ́ó lɨ́lɛ̂h ó ɨ́ mepwaʼ.

Lʉkas 12:19

Jɔʼ yaá ó mé ólɛ́ɛ e lémé wâm ó: Lémé wâm, gó e mebi lwɨ́ŋlá. Mé ójala e go tâŋ mimbû ɨ́ buo buo. Gbalaa ɨ́ jɔʼ yɨ̂. Déʼ méde ndu e menyoʼ. Soháa.”

Mataos 25:41

«Píe tɨ̂, nye ólɛ́ɛ e baá o dí nye ɨ́ páʼ mbó émyɛ̌l ó: “Pʉʼaa gá gúmó mé dí yɨ́, bʉr ó Nzyɛ̌m á boo syɛm bá. Tóʼ gá ɨ́ siʼe dí edúǒ kɔ́m ti e kɔ́m yɨ́, siʼě Nzyɛ̌m á boo tira lɨ́ esú mé sɔ́ŋ meleme, bé e beéngeles bé yɨ́.

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

Mɨngwiha 18:7

Ɨ́ mpʉ nyé á lɨlɛ́ɛ njɨ ó, nyě e kûm, ó nyě tíʼé ó, ɨ́ mepwaʼ yɨ́, bé dwêʼ nye bintɨ́ʼá, dû bím yaá, ebě, nye á lɨlɛ́ɛ ɨ́ lémé wé tʉ́ŋlʉ̌ ó: «Me ó wâʼ sí ndîndǐl ɨ́ ntuuu mpʉ njwɨ́ɨ. Mé abě kúhó mʉ́má. Me ákǎ jɨ éswie e nyʉ́ʉ́ mʉ̂r.»

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Rôm 6:21

Wáǎ nyɔm bɨ́n á bi, duho ɨ́ misyóm bɨ́n á sɨsâ mí? Bɨ̌n mû ɨ́ báánâʼ ó, lɨ́ ejóʼo sôn lɨ́ esímsa bísyɛ́ɛla bí ébébe byaá. Ndumló bísyɛ́ɛla byaá wɨ́ɛ, wé ó eswie.

2 Tesalonika 1:9

Bé ósia e bintɨ́ʼá. Nye ódímle bê. Bé ódîm ó, kɔ́m ti e kɔ́m. Bé ótyenɔɔ lɨ́ ejaa, akǎ pyâl ɨ́ míh mé Tî Yésʉs. Bé ákǎ kúnwo e gúmó nkûl e kûm nyé dí yɨ́.

Yʉ̂d 1:10

Bʉr baá bɨ́ɛ ntuhlo ó, sá yɨ́yɛ̂h bé dí agʉ́a yɨ́. Yaá bé dí egʉ́a yɨ́ yɨ́ɛ, yé lɨ́ edímle bê. Sá ngwɨ́á yɔ́ɔ́ yaá, yé antaǎ bím ótír ó dwǐʼ dí egʉ́a bísɔ̂ʼ yɨ́.