Filipi 3:18 - Kálar Nzyɛ̌m : Ejwán é Sáá

¹⁸ Me lɨ́ eboó lɛ́ɛ bɨ́n sɨ̂ʼ yɨ̂ʼ jɔʼ yɨ́yɛ̂h. Me lɨ́ ebáʼǎ bâʼle yé ɨ́ báánâʼ e myɛ́ɛlé ɨ́ mîh: buobuo obûʼla, bé ó tɨ̂, baá dí edû bébebébě kʉ̌ tyen bá. Bé lɛ́ʼlé e nzɨ̌ nyaá ó, bé lɨ́ entémlě lɔ́ɔ́ mé Krîst, á dwe ɨ́ kolôs nyá.

Kálara Zyɛ̌m Edwán é mpʉ̌n

¹⁸ Me ebal bɨn é lɔb sa gwar nɨ é jɔʼ yiyɛh. Banana, me mu ó lé ebâʼle yɨm nkpaa tɨʼ e myɛɛle é mih. Yé é buobuo bʉr o ndɨ ekœʼ ebò e cyen ndɨ elɛʼle ó, bé ó bʉr o dɔm mo Krɨst, a dwè é klos ɨ.

Filipi 3:18 ပူးပေါင်းရင်းမြစ်များ

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Galásia 6:12

Bʉr o dí ekpɛl ényɨ̂n ótîtyěl bá, bé ó dí etíne bɨ́n ó, bɨ̌n tíʼaa mpʉ́n. Bé sá nó ó, bʉr nkʉ̂ bîr bɨ́ɛ l'atíblɔɔ. Bé lɨ́ ekpɛ́ɛ bʉ̂r o dí ebeně lɔ́ɔ dí edumo le eswie Krîst á dwe ɨ́ kolôs kʉ́ lɨ́.

Galásia 2:14

Mpʉ mé á bee ó, bé á bé akǎ be lɨ́ etye lɨ́ otyeetye mpʉ̌ Mbɨambɨa Lɔ́ɔ dí etɨ́e mɨ́ná gá yɨ́, me nzě lwib e Kefâs, bɨ́bɛ̂h ɨ́ mediá. Me á lɛ́ɛ e né ó: «Gua mʉr dí Yúden nyá, gǒ tiʼé wâʼ ó mpʉ bʉ̂r o bíkúl bíswîh. Mpʉ yé dí nó yɨ́, gǒ kpɛ̌l étíne bʉ̂r bâʼ ó, bɨ́ɛ tíʼaa mpʉ óYúden ɨ́ yé ɛ́?

Galásia 1:7

Sâ gwár, lɨ́ otyeetye, yé abe e gúú Mbɨambɨa Lɔ́ɔ swîh. Sá dí tɨ̂ʼ yɨ́, yé ó bʉr o dí egwɨ̂m écéně Mbɨambɨa Lɔ́ɔ́ mé Krîst bá. Mekǎn mɔ́ɔ́, mé mû ó lɨ́ etɨ̂l bɨ́n mekʉ̌ sí.

2 Pyɛr 2:10

Nye ódwe bíntɨ́ʼá, ntaa sʉ́ŋa ó, bʉr o dí elóŋlǒ njwɨr myâ gá wɨ́ná bá, bɨ́ɛ ntémé lɨ́ epyêh bʉ̂r o dí e jwɨ́ɨ bá. Bé jaá mɨmɛɛla ó, njɨ e bé bʉr o tɨ̂, le bijwɨʼ mílémé myɔ́ɔ́. Bibɨ́bla bí ólɛ̂ʼla mê lɛ́ɛ́ bɨ́n bî, byé ajóʼo bʉ́á lɨ́ epya mísísǐm mí édúrʉ́ʉ́ mi dí e jwɨ́ɨ mí.

1 Tesalonika 4:6

Mʉ̌r sá abyaʼ mɨ́ɔɔ́ wé mʉr lɔ̌b ɨ́ mbi waá, nkʉ̂ sâ nyé ebébe. Bɨ̌h bé á si boo lɛ́ɛ bɨ̌n, cɨ̂l bɨ́n ó, Tî Yésʉs ódwě ntɨ́ʼá ó, baá o dí esâ syóm ɨ́ lɔ̌b waá bá.

Filipi 1:4

Jɔʼ yɨ́yɛ̂h mé dí ejɨʼla lɨ́ esú lɨ́n yɨ́, mě jɨʼlá ó e bisʉhʉʉ.

Galásia 5:21

gwɨ́má bísá byé onkán, mpur menyoʼ, elɔ̂ʼwa lɨ́ ede méde, tótôʼ. Mpʉ mé á boo lɛ́ɛ bɨ̌n ɨ́ metááré yɨ́, me lɨ́ ebáʼǎ cɨ̂l bɨ́n ó, bʉr o dí esâ mímbi bísyɛ́ɛla byaá bá, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́.

