Filipi 3:12 - Kálar Nzyɛ̌m : Ejwán é Sáá

¹² Mé apǎ be e nkul elɛ́ɛ ó, me mû ó sí swim, pyâl lɨ́ odumo. Sâ gwár, me lɨ́ etô dóló le egbâ nkûl ó, me nkʉ̂ jala le myɛ́na mé kám, ebě, Yésʉs Krîst mû ó sí boó mɛ̂r mê.

Kálara Zyɛ̌m Edwán é mpʉ̌n

¹² Me apa be e nkul elɛɛ ó, kam wam, wi pyal é l'odumo, nkʉ nteme, mɨ kumo é l'ombɨmbɨa é mɨpaʼ mimyɛh. Sa gwar, me eto dolo lé egba nyʉl, ó me nkʉʼ bi myɛna mo kam, ebe, Yesʉs-Krɨst mu ó si bɛa sa ó, me diʼe waa we.

Filipi 3:12 ပူးပေါင်းရင်းမြစ်များ

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

Éfɛsɔs 1:4

mɨná gúmlaa gá nye, ebě, nye á si boo twâr mɨná gâ, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Nye á twâr mɨná gá ó, mɨná gúmaa gá e né, ɨ́ nzɨ̌ mé Krîst, abe e sá ébébe nyé ónwâhle mɨ́ná gá e tɨ̂.

Filipi 3:16

Mɨná dúʼoo gá nzɨ̌ mpwár mɨ́ná dí gá tɨ̂ʼ ɨ́ báánâʼ nyɨ́, jɔʼ yɨ́yɛ̂h.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Jacques 3:2

Mɨná gá óbɛ̂h, bé lɨ́ esâ gá mebébe, mimbi mímyɛ̂h. Yé bé nyʉ́ʉ́ mʉ̂r, nye lɨ́ eboó lwib ɨ́ lwib lwib, sîl, asâ ébébe nó, lɛ́ɛ́, mʉr waá, nyɨ́ pʉʼa lɨ́ ontwǒm, tô lɨ́ obwam. Mʉr waá, nyě e nkul ekamle nyʉ̂l nyé nyɨnyɛ̂h lɨ́ esâ ébébe.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

2 Tesalonika 2:13

Bɨ́ɔɔ́ bɨ́h! Okɛ́l bɨ́h! Tî Yésʉs, nye lɨ́ ebuú kpɛl bɨ́n. Yé jala ó, bɨ̌h dwêʼ Nzyɛ̌m nzyǒo ɨ́ bijɔʼ bíbyɛ̂h ɨ́ lɔ̌b wɨ́n, ebě, nyɨ́ twâr bɨ́n, duho ɨ́ menyɛ̌l, ó bɨ̌n tíʼaa njʉ̌m dǐ e njʉ̌m dǐ. Nye mû ó lɨ́ etíʼ bɨ́n e nzɨ̌ Sísǐm mé Nzyɛ̌m wé á pubo bɨ̌n nyá. Bɨ̌n mû ó lɨ́ ebǐ twiʼ mpâ ɨ́ nzɨ̌ búʼó bɨ́n dí ebúʼla ótyeetye yɨ́.

Éfɛsɔs 4:12

Nyě sá nó ó, lɨ́ esú é bʉ̂r o mé Nzyɛ̌m, ó bé díʼee bʉr o dí e nkul elóŋlǒ syɛ́ɛ́ yé bá. Nyě lɛ́ʼlé bé esâ nó ó, lɨ́ esú lé édwě Mbɛ̌r-Nzyɛ̌m (dí nyʉ̂l mé Krîst wɨ́) megwɨ́e.

2 Korɛnt 13:9

Bɨ̌h bé lɨ́ esoho ɨ́ jɔʼ bɨ́h dí enyɨ̂n bítyɛʼbol, bɨ̌n bɨɛ baánkunkúl yɨ́. Lʉ́ ékǎn ɨ́ minjɨʼla míh wé ó, bɨ̌n gwâ kwɨmlɨ mbɨ̂mbɨá nó.

