Filipi 3:13 - Kálar Nzyɛ̌m : Ejwán é Sáá

¹³ Bɨ́ɔɔ́ bâm! Okɛ́l bâm! Mé apǎ bûʼla ó, mɨ́ nʉa myɛ́na mé dí egwɨ̂m má. Sá mé dí ejaá sœ̂ŋ yɨ́, yé ó, me jɨ́haa bisá bí píhe, kǎ tyěn lémě nko bísá dína me dóló bí.

Kálara Zyɛ̌m Edwán é mpʉ̌n

¹³ Obɨɔ ga bam aa! Me apa buʼla ó, mɨ nʉa myɛna me lé egwɨm ɨ. Sa me lé ekʉ dweh e, yé ó, me jɨha bɨsa me a dɨ sa é molu pihe e, ka cen leme nko bɨsa dina me dolo e.

Filipi 3:13 ပူးပေါင်းရင်းမြစ်များ

Lʉkas 9:62

Yésʉs ntɔ̂ʼ lɛ́ɛ e né ó: «Mbi mʉ̂r dí etáare éséǎ syɛ́ɛ́, ntɔ̂ʼ kǎ bîr, dwɛ̂ʼ píhe nyá, nyé abá be e nyɔm ɨ́ Mpóʼo mé Nzyɛ̌m.»

Filipi 3:12

Mé apǎ be e nkul elɛ́ɛ ó, me mû ó sí swim, pyâl lɨ́ odumo. Sâ gwár, me lɨ́ etô dóló le egbâ nkûl ó, me nkʉ̂ jala le myɛ́na mé kám, ebě, Yésʉs Krîst mû ó sí boó mɛ̂r mê.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.

Ebrœ̂ 6:1

Nó, mɨná gwáʼaa edwe gá milɛ́ʼlá bé dí enyɛɛ́ jɨ̂ʼ ésôʼ, myaá mi dí edumo e Krîst mí. Mɨná dwéelaa gá myaá mi dí esâ ó, mʉr tɔ́maa ɨ́ pɨʼ mí. Bɨ̌h bé ákǎ báʼǎ lɛ̂ʼle bɨ́n milʉ́ mékǎn mâ: etúmǒ koo e bibol bísyɛ́ɛla, edwirǎ léme, edyêʼ koo e Nzyɛ̌m,

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

Lʉkas 10:42

Tó kœb ó, sá dí ɨ́ buú buǒ nyɔm yɨ́, yé ó njɨ gwár. Sâ yaá, yé ó mbɨambɨa nkɔ̌b Maria nyɨɛ pɛ́h nyɨ́. Abe e mʉr ópɛʼ nyé nyǎ.»

2 Pyɛr 3:8

Bʉr ó kpɛ̌l bâm, ajɨha gá sɨ̂: ɨ́ páʼ mé Dâ Nzyɛ̌m, dʉ́o egwár, lé ó mpʉ tɔ́ɔ́sin mimbû; tɔ́ɔ́sin mimbû nyɨɛ, nye ó mpʉ dʉ́o egwár.

2 Korɛnt 5:16

Ebe nó, táare ɨ́ báánâ, bɨ̌h bé akǎ gʉ́a mʉ̂r e nzɨ̌ ngwɨ́á wɨ́h. Damá jóʼǒ mpʉ bɨ́h á nyɛɛ gʉgʉ́a Krîst e nzɨ̌ ngwɨ́á nyaá yɨ́, nó ɨ́ báánâ, bɨ̌h bé akǎ gʉ́a nyé nó.