Filipi 3:11 - Kálar Nzyɛ̌m : Ejwán é Sáá

¹¹ Ebě, mpûʼla, nye me ɨ́ léme ó, me ntémé, me ópah, bǐ twiʼ.

Kálara Zyɛ̌m Edwán é mpʉ̌n

¹¹ Ebe, leme wam, wi loŋlo e mbɛla ó, me nteme, me ópàh, bi tiʼ molu mo mpoʼ mɨmɛh.

Filipi 3:11 ပူးပေါင်းရင်းမြစ်များ

Mɨngwiha 20:5

Bʉr o bé ésôʼ lɨ́ etáare épah ó bâ. Bʉ́ʉ́, bé ókǎ pah ó, mimbû tɔ́ɔ́sin, myé osí laa.

Mɨlʉmlʉ 26:7

Menzweh kám e mebá mé kúl gá yɨ́ná, mé lɨ́ egwɨ̂m ébeě mpʉ̌ Nzyɛ̌m ngá lóŋlo nkɛ́ʼ nyaá yɨ́. Bé séá Nzyɛ̌m syɛ́ɛ́ ó, móhó e pum. Njwɨ́ɨbʉr ɛ̌! OYúden, bé jaá pur mé ó, njɨ ɨ́ lɔ̌b mpûʼla dí me ɨ́ léme nyɨ́.

Mɨlʉmlʉ 23:6

Sâ gwár, ɨ́ jɔ̌ʼ Pɔ̂l á ka gʉ́a ó, bʉr ó bʉm, bé á be ó menkɔ̌m mebá: nyɨ̂ʼ nkɔ́m, oSadwisyɛ̂n; nyʉ́ʉ́, oFarizyɛ̂n yɨ́, nó ó nyé á bʉ̂ tím gúmó ótîʼ o mílɔ̌b bé á be yɨ́. Nye ó: «Bɨ́ɔɔ́ bâm, me ó Farizyɛ̂n. Odâ, bé á be ntémé ó oFarizyɛ̂n. Me lɨ́ ebúʼla ó, odwe, bé ópah. Sá tɨ̂ʼ ó mé mû lɨ́ esâ nkâr yɨ́.»

Ebrœ̂ 11:35

Bʉ́ʉ́ bʉ́bá, bé á baʼa nʉa bʉr bɔ́ɔ́ bé á nyɛɛ dwe, kǎ pah bá ó, ɨ́ nzɨ̌ búʼó yɔ́ɔ́. Bʉ́ʉ́ bʉ̂r, bé á si bɔma e bintɨ́ʼá ɨ́ lɔ̌b búʼó, akam ó, bé dwíhɔɔ lɨ́ okómó, ebě, bé á kpɛl ó, bé páhaa lɨ́ odwe, mbǐ pahá dí ɨ́ buú mbɨa wɨ́.

2 Tesalonika 2:3

Mʉ̌r sá adímle bɨ́n e nzɨ̌ lwǐb míkóo ɨ́ nyʉ́ʉ́ nzɨ́ e nyʉ́ʉ́, ebě, móhó waá, wé ányɛɛ́ pyâl nó. Bʉr ɨ́ buo buo, bé ónyɛɛ́ gbɔba e Nzyɛ̌m. Mʉr dí egbah métié mé Nzyɛ̌m nyá, nyé okǎ tyɛ̂b ɨ́ teʼwó ɨ́ míh mé bʉ̂r ɨ́ ponó ɨ́ jɔʼ yaá. Nye ó ngá tyɛ̂b ésôʼ e bʉr o ngá dîm kɔ́m ti e kɔ́m bá.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

1 Korɛnt 9:27

Mɨ́ gbâ nyʉ̂l nyǎm ɨ́ jwɨ́ɨ́ yâm, le esâ nyé bwaʼbwaʼ mpêl. Me ámû jaá myahɔɔ̌ kʉ̌l, mɛm, mʉr dí eboó tutúnǒ Mbɨambɨa Lɔ́ɔ nyá.

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Rôm 11:14

me nkʉ̂ gbâ kúl bʉ̂r yâm, oYúden, egú ɨ́ miléme. Jáŋá bʉ́ʉ́ bʉ̂r ɨ́ sɔ́má yɔ́ɔ́, bé ónzě bǐ twǐʼ njʉ̌m dǐ e nzɨ̌ nyaá.

Yʉanes 11:24

Mááta, nye e né ó: «Me lɨ́ egʉ́a ó, nye ópah ɨ́ jɔʼ ódwe, bé ópah ɨ́ mesoo ɨ́ móhó ésúʼlá é sí yɨ̂ʼ yɨ́.»

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Mɨlʉmlʉ 27:12

Mpʉ ébʉ̂m, lé á be ambɨa ɨ́ jɔ̌ʼ kóló yɨ́, nó ó bʉ̂r ɨ́ buo buo, bé á be ɨ́ sitíma tʉ́ŋlʉ̌ bá, bé á kam ó, bé mɔ́aa tɨ̂, tô e tyen dóló yɨ́. Bé á bee ó, yé óbána nó, bé ɨ́ jala le epyâl ɨ́ Feníkas. Ebʉ̂m laá, lé ó gúmó bʉ̂r dí ebuú gwɨ̂m étó lɛ̌ŋ kóló yɨ́. Lé á be ó, ɨ́ tíhé Krɛ̂t. Lé á dwɛ̂ʼ ó, nko dʉ́o dí ejâ yɨ́.

1 Korɛnt 15:23

Sâ gwár, mʉr nyɨnyɛ̂h, nye ópah ó, ɨ́ yé jɔʼ: Krîst esôʼ; bʉr bé, bé ónzě bɔma e né ɨ́ jɔʼ nyé ngá báʼǎ nze yɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.