Filipi 3:17 - Kálar Nzyɛ̌m : Ejwán é Sáá

¹⁷ Bɨ́ɔɔ́ bâm! Okɛ́l bâm! Baŋaa gá me, bɨ̌n óbɛ̂h. Mɨ́ dwe bɨ́n mveʼle. Nó ó, bɨʼɨɨ gá míh mɨ́n ɨ́ bʉr o dí etiʼě mpʉ̌ mveʼle yaá dí yɨ́ bá. Bɨ̌n e dú bê.

Kálara Zyɛ̌m Edwán é mpʉ̌n

¹⁷ Obɨɔ ga bam aa! Nʉŋa ga dweʼle tiʼ yam mpʉ bʉʉ bʉr mu lé esa ɛ. Bɨh bɨ lɛʼle bɨn ebò e cyen tɔɔ dweʼle. No ó, bɨʼɨ ga mih mɨn é bʉr o ndɨ ekœʼ ebò e cyen laa ɛ.

Filipi 3:17 ပူးပေါင်းရင်းမြစ်များ

Filipi 4:9

Gwá baʼle gá milɔ̌b mímyɛ̂h bɨ́n á jɨ̂ʼ ɨ́ me le ekam mí. Lɔ́ɔ́ wɨ́wɛ̂h bɨ́n á jóʼo me lɨ́ elɛ́ɛ, le sá yɨ́yɛ̂h bɨ́n á bee me lɨ́ esâ yɨ́, baʼlaa gá byê. Nzyɛ̌m, mʉr dí egbâ mɨ́ná gá mepyɛbla ɨ́ miléme nyá, ódi ɨ́ bɨ̌n.

1 Korɛnt 4:16

Nó ó, me lɨ́ ejɨʼla e bɨ̌n ó, bɨ̌n báŋaa me.

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

2 Tesalonika 3:9

Bɨ̌h bé e nkul jwɨ́ɨ dí ó, bɨ̌h díraa nyɔm lɨ́ enʉnʉa bísá bín. Bɨ̌h bé á be ó, bɛ̌m sâ nó. Sâ gwár, bɨ̌h bé á si kpɛl elɛ̂ʼle bɨ̌n mveʼle, lɨ́ esú ó, bɨ̌n báŋaa bɨ̌h.

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

1 Timotɛ 4:12

Anyamlě kam ó, mʉr pyéhee go ɨ́ lɔ̌b gó dína loʼo. Lɨlɛ́ʼláá óbûʼla mveʼle édû. Sáʼ nó e bisyɛ́ɛla bî: lwǐb yô, twiʼ yô, kpɛ̌l yô, búʼó yô, lɨ́ edwe nyʉ̂l nyǒ medile ɨ́ míh mé Nzyɛ̌m.

2 Tesalonika 3:7

Ebě, bɨ̌n bʉr o tɨ̂, bé lɨ́ ekʉ́ gʉ́ǎ mpʉ bɨ́n jálá le enwɨɨla e bɨ̌h yɨ́. Bɨ̌h bé á bé asâ épɨ̂h ɨ́ jɔʼ bɨ́h á be páʼ nyɨ́n yɨ́.

1 Korɛnt 10:32

Tiʼaa gá, mbi dí ó, bɨ̌n bé ákǎ sâ syɛ́ɛla ngá be ébɔ̌ʼ lé óbɨma óYúden le bʉr o bíkûl biswîh, nkʉ̂ ntɔ̂ʼ bʉr ó Mbɛ̌r-Nzyɛ̌m lɨ́!

2 Tesalonika 3:14

Mʉ̂r bé asâ bɨ́h mejóʼo ɨ́ jɔʼ bé jóʼó métwɨ́ɨ́ bɨ́h dí etɨ́e bɨ́n ɨ́ mekaná mâʼ má nó, nʉaa gá nye díe. Bɨ̌n bé ayɨ́ be e ndwáala e né. Ɨ́ mbi waá ó nyé ójóʼo sôn yɨ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.

Rôm 16:17

Nó ó, bɨ́ɔɔ́ bâm, me lɨ́ ejɨʼla e bɨ̌n ó, bɨ̌n e báʼ bʉ̂r o dí egbâ nzyɛ́ɛ́lá mecwíí páʼ bʉr e bʉr, le baá dí egbâ mebɔ̌ʼ ɨ́ nzɨ̌ me bʉ́ʉ́ bʉ̂r bá. Bé lɨ́ esâ nó ó, bé nkʉ̂ kamle e milɛ́ʼlá bɨ́n á dweŋɔɔ mí. Diʼee gá ncɛrá e bê.

1 Korɛnt 11:1

Baŋaa gá me mpʉ mé dí ebaŋǎ Krîst yɨ́.