Galásia 2:21

Mé apyêh mpâm mé Nzyɛ̌m. Mʉ̂r bé mbɨ̂mbɨá ɨ́ míh mé Nzyɛ̌m ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, Yésʉs-Krîst á kʉ dwe ó, kwahaá dwêh.»

2 Korɛnt 11:29

Yé bé nyʉ́ʉ́ mʉ̂r, nye ɨ́ tyɛʼ nó, sɨ́ǎ yaá, yé lɨ́ etyeʼ mé nyʉ̂l. Bʉ̂r sí gbâ ébɔ̌ʼ ɨ́ nzɨ̌, nyʉ́ʉ́ mʉ̂r ntɔ̂ʼ bɨm lé nó, sɨ́ǎ yaá, yé lɨ́ ebuú kpaa mé ɨ́ léme.

2 Korɛnt 11:13

Ebě, mbi bʉ̂r waá, wé ɨ́ bébe. Bé ó bʉr o mílʉ́mlʉ́ o bíbɛr, osyɛ̂l o mésâ o míkóo. Bé lɨ́ edwir bé bʉr o tɨ̂ʼ bʉr o mílʉ́mlʉ́ mé Krîst.

2 Korɛnt 2:4

Yé ó nó! Me á cɛma bɨ̌n ó, lémé wâm, wé osí lóno lɨ́ ebúʼ, nyʉ̂l nyǎm, nyé osí buú tyɛʼ, e myɛ́ɛlé ɨ́ mîh. Me á bé acɛma bɨ́n mekaná maá lɨ́ esú ó, milémé mín lónaa lɨ́ ebúʼ. Me á jaa cɛma ó, njɨ lɨ́ elɛ̂ʼle bɨ́n kpɛ̌l ápurapúra mé dí e yé lɨ́ esú lɨ́n yɨ́.

1 Korɛnt 6:9

Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,

1 Korɛnt 1:18

Pô eswie mé Yésʉs ɨ́ kolôs kʉ́, nye ɨ́ páʼ bʉ̂r o dí edîm bá ó, mpʉ̌ lɔ́ɔ́ ógʉ̌. Sâ gwár, ɨ́ páʼ gá wɨ́ná, bʉr o dí ebǐ twǐʼ njʉ̌m dǐ bá, nye ó ánɨ̂nɨ̂n nkǔl Nzyɛ̌m dí e nye nyɨ́.

Rôm 9:2

Léme, wê me ó, lɨ́ ekpaa ébúʼ. Wé ó nó ɨ́ jɔʼ yɨ́yɛ̂h.

Lʉkas 19:41

Jɔ̌ʼ Yésʉs á pyâl bǎʼ e Yerʉ́zalɛm, ntɔ̂ʼ bee yé yɨ́, nye ntɔ̂ʼ jɨ édwê ɨ́ lɔ̌b wé.

Yʉ̂d 1:13

Bé nwɨɨla ntémé ó e mbi óbóʼó ó mâŋ dí epyêl mégûl ɨ́ ntomo ntomo wɨ́. Bé lɨ́ esâ ébébe, ajóʼo bá sôn. Bé nwɨɨla ó, le ocwícwén o dí adû bítyé byɔ́ɔ́ bá. Sá tɨ̂ʼ ó Nzyɛ̌m dí ejaá bɨbaʼle bé bidiá byɔ́ɔ́ njɨ lɨ́ edúrʉ́ʉ́ e dí ɨ́ nkom nkom lɨ́ yɨ́. Edúrúú laá, lé ódidi nó ó, kɔ́m ti e kɔ́m.

2 Tesalonika 3:11

Bɨ̌h bê sí lwib nó ó, ebě, bɨ̌h jʉ́ʼrá ó, bʉ́ʉ́ bʉ̂r ó sɔ́má yɨ́n, bé lɨ́ esâ épɨ̂h. Bé jaá sɨsâ ó, njɨ mpǔʼ.

Mɨlʉmlʉ 20:19

Me á sɨséa Tî Yésʉs syɛ́ɛ́ ɨ́ jɔʼ yɨ́yɛ̂h ó, le ejɔr nyʉ̂l nyǎm, e myɛ́ɛlé ɨ́ míh, oYúden bɨ́ɛ lɨ́ esáa mépɨʼ mé ébóblo mê. Sâ yaá ó b'á bu dwe me túú yɨ́.

Galásia 6:14

Yé sá abá kúnwo ɨ́ páʼ wâm ó, me nkʉ́naa ɨ́ sâ swîh. Me nkʉ́naa ɨ́ sɔ̂ʼ njɨ mbi éswie Tî gá wɨ́ná, Yésʉs-Krîst á dwe ɨ́ kolôs kʉ́ wɨ́. Eswie lé laá, lé ó b'á sâ ó, bisá bí sí yɨ̂, byé ayɨ́ kǎ be mé e nyɔm. Lɨ́ sâ ntémé ó, bʉr ó sí yɨ̂, bé ayɨ́ kǎ nʉa mé, gbâ ɨ́ nkɔb.