1 Korɛnt 13:10

Ɨ́ jɔ̌ʼ Nzyɛ̌m óbe, nye mû sí komlo bísá bíbyɛ̂h ɨ́ mipáʼ mímyɛ̂h yɨ́, nyé opɛʼ yaá yé á bɨbe pêh yɨ́.

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

1 Timotɛ 6:19

Bé kʉ̂komaa bé bʉr o tɨ̂ʼ ekʉ̌m empâ, lɨ́ esú é mélû me dí enze má. Bé sá nó ó, bé nkʉ̂ mɛ̂r twiʼ ɨ́ kpɨ́ɨ́ɨ́, yaá dí kwahaá mpǎŋ twiʼ yɨ́.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Mataos 5:48

Diʼee gá bʉr o dí mbɨ̂mbɨá ɨ́ mipáʼ mímyɛ̂h bá, mpʉ Sɔ́ŋ wɨ́n dí ɨ́ jʉ́o kʉ́ nyá dí yɨ́.»

Rôm 8:39

damá be bísâ bi dí ɨ́ jʉ́o kʉ́, nkʉ̂ byaá bi dí ɨ́ sí tʉ́ŋlʉ̌ bí, damá be wáǎ mbǐ sɔ̂ʼ Nzyɛ̌m á komlo yɨ́, tó tôʼ. Sâ gwár dí ɨ́ sɔ́má yaá yɨ́, yé ákóʼó bɛ̂ʼ páʼ gá nyɨ́ná e Nzyɛ̌m, mʉr dí elɛ̂ʼlě kpɛ̌l yé ɨ́ nzɨ̌ mé Yésʉs-Krîst, Tî gá wɨ́ná nyá.

1 Korɛnt 9:24

Nzê bɨ̌n bé agʉ́a ó, yé ɨ́ buo óswima ɨ́ duo bíjʉ́ʉ́ ɛ̌? Ntʉ bʉ̂r bɨ́bɛ̂h dí enʉa myɛ́na. Myɛ́na bíjʉ́ʉ́, mé jaá dweŋɔɔ ó, njɨ waá dí entaa bʉ́ʉ́ óswima bɨ́bɛ̂h nyá. Nó ó, swimɨɨ gâ. Bɨ̌n ntáŋaa, bi myɛ́na.

1 Korɛnt 13:12

Nó ó, ɨ́ báánâ, sá mɨ́ná dí ebee gá yɨ́, yê ɨ́ míh gá mɨ́ná ó, ɨ́ dímlɨ́ di dímlɨ́. Yé ó mpʉ̌ mveʼle dí enyɨ̂n ɨ́ nkóho dí engê yɨ́. Ɨ́ jɔ̌ʼ sá dí ntinɨ̂ mû sí pyâl yɨ́, mɨná bé óbeela gá mempǒm. Ɨ́ báánâ, ngwɨ́á wâm, wé dína ó, tîtil. Jɔʼ yaá ó mé ósûʼlǎ gʉ́ǎ sá yɨ́yɛ̂h ɨ́ pébébé yɨ́, dû mpʉ̌ Nzyɛ̌m dí eboó gʉ́a mé ɨ́ pébébé yɨ́.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Filipi 3:8

Yé ó nó! Me mû lɨ́ ebee bísâ byaá bíbyɛ̂h ó, byé ó dwêh, ebě, sá dí ɨ́ buú mbɨa yɨ́, yé ó, me dúʼoo Yésʉs. Me á si gwa sû mpǎŋ bisɔ̂ʼ, ebě, sá dí ɨ́ buú mbɨa yɨ́, yé ó, me gʉ́ŋaa Tî wǎm Yésʉs-Krîst. Ebe mé dí edyɛ̂ʼwo e né, me á si bîr bisá bíbyɛ̂h byé á nyɛɛ be e nyɔm ɨ́ páʼ wâm bí. Nó ó, me mû bee byé ó, mpʉ̌ sá jálá le emyahɔɔ̌ dwǐʼ yɨ́. Mě bír byé nó ó, jáŋá me nkʉ̂ bi mâm myɛ́na. Mé óbe ó Krîst.